1200 x 80 DMirror
 
 

අයිතීන්  දිනා ගැනීම සඳහා වෘත්තිය ක්‍රියාමාර්ගයක යෙදී සිටින මොහොතක රජයට අයත් ජාතික පුවත්පතක් ගුරුවරුන් පිළිබදව අසත්‍ය පුවත් වාර්තා කිරීම ගුරු අරගලය සම්බන්ධයෙන් වෛරී හැඟීමක් ඇති කරවන්නක්
බව ගුරු සංගම් නායකයෝ ජනමාධ්‍ය අමාත්‍යවරයාට පෙන්වා දී තිබේ.
 
ජනමාධ්‍ය අමාත්‍ය ඩලස් අලහප්පෙරුම වෙත අගෝස්තු 30 වැනි සදුදා ලිපියක් යොමු කරමින් ගුරු සංගම් නායකයන් පෙන්වා දී ඇත්තේ සිළුමිණ පුවත්පතේ අගොස්තු 29 වැනි ඉරිදා කලාපයේ මුල් පිටුවේ ‘‘ගුරු උද්ඝෝෂණයට එක්වූ ගුරුවරුන්ට කොරෝනා හැදිලා. මරණ 25යි ආසාදිතයන් 400 යි’’ යනුවෙන්  පදනම් විරහිත අසත්‍ය පුවතක් පළ වී ඇති බවයි.
 
 
 
 
"කෝවිඩ් රෝගයට ගොදුරු වීමෙන් මේ වන විට පාසල් ගුරුවරු 25 කට අධික සංඛ්‍යාවක් මියගොස් ඇති බවත්, මියගිය ඒ සියලූ දෙනා පසුගියදා පැවති ගුරු උද්ඝෝෂණවලට සහභාගි වූ අය බවත්, මේ වන විට ගුරු උද්ඝෝෂණවලට සහභාගි වූ 400 කට ආසන්න පිරිසක් කෝවිඩ් ආසාදනයට ලක්ව ඇති බවත් අදාළ පුවතේ සඳහන් කර ඇත."
 
ගුරු සංගම් නායකයන් දහසය දෙනෙකුගේ අත්සනින් යුතුව ජනමාධ්‍ය අමාත්‍යවරයා වෙත යොමු කර තිබෙන එම ලිපිය මගින් ඔවුන් වැඩි දුරටත් අවධාරණය කර ඇත්තේ ජාතික පුවත්පතක් වන 'සිළුමිණ' පුවත්පතේ මේ ආකාරයෙන් අසත්‍ය පුවත් වාර්තා කිරීම මේ වන විට ගුරුවරු සහ විදුහල්පතිවරු විසින් දියත් කර ඇති වෘත්තීය ක්‍රියාමාර්ගය සම්බන්ධයෙන් වෛරී හැඟීමක් ඇති කරවන අතර, මෙම අසත්‍ය පුවත ගුරුවරුන්ට කරන ලද බරපතල අපහාසයක් බවයි.
 
පොදුජන අධ්‍යාපන සේවා සංගමයේ සභාපතිනී වසන්තා හඳපාන්ගොඩ 'සිළුමිණ' පුවත්පතට හෙළිකළ බව පවසා සුභාෂිණී ජයරත්න නම් මාධ්‍යවේදිනියක විසින් පළකර ඇති මෙම පුවතේ කෝවිඩ් ආසාදිතව මියගියේ යැයි සඳහන් 25 දෙනාගේ නම් හෝ සඳහන් නොවන අතර, සෞඛ්‍ය අංශ විසින් තහවුරු කළ යුතු කරුණක් පොදු ජන අධ්‍යාපන සේවා සංගමයේ සභාපතිනිය පැවසූයේ යයි සඳහන් කරමින් 'සිළුමිණ' පුවත්පතේ මුල් පිටුවේම පළ කරන්නේ කුමන මාධ්‍ය සදාචාරයක් අනුගමනය කරමින් ද යන්න බරපතල ගැටලූවක් බවයි ගුරු සංගම් නායකයන් පවසන්නේ.
 
 
 
 
විරෝධතා 847 ක්
 
 
ශ්‍රී ලංකාවේ කොරෝනා වසංගතය වේගයෙන් ව්‍යප්ත වීම සදහා පසුගිය සමයේ දිවයින පුරා ක්‍රියාත්මක වු ආණ්ඩු විරෝධි උද්ඝෝෂණ හේතු වු බවට ආණ්ඩුව නියෝජනය කරන මැති ඇමැතිවරුන් කිහිපදෙනෙක්ම චෝදනා කර තිබුනි.
 
 
 
 
2021 අප්‍රේල් 20 දා සිට දිවයින පුරා විරෝධතා 847 ක් පැවැති බවට තොරතුරු සහිතව අගෝස්තු 15 වැනිදා සිය ට්විටර් ගිනුමේ සටහනක් තබමින් විසිතුරු මසුන්, මිරිදිය මත්ස්‍ය හා ඉස්සන් ඇති කිරීම, ධීවර වරාය සංවර්ධන, බහුදින ධීවර කටයුතු හා මත්ස්‍ය අපනයන රාජ්‍ය අමාත්‍ය කංචන විජේසේකර උත්සාහ ගෙන තිබුනේ විරෝධතා සහ වසංගත ව්‍යාප්තිය අතර සම්බන්ධයක් පෙන්වීමටයි.
 
 
 
"රතු ලකුණු කළ දිස්ත්‍රික්ක වල කොවිඩ් 19 සංඛ්‍යා ඉහළ යාම ගැන පුදුම නොවන්න. පසුගිය සති දෙක තුළ දිස්ත්‍රික්ක වශයෙන් වාර්තා වූ රෝගීන් සංඛ්‍යාව ද එවැනිම රටාවක් අනුගමනය කරයි." රාජ්‍ය අමාත්‍යවරයා සටහන් කර තිබුනි.
 
කෙසේ නමුත් වසංගත රෝග පිළිබද විශේෂඥයෙක් ලෙස සැලකෙන ආණ්ඩුවේම හවුල්කාර පක්ෂයක් නියෝජනය කරන පාර්ලිමේන්තු මන්ත්‍රී මහාචාර්ය තිස්ස විතාරණ රූපවාහිනි වැඩ සටහනකදී පවසා තිබුනේ
කොරෝනා වසංගතය ව්‍යාප්තවීමට උද්ඝෝෂණ හේතු වු බව සනාත කිරීමට පැහැදිලි සාධක නොමැති බවයි.
 
"රට වටේ දැන් මේක පැතිර යනවා. ආකාරය දිහා බැලුවාම අර යම් තැනක උද්ඝෝෂණයක් තිබ්බයි කියලා ලොකු වෙනසක් ඇති වුනාය  කියලා මට හිතන්න අමාරුයි. " මහාචාර්ය තිස්ස විතාරණ පවසා තිබුනි.
 
 
 
කනගාටුදායක තත්වයක්
 
ගුරු-විදුහල්පති වැටුප් විෂමතා ගැටලූව විසඳීමට පත් කළ අමාත්‍ය අනු කමිටුව නියෝජනය කරමින් සිටියදී  ජනමාධ්‍ය අමාත්‍යවරයා  යටතේ පවතින රාජ්‍ය මාධ්‍ය ආයතනයක ප්‍රධාන පුවත්පතක් මේ ආකාරයෙන් ගුරුවරුන් සහ ගුරු අරගලයට සම්බන්ධයෙන් අසත්‍ය පුවත් වාර්තා කිරීම බරපතල කනගාටුදායක තත්වයක්  බව පවසන ගුරු සංගම් නායකයෝ ඒ සම්බන්ධයෙන්  ද දැඩි අප්‍රසාදය පළ කර  තිබේ.
 
 
එසේම  සිළුමිණ පුවත්පතේ පළ වූ මෙම අසත්‍ය පුවත සම්බන්ධයෙන් වහා සොයා බලා එම පුවත සම්බන්ධයෙන් අවශ්‍ය පියවර ගන්නා ලෙසත් ඔවුහු ජනමාධ්‍ය අමාත්‍යවරයාගෙන් ඉල්ලා ඇත.
 
ලංකා ගුරු සංගමයේ ජෝසප් ස්ටාලින්, ලංකා ගුරුසේවා සංගමයේ මහින්ද ජයසිංහ, සමස්ත ලංකා එක්සත් ගුරු සංගමයේ යල්වෙල පඤඤාසේකර හිමි, විදුහල්පති සේවා සංගමයේ සුනිල් ප්‍රේමතිලක, ශ්‍රී ලංකා ජාතික විදුහල්පති සංගමයේ මොහාන් පරාක්‍රම වීරසිංහ, ස්වාධීන අධ්‍යාපන සේවක සංගමයේ ජගත් ආනන්ද සිල්වා, ඒකාබද්ධ ගුරු සේවා සංගමයේ සංජීව බණ්ඩාර, ශ්‍රී ලංකා වෘත්තීයවේදී විදුහල්පතිවරුන්ගේ සංගමයේ සුගීෂ්වර විමලරත්න, කතෝලික ගුරු සංගමයේ නිර්මාලා ගමගේ, පුහුණු විද්‍යාපීඨ හා උපාධිධාරි ගුරු සංවිධානයේ ඩබ්.ඩබ්.ජේ.එල්.එච්. රොවෙල්, ලංකා ගෘහ වි. හා කෘෂි වි. ඩිප්ලෝ: සංගමයේ එන්.බී. චුලරත්න,  ශ්‍රී ලංකා ඉස්ලාම් ගුරු සංගමයේ එම්.කේ. මොහොමඩ් නියාර්, ස්වාධීන ලංකා ගුරු සංගමයේ පී.එම්. පුංචිහෙට්ටි, ලංකා පිරිවෙන් ගුරු සේවා සංගමයේ මීගහජඳුරේ සීලානන්ද හිමි, සමස්ත ලංකා ගුරු උපදේශකවරුන්ගේ සංගමයේ එස්.ජී.එම්. සමරකෝන්, ලංකා ප්‍රගති ගුරු සංගමයේ මයුර සේනානායක යන ගුරු සංගම් නායකයන් අමාත.්‍යවරයා වෙත යොමු කළ  ලිපියට අත්සන් තබා තිබේ.
 
ශ්‍රේණිධාරී විදුහල්පති සංගම් එකමුතුව, ශ්‍රී ලංකා ජාතික ගුරු සංගමය, කඳුරට ගුරු පෙරමුණ, ගුරු විමුක්ති පෙරමුණ, ශ්‍රී ලංකා ප්‍රජාතන්ත්‍රවාදී ගුරු සංගමය, ශ්‍රී ලංකා අධ්‍යාපන සමාජ සම්මේලනය, වතු ගුරු සංගමය, ජාතික ගුරු සභාව, එක්සත් ද්‍රවිඩ ගුරු සංගමය යන ගුරු සංගම්ද එම ලිපියට ඒකාබද්ධ වී ඇත.
 
 
 
THE LEADER TV 
විමල් මෛත්‍රී ආණ්ඩුවෙන් එළියට! 
 
මංගල චොයිස් එකට නොබැන්ඳට දරුවො ඉන්න තාත්තෙක්!
 

subscribeYT

subscribeYT

WhatsApp Image 2021 09 13 at 13.49.58