1200 x 80 DMirror
 
 

 මේතාක් යුක්තිය ඉටු නොවු පාස්කු ප්‍රහාරයේ වින්දිතයන් වෙනුවෙන් හඬ අවදි කළ තරුණ දේශපාලන ක්‍රියාකාරිකයෙක්ට එරෙහිව පොලිසිය අපරාධ පරීක්ෂණයක් ආරම්භ කර තිබේ.
අගෝස්තු 23 වැනි සදුදා දින පෝංගිලියගමගේ ෂෙහාන් මාලක වෙත යොමු කළ ලිපියක් මගින් අපරාධ පරීක්ෂණ දෙපාර්තමේන්තුවේ බුද්ධි අංශයෙහි ස්ථානාධිපති දැනුම් දී ඇත්තේ එදිනම පැය 1600 ට අපරාධ පරීක්ෂණ දෙපාර්තමේන්තුවේ බුද්ධි ඒකකයට පැමිණෙන ලෙසයි.
 
කොළඹ කොටුව, නව මහලේකම් ගොඩනැගිල්ලේ පිහිටි අපරාධ පරීක්ෂණ දෙපාර්තමේන්තුවේ බුද්ධි අංශයෙහි ස්ථානාධිපති ප්‍රධාන පොලිස් පරීක්ෂක කැළුම් කරුනාරත්න වන තමන් විසින් දිවයිනේ විවිධ ප්‍රදේශයන්හි ක්‍රියාත්මක අපරාධ ක්‍රියාකාරකම් සම්බන්ධයෙන් විශේෂ විමර්ශනයක් ආරම්භ කර ඇති බව පවසන එකී ලිපියේ වැඩි දුරටත් සඳහන්ව ඇත්තේ එම විමර්ශනයට අදාලව "අවස්ථාගත කරුණු" ෂෙහාන් මාලක ගමගේ දන්නා බැවින් මෙම කැදවීම සිදු කර ඇති බවයි.
 
"එකී විමර්ශනයට අදාලව අවස්ථාගත කරුණු ඔබ  දන්නා බවට තොරතුරු අනාවරණය වී ඇති බැවින් එකී කරුණු සම්බන්ධයෙන් අනාවරණය කරගැනීම සඳහා 1979 අංක 15 දරන අපරාධ නඩු විධාන සංග්‍රහ පනතේ වගන්ති 109 ( 6) යටතේ පැවරී ඇති බලතල අනුව 2021.18.23 දින පැය 1600 ට අපරාධ පරීක්ෂණ දෙපාර්තමේන්තුවේ බුද්ධි ඒකකයට පැමිණ පෙනී සිටින ලෙස දැනුම් දී තිබේ."
 
 
ෂෙහාන් මාලක ගමගේ කැඳවන්නේ කුමන අපරාධ ක්‍රියාකාරකමකට අදාල විමර්ශනයකටද යන්න ප්‍රධාන පොලිස් පරීක්ෂක කැළුම් කරුනාරත්න එම ලිපියේ පැහැදිලිව සඳහන් කර නැත.
 
 
"මෙම නියෝගයට අනුකූලව ක්‍රියා කිරීමට අපොහොසත්වීම දණ්ඩ නීති සංග්‍රහයේ 172 වගන්තිය යටතේ දඩුවම් ලැබිය හැකි වරදකි," යි අපරාධ පරීක්ෂණ දෙපාර්තමේන්තුවේ බුද්ධි අංශයෙහි ස්ථානාධිපති සිය ලිපියෙන් අනතුරු අඟවයි.
 
ෂෙහාන් මාලක ගමගේ පසුගිය දාහත්වැනි දා සමාජය සහ සාමයික කේන්ද්‍රයේ පැවති මාධ්‍ය හමුවක දී ගිහි පැවිදි කතෝලික නායකයන් හා එක්ව  පාස්කු ප්‍රහාරයේ වින්දිතයන්ට යුක්තිය ඉටු නොවීම සම්බන්ධයෙන් අදහස් දැක්වු බව පුවත් වෙබ් අඩවි වාර්තා කර තිබේ.
 
 
WhatsApp Image 2021 08 23 at 3.34.02 PM
 

 
THE LEADER TV 
 
කබ්රාල්ගෙන් ස'ට ඩිප්ලොමැට් ගුග්ලියක්! 
 
 
ලොක්(කා) ඩවුන් : මහින්ද විමල්ලාට කියපු කතාව ! 
 
 
 

subscribeYT

subscribeYT

WhatsApp Image 2021 09 13 at 13.49.58