1200 x 80 DMirror
 
 

එක්සත් ජාතික පක්ෂ නායකත්වයෙන් යුත් වෘත්තීය සමිතියක් ඇතුළු තවත් සංගම් රැසක එකතුවක්

සහ පාර්ලිමේන්තුවේ ප්‍රධාන විපක්‍ෂය ද ස්වයං අගුල් දැමීමක් ප්‍රකාශයට පත් කර ඇත්තේ හමුදා නායකත්වයෙන් ගෙන ගිය ආණ්ඩුවේ කොවිඩ් මර්දනය අසාර්ථක වී දිනෙන් දින ආසාදිතයන්ගේ මරණ සංඛ්‍යාව ඉහල යද්දී ජනාධිපතිවරයා හිටපු අගමැති කැඳවා උපදෙස් විමසීමෙන් අනතුරුවය. 

 
 අගෝස්තු 17 වැනිදා පෙරවරුවේ පැවති හිටපු අගමැති රනිල් වික්‍රමසිංහ හා ජනාධිපති ගෝඨාභය රාජපක්‍ෂ අතර පැවති සාකච්ජාවලින් අනතුරුව කොළඹදී මාධ්‍යවේදීන් ඇමතූ හිටපු එජාප මන්ත්‍රී රජයේ හෙද නිලධාරීන්ගේ සංගමයේ ලේකම් සමන් රත්නප්‍රිය කියා සිටියේ ''කොරෝනා සමඟ ආණ්ඩු කරන ආණ්ඩුව දවස් දහයකට හෝ රට වසා තැබිය යුතුයි''  යනුවෙනි.
 
 
''ඉහල යන කොරෝනා රෝගීන්ගේ මරණ ගැන ආණ්ඩුව සංවේදී නැත්නම් අපිට සිද්ධ වෙනවා බලෙන් හරි ලොක්ඩවුන් එකකට යන්න''` යැයි සෞඛ්‍ය සේවයේ නියුතු තාක්ෂණ නිලධාරීන්ගේ වෘත්තීය සමිති ප්‍රධානියෙක් වූ රවී කුමුදේශ්  මෙහිදී ප්‍රකාශ කළේය.
 
සරල සංචරණ සීමාවන් යටතේ විද්‍යාත්මක ලෙස රට අගුලු දැමීය යුතු යැයි  කියා සිටී අන්තර් සමාගම් සේවක සංගමයේ ලේකම් වසන්ත සමරසිංහ මාධ්‍ය හමුවේ කියා සිටියේ, ආණ්ඩුව මේ සඳහා පියවර නොගන්නේ නම් ''රාජ්‍ය, අර්ධ රාජ්‍ය, පෞද්ගලික, හා වතු  ක්ෂේත්‍ර වල කම්කරුවන් සමගින් ස්වයං ලොක්ඩවුන් වෙන්න 20 වැනි සිකුරාදා තීරණයක් ගන්නා'' බවයි.
 
 
කොවිඩ් වසංගතය දැඩි ලෙස පැතිර යමින්, දිනකට මිය යන ආසාදිතයින් ඉහල අගයක් ගනිද්දී, රට වසා දමා රෝගය පැතිරීම වළක්වාලීමට පියවර නොගන්නා බවට ආණ්ඩුවට චෝදනා කරමින් 17 වැනිදා පාර්ලිමේන්තුව ඇමතූ  විපක්‍ෂ නායක සජිත් ප්‍රේමදාස,   ''සමගි බලවේගය ලෙස තම පක්ෂ සන්ධානය ස්වයං අගුලු දැමීමකට ජනතාවට පොළඹන බව'' පැවසීය. 
 
නීතියට පටහැනිව ක්‍රියාත්මක වන හමුදාපති ශවේන්ද්‍ර සිල්වා යටතේ පවතින කොවිඩ් මර්දන බලකාය විසුරුවා හැර  එහි වගකීම කැබිනට් මණ්ඩලය, ආපදා කළමනාකරන සභාව, සහ සෞඛ්‍ය සේවා අධක්‍ෂක ජෙනරාල් යටතට පත් කරන ලෙස හිටපු අගමැති රනිල් වික්‍රමසිංහ විසින් ජනාධිපති ගෝඨාභය රාජපක්‍ෂට  නිර්දේශ කරමින් තවත් ඉල්ලීම් හා යෝජනා 20  ක් ඉදිරිපත් කර තිබුණි. 
 
විපක්‍ෂ නායකයා ඇතුළු විපක්ෂයේ මන්ත්‍රීවරුන්ගේ සහභාගිත්වයෙන් ආපදා කළමනාකරණ සභාව රැස් කිරීම, ආර්ථික අර්බුදයකට මුහුණ දී සිටින ආණ්ඩුව හදිසි ආර්ථික සහන වෙනුවෙන් ජාත්‍යන්තර මුල්‍ය අරමුදල සමඟ සාකච්ජා කිරීම ද, එන්නත් ලබා දීම ඇතුළු සියලු සෞඛ්‍යට අදාළ කටයුතු වෛද්‍ය හා සෞඛ්‍ය නිලධාරීන්ට බාර දෙන ලෙස ද මේ ඉල්ලීම් අතර වේ.
 
මේ අතර කොවිඩ් වසංගත අවදානම සැලකිල්ලට ගෙන රටපුරා ප්‍රධාන නගර රැසක වෙළඳ සංගම් ස්වෙච්ජාවෙන් ඉදිරිපත්ව තම වෙළඳ සැල් සති කිහිපයකට වසා දැමු අතර තවත් වෙළඳ සංගම් එම තීරණයට එළඹෙමින් සිටී.  
''රට ලොක්ඩවුන් කළොත් රුපියල් පන්දාහේ දීමනාව දෙන්න ඕනෑ, එහෙම කරන්න ආණ්ඩුවට සල්ලි නැහැ.'' යැයි 17 වැනිදා පාර්ලිමේන්තුව ඇමතූ සංචාරක ඇමති ප්‍රසන්න රණතුංග කියා සිටියේ රට අගුලු දැමුවහොත්  ආර්ථිකය බිඳ වැටෙන බවයි.  
 
කොවිඩ් රෝගය පැතිරීමේ අවදානම හා සෞඛ්‍ය උපදෙස් ක්‍රියාත්මක කිරීමට අවශ්‍ය පහසුකම් අධිකරණය තුල නොමැති නිසා ගම්පහ අධිකරණයේ නීතිඥයන්ද සිය රාජකාරි වලින් සතියක පමණ කාලයක් ඉවත්ව සිටින බව  දිසා විනිසුරුට දන්වා තිබිණි.

 

 


 

 THE LEADER TV 
 
 

වසංගත සමයේ හෘද රෝගීන්ට උපදෙසක්! 

 
 
මහින්ද දොලවත්ත ලවා ස'ගෙන් කළ ඉල්ලීම! 
 
  

 

subscribeYT

subscribeYT

WhatsApp Image 2021 09 13 at 13.49.58

නවතම පුවත්