වසංගතය ඇරඹි වසර එක හමාරකට පසු කොවිඩ් සෞඛ්‍ය නීති අකුරටම ඉටුකරන ලෙස විනිසුරන්ගෙන් ඉල්ලා සිටීම  අයිතිවාසිකම් උදෙසා විදී බසින

ජනයා මර්දනය කිරීමේ සැලසුමක් බවට චෝදනා එල්ල වී තිබේ. 

කොවිඩ් සෞඛ්‍ය උපදෙස් අනුව අධිකරණ රාජකාරි පවත්වා ගෙන යෑම ගැන අධිකරණ සේවා කොමිසම කැඳවූ සම්මන්ත්‍රණයක් 13 වැනි සිකුරාදා කොළඹ විනිසුරු පුහුණු ආයතනයේ දී පැවැත්වුනේ අගවිනිසුරු ජයන්ත ජයසුරිය ගේ ප්‍රධානත්වයෙන් හා බුවනෙක අලුවිහාරේ, එල්.ටි.බි. දෙහිදෙණිය සහ මහින්ද සමයවර්ධන  ශ්‍රේෂ්ඨාධිකරණ විනිසුරන්ගේ සහභාගිත්වයෙන්. 
 
මෙම සම්මන්ත්‍රණයේදී මහේස්ත්‍රාත්වරුන් වෙත උපදෙස් ලැබී  තිබුනේ කොවිඩ් මර්දන සෞඛ්‍ය උපදෙස් අනුව අපරාධ නඩු විධාන සංග්‍රහයේ, මහජන සාපරාධි ක්‍රියා  යටතේ ගැනෙන 98 හා 106 වගන්ති භාවිතා කරමින් විරෝධතාකරුවන් හා මහජන රැස්වීම් මර්දනයට බවයි කොළඹින් පලකෙරෙන මාධ්‍ය වාර්තා කර තිබුනේ.
 
 20 වැනි සංශෝධනයෙන් පසු ජනාධිපතිවරයා විසින් නියෝජිතයන් පත්කරන අධිකරණ සේවා කොමිෂන් සභාවේ මෙම ක්‍රියාව ගැන විනිසුරන්ගේ නීතිඥයන්ගේ හා පාර්ලිමේන්තුවේ ද  විරෝධය එල්ලවී  වී තිබේ.
 
 
ජවිපෙ නායකයා පාර්ලිමේන්තුවේදී කළ විමසීම 
 
 
මේ පිළිබඳව 17 වැනි අඟහරුවාදා පාර්ලිමේන්තුවේදී ප්‍රශ්න කරමින් ජනතා විමුක්ති පෙරමුණේ නායක අනුර දිසානායක කියා සිටියේ  ''මේ  සම්මන්ත්‍රණයට සහභාගී නොවුනහොත් මහේස්ත්‍රාත් වරුන්ගේ උසස්වීම්, වැටුප් වැඩිවීම් හා විදේශ පුහුණු හා සංචාර වලදී සලකා බැලෙනු ඇතැයි අධිකරණ සේවා කොමිෂන් සභාවේ ලේකම් සංජය සෝමරත්න යැවූ ඇරයුම් ලිපියේ සඳහන් වෙනවා''`යනුවෙනි.
 
 
WhatsApp Image 2021 08 18 at 2.33.02 PM 
 
අදාළ සම්මන්ත්‍රණයේදී මහේස්ත්‍රත්වරුන්ට විරෝධතා මැඩීමට යොදා ගත හැකි නීති හා වගන්ති පෙන්වා දෙමින්,  විධායකයට අනුගත විය හැකි අයුරු පෙන්වා දී ඇතැයි අනුර දිසානායක අධිකරණ ඇමති ප්‍රශ්න කරද්දී  අදාල ප්‍රශ්නයට පිළිතුරු දීමට අධිකරණ ඇමති අලි සබ්‍ර්රි සති දෙකක කාලයක් ඉල්ලා සිටියා.
 
''කොවිඩ් 19 වසංගතය පැතිරීම කෙරෙහි විරෝධතාකරුවන්ගේ බලපෑම අවම කරන්න පොලිසියේ ඉල්ලීම අනුව නියෝග ලබා දීම කෙරෙහි අවධානය යොමුකරන්න''  යනුවෙන් සියුම් බලපෑමක් එල්ලවූ බවයි නම හෙළිදරව් නොකළ මහේස්ත්‍රාත්වරයෙක් ජනමාධ්‍යට  කියා තිබුනේ.   
 
  
අධිකරණ සේවා කොමිෂන් සභාව කැඳවා තිබු මේ සම්මන්ත්‍රණය පිළිබඳව පළ වූ මාධ්‍ය  වාර්තා ගැන ප්‍රශ්ණ කරමින් අගවිනිසුරු වෙත ලිපියක්  යොමු කරන  ශ්‍රීලංකා නීතිඥ සංගමය පෙන්වා දෙන්නේ ඒවා '' නීතියේ ආධිපත්‍යට  අධිකරණයේ ස්වාධිනත්වයට හා යුක්තිය ඉටු කිරීම ගැන මහජන විශ්වාසයට බලපාන බවයි''.
 
 
ඊට අමතරව ''වෘත්තීය සමිති ක්‍රියාමාර්ග ගැන සාකච්ජා කිරීම,මහජන උද්ඝෝෂණ මඩින්න නීති උපදෙස් දීම, පොලිසියේ ඉල්ලීම් වලට නියෝග ලබා දීම'' ඇතුළු එම සමුළුවේදී කතා බහ කෙරුණු දේ ගැන අගවිනිසුරු ඇතුළු අධිකරණ සේවා කොමිසමේ විනිසුරන් පිළිතුරු දිය යුතු බව ශ්‍රීලංකා නීතිඥ සංගමය අවධාරණය කරයි.
 
 කොවිඩ් වසංගතය ආරම්භයේදී අධිකරණ රාජකාරිවලදී අනුගමනය කළ යුතු උපදෙස් මාලාවක් සෞඛ්‍ය සේවා අධ්‍යක්‍ෂ ජෙනරාල් විසින් නිකුත් කර තිබිණි. 
 
කොළඹ පිහිටි අධිකරණ ශාලා වලට ඇතුල් කළ යුතු  පුද්ගලයන් ප්‍රමාණය සියයට 35 ක් ද, පිටපළාත් අධිකරණ ශාලා වලට සියයට පනහ ක් ද වශයෙන් එම උපදෙස් මාලාවේ අඩංගු විය. 
 
අධිකරණ වාර්තාකරුවෝ පෙන්වා දෙන්නේ ඇතැම් නඩු විභාග වලදී කොවිඩ් වසංගත තත්වය නොතකා කිසිදු පානයකින් තොරව අධිකරණ ශාලා සියයට 300 ක් පමණ පිරිසකගෙන්  පිරී තිබුණු බවයි.
 
මේ අතර ''නගරයේ කොවිඩ් වසංගත අවදානම හා අධිකරණ සංකීර්ණයේ සෞඛ්‍ය උපදෙස් අනුව වැඩ කිරීමට  පහසුකම් නොමැති වීම'' නිසා ගම්පහ අධිකරණයේ නීතිඥයන් සිය රාජකාරි 16 වැනිදා සිට 23 වැනිදා දක්වා ඉවත් වන බව ගම්පහ දිසා විනිසුරු වෙත දැනුම් දී තිබේ. 
 
 
THE LEADER TV 
 
මහින්ද දොලවත්ත ලවා ස'ගෙන් කළ ඉල්ලීම! 
 
 
ලංකාව අවධානමේ : ඇත්ත කියලා cid ඇවිල්ලා 
 
 

Follow Us

Image
Image
Image
Image
Image
Image

Exchange Rates

නවතම පුවත්