1200 x 80 DMirror
 
 

රාජකාරියේ යෙදී සිටියදී කෝවිඩ් වෛරසය ආසාදනය වී මිය යන සෞඛ්‍ය සේවකයන්ගේ වැටුප ඔවුන්ගේ පවුල් සදහා අඛණ්ඩව ලබා දෙන ලෙස දිවයිනේ

ප්‍රමුඛතම සුව සේවා සංගමයක් රජයෙන් ඉල්ලා තිබේ.

සෞඛ්‍ය අමාත්‍ය කෙහෙළිය රඹුක්වැල්ල වෙත ලිපියක් යොමු කරමින් රජයේ හෙද නිලධාරීන්ගේ සංගමය පෙන්වා‌ දී ඇත්තේ මේ වන විට සෞඛ්‍ය සේවකයන් 6000 ට පමණ කෝවිඩ් වෛරසය ආසාදනය වී ඇති අතර නම දෙනෙකු පමණ මියගොස් ඇති බවයි.
 
මාරාන්තික වසංගත තත්වය හමුවේ ඉදිරිපෙළ සේවයේ නියුතු කණ්ඩායමක් ලෙස සේවා අවශ්‍යතා මත සෞඛ්‍ය සේවකයන් සිය ජීවිත අවධානමද නොතකමින් සේවයේ නිරතව සිටි.
 
සක්‍රිය රාජකාරියේ යෙදී සිටියදී මාරාන්තික වසංගතයට ගොදුරු වී ජිවිතය අහිමි වු පොලිස් නිලධාරීන්ගේ පවුල් සදහා නියමිත කාලය අවසන් වන තුරු වැටුප් අඛණ්ඩව ලබා දීමට ආරක්ෂක අමාත්‍යාංශය මගින් කැබිනට් පත්‍රිකාවක් ඉදිරිපත් කර තිබීම කාලෝචිත ක්‍රියාවක් බවයි රජයේ හෙද නිලධාරීන්ගේ සංගමයේ සභාපති සමන් රත්නප්‍රිය පවසන්නේ.
 
වසංගතයෙන් මිය යන සෞඛ්‍ය සේවකයන් වෙනුවෙන්ද එවැනි සාධාරණයක් ඉටු කරන ලෙස වෘත්තිය සමිති නායකයා සෞඛ්‍ය අමාත්‍යවරයාගෙන් ඉල්ලා තිබේ.
 
" එබැවින් සක්‍රිය සේවයේ යෙදී සිටිමින්  Covid රෝගය ආසාදනය වී මිය යන සෞඛ්‍ය සේවකයන්ගේ පවුල් සදහා නියමිත කාලය අවසන් වන තුරු වැටුප් අඛණ්ඩව ලබාදීමට කැබිනට් පත්‍රිකාව ඉදිරිපත් කිරීමෙන් මිය යන සෞඛ්‍ය සේවකයනටද සාධාරණය ඉටුකරන ලෙස ඉල්ලා සිටිමි.  "
 
 
පොලීසියේ 28 ක්
 
 
ජනතාවගේ සෞඛ්‍ය සුරක්ෂිතතාවය වෙනුවෙන් කටයුතු කළ පොලිස් නිලධාරීන් 11,700ක් මේ වන විට කොරෝනා වෛරසයට ගොදුරු වී ඇති අතර පොලිස් නිලධාරීන් 28 දෙනෙකුට ජීවිතය අහිමි වී ඇති බව මහජන ආරක්ෂ අමාත්‍ය රියර් අද්මිරාල් සරත් වීරසේකර පසුගියදා සදහන් කළේය.
 
ජීවිතක්ෂයට පත්වූ පොලිස් නිලධාරීන් 28 දෙනා වෙනුවෙන් ඔවුන්ට හිමි වැටුප් ලබා ගැනීම සඳහා කැබිනට් පත්‍රිකාවක් සකස් කරන ලෙස අමාත්‍යවරයා සැප්තැම්බර් 2 දා අමාත්‍යංශ ලේකම්වරයාට උපදෙස් ලබා දී තිබුනි.
 
 
සබැඳි පුවත :
 
 
 

THE LEADER TV 
 
ස' පත්කළ මිලින්දට ඉන්දියාවෙන් බාල්දියක් ! 
 
 
මොණරවිල අලුත් පාරක් සොයයි! | මොණරවිලගේ ලියමන 2 
 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්