1200 x 80 DMirror
 
 

මත්ද්‍රව්‍ය ඇතුළු නීතිවිරෝධී ද්‍රව්‍ය රට තුලට ගෙන ඒම වලක්වන බව ප්‍රකාශ කළත්, ධිවර සම්පත් කොල්ල කන ඉන්දීය ධීවරයන් නවතා ලීමට නාවික හමුදාව සමත් වී නොමැති බවට චෝදනා එල්ල වී තිබේ.
 ''දේශයේ  ප්‍රථම ආරක්ෂක වළල්ල'' ලෙසින් තමන් හඳුන්වා ගන්නා ශ්‍රී ලංකා නාවික හමුදාව මෙරට මුහුදට ඇතුල්වන අනවසර ඉන්දීය ධීවරයන් ගැන එතරම් තැකීමක් නොකරන බව අවධාරණය කෙරුනේ ඉන්දීය ට්‍රෝලර් යාත්‍රා මගින් මත්ස්‍ය සම්පත කොල්ල කෑම ගැන ජාතික ධිවර සහයෝගිතා ව්‍යාපාරය හා උතුරේ ධිවර සමිති  අතර පසුගිය දා පැවති සාකච්ජාවක දීය. 
 
10668929 884602154891167 1630998475971747889 o
                                             ඇන්තනි ජෙසුදාසන්
 
 
 
''ඉන්දීය ටෝලර් යාත්‍රා 400 ක් විතර වැල්වැටිතුරෛ, වඩමාරච්චි, පේදුරු තුඩුව  මුහුදේ ගොඩබිමට කිලෝ මීටර් අටක් නවයක් දුරින් ඉඳන් මාළු අල්ලනවා, අපේ මුහුදු සම්පත් විනාශ කරමින්, අපේ දැල් ආම්පන්න කපා දාලා මාළුටික කොල්ල කන එක නොකඩවා සිද්ධ වෙනවා''  යැයි උතුරේ ධිවර සමිති නියෝජිතයෝ පෙන්වා දුන් බව ජාතික ධිවර සහයෝගිතා ව්‍යාපාරයේ උතුරු පළාත් සම්බන්ධිකාරක ඇන්තනි ජෙසුදාසන් පවසයි.
 
 
යුද්ධයෙන් පිඩාවට පත්ව තම ජීවිකාව සරි කරගන්නට වෙර දරනා උතුරේ ධීවරයා, ඉන්දීය ධීවරයන්ගේ මත්ස්‍ය සම්පත් කොල්ලයත්, කොවිඩ් 19 වසංගතය පැතිර යාමත් හේතුවෙන් බලවත් පීඩනයකට පත්ව තිබේ. 
 
මේ අතර මුලතිව් ධීවරයන් ද පවසන්නේ ඉන්දීය ධීවර ට්‍රෝලර් යාත්‍රා 500 ක් පමණ ලංකාවේ ගොඩබිම ට පෙනෙන දුරින් මුලතිව් මුහුදේ කිසිදු බාධාවකින් තොරව මත්ස්‍ය සම්පත් කොල්ලකන බවය.
 
''මුලතිව්හි චලෙයි සිට කොකිලායි  දක්වා හමුදා සහ නාවික හමුදා කදවුරු 50 ක් පමණ තිබියදී  ඉන්දීය ටෝලර් වෙරළ කිට්ටුවටම ඇවිත්  බාධාවකින් තොරව මාළු අල්ලනවා'' යැයි මුලතිව් සමුපකාර ධීවර සමිතියේ සභාපති  මරියදාස් පැට්‍රික් ජොන්සන් පවසයි.
 
 
 
ධිවර ඇමැති ඩග්ලස් දේවානන්ද විසින් මාළු ගහණය වැඩි කිරීමත්, ඉන්දීය ට්‍රෝලර් යාත්‍රා ඒම වැලැක්වීමටත්  අබිලි බස් රථ පෝක් සමුද්‍ර සන්ධිය ආසන්න මුහුදේ ගිල්වනු ලැබිණි. එහෙත් එම වැඩසටහන තුලින් ද මෙරට මුහුදට ඇතුල් වන ඉන්දීය ට්‍රෝලර් යාත්‍රා අවහිර කිරීමට සමත් වී නොමැත. 
 
 
මත්ද්‍රව්‍යය මෙහෙයුම්...
 
නාවික හමුදාවේ මෙහෙයුම් දත්ත අනුව මේ වසරේ අගෝස්තු මාසය  වන විට හොරොයින් කිලෝ ග්‍රෑම් 600 ක් හා සැකකරුවන් 84 ක් ද, කේරළ ගංජා කිලෝ ග්‍රෑම් 4515 ක් හා සැකකරුවන් 115 ක් ද, දේශීය  ගංජා කිලෝ ග්‍රෑම් 36 ක් හා සැකකරුවන් 16 ක් ද, අයිස් කිලෝ ග්‍රෑම් 132 ක් සැකකරුවන් 51 ක් ද මත්ද්‍රව්‍යය මෙහෙයුම් වලදී අත් අඩංගුවට ගෙන තිබේ. 
 
 නීති විරෝධිව මෙරටට රැගෙන ආ වියළි කහ කිලෝ ග්‍රෑම් 2023 ක් සැකකරුවන් දෙදෙනෙක් හා ඔවුන් යාත්‍රා කළ ඩිංගි බෝට්ටු 02 ක් ද අත් අඩංගුවට ගැනීමට නාවික හමුදාව සමත් වී ඇත්තේ ඉකුත් අගෝස්තු 31 වැනිදා මිගමුව කලපුවේ කළ විශේෂ මෙහෙයුමකින් බව නාවික හමුදා වෙබ් අඩවිය වාර්තා කරයි. 
 
 ඊට අමතරව ඉකුත් අගෝස්තු මාසයේ පමණක්  තහනම් ධිවර ආම්පන්න යොදා ගනිමින් නීති විරෝධී ලෙස මසුන් මැරූ  ලාංකිකයන්  95 ක්, ධිවර යාත්‍රා 29 ක්  අත්අඩංගුවට ගැනීමට නාවික හමුදාව සමත් වූ බව එම වෙබ් අඩවියේ වැඩිදුරටත් සඳහන්වේ.
 
 
 
 
මුහුදේ ආරක්ෂාව වෙනුවෙන් නාවික හමුදාව කෙතරම් මෙහෙයුම් කළ ද ඉන්දීය ට්‍රෝලර් යාත්‍රා සමඟ පැමිණෙන ධීවරයන් මෙරට මත්ස්‍ය සම්පත කොල්ල කෑමට එරෙහිව විධිමත් ක්‍රියා මාර්ගයක් නො ගැනීම දෙරටේ ධීවරයන් අතර ගැටුමක් ඇති විය හැකි බවට අනතුරු අඟවන ජාතික ධිවර සහයෝගිතා ව්‍යාපාරය ආණ්ඩුවෙන් ඉල්ලා සිටින්නේ ආරවුල විසදීමට මැදිහත් වන ලෙසය.
 
 
 
 
''ආණ්ඩුව කමිටුවක් පත් කරලා මේ ගැන සොයලා තිරසාර විසදුමක් දෙන්න ඕනෑ. දැන් වෙනකොට ප්‍රශ්නය ටිකක් බරපතලයි දෙරටේ ධීවර ප්‍රජාවන් අතර ගැටුමක් ඇතිවීම නම් හොඳ දෙයක් නෙමේ, මේ කොරෝනා වසංගතයත්, මුහුදු රස්සාව නැති වීමත් එක්ක ධීවරයෝ ඉන්නේ  බරපතළ  මානසික පිඩනයකින්'' යැයි  ජාතික ධීවර සහයෝගිතා ව්‍යාපාරයේ උතුරු පළාත් සම්බන්ධිකාරක ඇන්තනි ජෙසුදාසන් පවසයි.
 
 
 
 
THE LEADER TV 
 
ස'ගෙ කඩුවට බය වූ වාසු ආපසු හැරෙයි! 
 
 
ඩොක්ටර් නිසා ස'ගෙ නිවුන්හැල්ලත් ෆේල්!
 

subscribeYT

subscribeYT

WhatsApp Image 2021 09 13 at 13.49.58