1200 x 80 DMirror
 
 

මානව හිමිකම් උල්ලංඝන සම්බන්ධයෙන් ලබන බරපතල චෝදනා උත්සන්න වීම හමුවේ

ශ්‍රී ලංකාවේ පොලිසියට බ්‍රිතාන්‍ය පොලිස් පුහුණුව ලබා දීම අත්හිටුවා තිබේ. 

 
මෑත කාලය තුල ඉහළ ගොස් ඇති අත්අඩංගුවේ මරණ, වධබන්ධන සහ හිතුමතේ රඳවා තබාගැනීම් පිළිබඳව වාර්තා වෙමින් පැවතියදී ශ්‍රී ලංකාවේ පොලිසියට ස්කොට්ලන්ත පොලිස් බලකාය විසින් දෙනු ලබන පුහුණු කිරීම් නවතා දමන්නට තීරණය කර ඇත්තේ මැයි මාසයේදීය. 
 
“සියලුම එක්සත් ජනපද ආධාර දෙනු ලබන්නේ අපේ සාරධර්ම වලට අනුගත බවත්, අපේ දේශීය සහ ජාත්‍යන්තර මානව හිමිකම් යුතුකම් වලටත් ගැලපෙන බවත් සහතික කෙරෙන විදේශීය ආරක්ෂක සහ යුක්ති සහාය (OSJA) දීමේ දැඩි තක්සේරුවකින් පසුව,” යැයි ස්කොට්ලන්ත පොලිස් ප්‍රධානී ගැරී රිචී බ්‍රිතාන්‍ය ජනමාධ්‍ය හමුවේ පවසා තිබුණි.
 
“ස්කොට්ලන්ත පොලිසිය විසින් වර්තමානයේ ශ්‍රී ලංකාවේ සිදුකරනු ලබන විදේශීය ආරක්ෂක සහ යුක්ති සහාය සම්බන්ධ කටයුතු දැනට පුනරීක්ෂණය කෙරෙමින් පවතින අතර අපේ සියලු කටයුතු මේ වනවිට අත්හිටුවා තිබේ.”  කොළඹ බ්‍රිතාන්‍ය මහ කොමසාරිස් කාර්යාලයේ මූල්‍යාධාරයෙන් ශ්‍රී ලංකාවේ පවත්වාගෙන තුන් අවුරුදු වැඩසටහනකින් අඩක් මේ වනවිට නිමා කර ඇති බව ස්කොට්ලන්ත පොලිසිය පසුගිය මාසයේ නිවේදනය කර තිබුණි. ප්‍රජා පොලිස් සේවා හා ලිංගික සහ ලිංගික සමාජභාවී ප්‍රචණ්ඩතා වලක්වා ලීමත්, පොලිස් සේවයේ ලිංගික සමානතාව සඳහා දිරි දීමත් ඒ පුහුණුවට අදාළ වන බව එම නිවේදනයේ වැඩි දුරටත් සඳහන් වේ.
 
මෙරට පොලිස් සේවය මෙන්ම බ්‍රිතාන්‍ය පොලිසිය විසින් ශ්‍රී  ලංකාවේ කරන ලද මානව හිමිකම් උල්ලංඝන සම්බන්ධයෙන් වසර ගණනාවක පර්යේෂණ සිදුකළ ගවේෂණශීලී මාධ්‍යවේදී ෆිල් මිලර් ශ්‍රී ලංකාවේ ප්‍රජා පොලිස් සේවය සඳහා බ්‍රිතාන්‍ය මුදල් යෙදවීම දැඩි දෝෂ දර්ශනයට ලක් කර තිබුණි. 
 
“දිවයිනේ දෙමළ ජනතාවගේ නිදහස සඳහා වූ අරගලයට එරෙහි යුද්ධයේදී ආරෝග්‍යශාලාවලට බෝම්බ ගැසීමට අනුග්‍රහ දැක්වූ ශ්‍රී ලංකාවේ ජනාධිපතිවරයා ප්‍රජා පොලිස් සේවාව භාර අමාත්‍යවරයා ලෙස පත් කර ඇත්තේ ඇඩොල්ෆ් හිට්ලර් ගේ රසිකයෙකි.”
 
ජනාධිපති ගෝඨාභය රාජපක්ෂ ජනඝාතක පැසිස්ට්වාදී ජර්මන් ආඥාදායක ඇඩොල්ෆ් හිට්ලර් මෙන් ඒකාධිපතියකු ලෙසින් රට පාලනය කළ යුතු බව පසුගිය අප්‍රේල් මාසයේ ප්‍රසිද්ධියේ ප්‍රකාශ කළ දිලුම් අමුණුගම ප්‍රජා පොලිස් සේවාව භාර රාජ්‍ය අමාත්‍යවරයායි.

 

 

 


 

THE LEADER TV 
 
 
 

නාමල්කරණයට යටකළ එන්නත්කරණය!

 

හමුදාපතිත් නොදන්නා කොරෝනා දත්ත විකෘති කළ අය මෙන්න!

subscribeYT

subscribeYT

WhatsApp Image 2021 09 13 at 13.49.58