1200 x 80 DMirror
 
 

ශ්‍රී ලංකාව කෝවිඩ් වසංගත අවදානම නිසා අගුලු දමා ආර්ථිකය අවදානම් තත්වයක තිබියදී, ආරක්ෂක ලේකම්  ඇතුළු

ආරක්‍ෂක අමාත්‍යාංශයේ දූත පිරිසක් ජාත්‍යන්තර යුද සරඹයකට සහ ආයුධ සල්පිලකට සහභාගී වීම පිණිස රුසියාවට ගොස්  තිබේ.

 
මොස්කව් නුවර ශ්‍රී ලංකා තානාපති කාර්යාලය නිවේදනය කර ඇත්තේ, යුද හමුදාව-2021 ජාත්‍යන්තර හමුදා-තාක්‍ෂණික සංසදයට සහ ජාත්‍යන්තර යුද ක්‍රීඩා -2021 සඳහා සහභාගී වීම පිණිස ආරක්‍ෂක ලේකම් ජෙනරාල් කමල් ගුණරත්නගේ ප්‍රධානත්වයෙන් යුත් ශ්‍රී ලංකා ආරක්‍ෂක අමාත්‍යාංශයේ දූත පිරිස සංචාරය කළ බවයි.
 
පසුගිය මස මැදදී ආරක්ෂක ලේකම් වරයා ඇතුළු ශ්‍රී ලංකාවේ හමුදා නිලධාරීන් පිරිසක් ආයුධ වෙළෙඳාම සඳහා තුර්කියේ පවත්වන ලද ප්‍රදර්ශනයකට සහභාගි වී තිබුනි.
 
රුසියානු සංචාරය අතරතුරදී ශ්‍රී ලංකාවේ ආරක්ෂක ලේකම්, රුසියානු සමූහාණ්ඩුවේ ආරක්ෂක නියෝජ්‍ය අමාත්‍ය කර්නල් ජෙනරාල් ඇලෙක්සැන්ඩර් ෆොමින් මොස්කව්හි ජාත්‍යන්තර මිලිටරි සහයෝගීතාව සඳහා වන ප්‍රධාන අධ්‍යක්ෂ කාර්යාලයේ දී හමුවී ඇත.
 
මෙම හමුවේ දී, හමුදා පුහුණුව, ජාත්‍යන්තර හමුදා අභ්‍යාසවලට සහභාගී වීම සහ දෙරටේම භූමිවල පැවැත්වෙන සිදුවීම්, අත්දැකීම් හුවමාරු කර ගැනීම සහ රුසියානු සහ ශ්‍රී ලංකා ආරක්ෂක අධ්‍යයන ආයතන අතර සහයෝගීතාව හා සමීප සබඳතා ප්‍රවර්ධනය කිරීම සම්බන්ධ කරුණු කෙරෙහි අවධානය යොමු කරමින්, හමුදාමය හා හමුදා-තාක්‍ෂණික ක්ෂේත්‍රවල ශ්‍රී ලංකාව සහ රුසියාව අතර පවතින සහයෝගීතාවයේ අඛණ්ඩ ප්‍රගතිය පිළිබඳව පාර්ශ්ව සාකච්ඡා කළ බව ශ්‍රී ලංකා තානාපති කාර්යාලය, මොස්කව් වැඩි දුරටත් පවසයි.
 
දෙරටේ ජනතාව සහ රජයන් අතර පැවති දිගුකාලීන මිත්‍රත්වය පිළිබඳව සඳහන් කරමින් සහ ඉතිහාසයේ දුෂ්කර කාලවල දී ශ්‍රී ලංකාවට අඛණ්ඩව ලබා දුන් සහයෝගය වෙනුවෙන් රුසියානු ජාතියට ආචාර කරමින්, යුද හමුදාව-2021 සහ ජාත්‍යන්තර හමුදා ක්‍රීඩා-2021 සංසදය සඳහා සහභාගී වන ලෙස තමා ඇතුළු දූත පිරිසට කළ ආරාධනාව පිළිබඳව ආරක්ෂක ලේකම්වරයා රුසියානු ආරක්ෂක අමාත්‍යාංශයට ස්තූති කර තිබේ.
 
"එම සංසදයේ පැවති උසස් ප්‍රමිතීන්, රුසියානු ආයුධ හා සන්නාහ ප්‍රදර්ශනය කිරීම සහ ක්‍රීඩා උළෙලේ දී පැවති මිත්‍රශීලී වාතාවරණය ඔහු පිළිගත්තේය. ලබන වසරේ දී වැඩිපුර පිරිස් සංඛ්‍යාවක් සහ අංග ගණනක් මේ සඳහා සහභාගී වන බව ඔහු තවදුරටත් සහතික කළේය."
 
මෙම හමුව ඉතා මිත්‍රශීලී වාතාවරණයක පැවති අතර, එමඟින් දෙරටේ හමුදා අතර පවත්නා මිත්‍රත්වය ශක්තිමත් වු බව පවසන ශ්‍රී ලංකා තානාපති කාර්යාලය,  මොස්කව්  තව දුරටත් පවසන්නේ අවසානයේ දී, ඔව්හු සාම්ප්‍රදායික ලෙස සමරු තිළිණ හා ත්‍යාග හුවමාරු කරගත් බවයි.
 
 ddf
 
 
 
රුසියානු ආරක්ෂක ලේකම්
 
රුසියානු සංචාරය තුලදී ආරක්‍ෂක ලේකම් ජනරාල් (විශ්‍රාමික) කමල් ගුණරත්නගේ ප්‍රධානත්වයෙන් යුත් දූත පිරිස රුසියානු සමූහාණ්ඩුවේ ආරක්ෂක මණ්ඩලයේ ලේකම් නිකොලායි ප්ලැටනොවිච් පට්රුෂෙව්  ද හමුවී තිබේ.
 
"රුසියානු සමූහාණ්ඩුවේ ආරක්ෂක අමාත්‍ය සර්ජි ෂොයිගු මැතිතුමාගේ ආරාධනයකට අනුව, ආරක්ෂක ලේකම් ජෙනරාල් (විශ්‍රාමික) කමල් ගුණරත්න මහතාගේ ප්‍රධානත්වයෙන් යුත් දූත පිරිස රුසියාවේ නිරත වූ නිල සංචාරයේ දී, රුසියානු සමූහාණ්ඩුවේ ආරක්ෂක මණ්ඩලයේ ලේකම් නිකොලායි ප්ලැටනොවිච් පට්රුෂෙව් මහතා හමුවිය."
 
මෙම හමුව ද සුහදශීලී වාතාවරණයක් තුළ පැවැති අතර හමුදා අතර තාක්‍ෂණික සහයෝගීතාව ඇතුළු ද්විපාර්ශ්වික ආරක්‍ෂක සහයෝගීතාව පිළිබඳව දෙපාර්ශ්වය සාකච්ඡා කළ බව ශ්‍රී ලංකා තානාපති කාර්යාලය,  මොස්කව් වැඩි දුරටත් පවසයි.
 
"රුසියාවේ ආරක්ෂක මණ්ඩලය සහ ශ්‍රී ලංකාවේ අදාළ ආයතන හරහා දෙරට අතර අන්තර් සබඳතා තීව්‍ර කිරීම පිළිබඳ තම අරමුණ දෙපාර්ශ්වය යළි තහවුරු කළහ."
 
වසර 60 කට අධික කාලයක් තිස්සේ දෙරටේ ජනතාව සහ රජයන් අතර පැවති මිත්‍රත්වය පිළිබඳව අවධාරණය කළ ජෙනරාල් (විශ්‍රාමික) කමල් ගුණරත්න, ජාත්‍යන්තර තලයේ සහ ද්විපාර්ශ්වික සබඳතා පිළිබඳ සන්දර්භය තුළ ශ්‍රී ලංකාව සඳහා ලබා දෙන නොසැලෙන සහයෝගය වෙනුවෙන් රුසියාවට ස්තූතිය පළ කරන ලදැයි තානාපති කාර්යාලය වැඩිදුරටත් කියා සිටී.
 
 

 

 

 


 

THE LEADER TV 
 
 
වැඩිහිටි ජනතාව කොරෝනා අනතුරට හෙළිම ගැන දත්ත හෙළිවේ
 
 
 අතීසාරෙට අමුඩ ගහනවා වගේ ආණ්ඩු කරන හැටි ...!  
 
 
 
 

subscribeYT

subscribeYT

WhatsApp Image 2021 09 13 at 13.49.58