ජනාධිපතිවරයා විසින් හදිසි නීති රෙගුලාසි ප්‍රකාශයට පත් කර සතියක් ඇතුලත නැගෙනහිර පළාතේ පමණක් පුද්ගලයන් හතරදෙනකුට අමානුෂික ලෙස
පොලිසිය විසින් පහරදීම පිළිබඳ තොරතුරු හෙළි වී තිබේ.
 
මෙයින් පහරදීම් තුනක්ම සිදුකර ඇත්තේ සැප්තැම්බර් 5 ඉරිදා ය.
 
එදින තාන්ඩිඅඩි ඉන්ධන පිරවුම්හලෙන් යතුරුපැදියට ඉන්ධන ලබාගැනීමෙන් පසු වව්නතිව් පිහිටි නිවස බලා යමින් සිටි සහෝදරයන් දෙදෙනකුට වව්නතිව් පොලිස් නිලධාරියෙක් විසින් අමානුෂික ලෙස පහර දී ඇත්තේ කිසිදු හේතුවක් නොදක්වමිනි.
 
පහර කෑමෙන් දැඩි ලෙස තුවාල ලත් මහේන්ද්‍රන් කීර්තිසීලන් සහ මහේන්ද්‍රන් තනුජන් යන සොහොයුරන් දෙදෙනා මඩකලපුව රෝහලේ ප්‍රතිකාර ලබමින් සිටිති.
 police assaultBatti Police assault 2
 
ඔවුන් දෙදෙනාට පහර දී ඇත්තේ වව්නතිව් පොලීසියට අනුබද්ධව රාජකාරි කරන 8656 අංක දරන දිනේෂ් නමැති නිලධාරියකු බවයි පළාත් බද වාර්තාකරුවන් පවසන්නේ.
 
මේ අතර පවුල් ආරවුලක් සම්බන්ධයෙන් මඩකලපුව පොලීසියට කාන්තාවක් විසින් සිදු කරන ලද පැමිණිල්ලකට අනුව ඇයගේ සැමියා පොලීසියට කැඳවූ කාන්තා කාර්යාංශයේ ස්ථානාධිපතිවරයා විසින් ඔහුට පහර දී තිබේ.
 
පළාත් බද මාධ්‍යවේදීන් පවසන්නේ පහරකෑමට ලක් වු ජෝසප් මදන් මේ වන විට මඩකලපුව රෝහලේ ප්‍රතිකර ලබන බවයි.
 
අක්කරෙයිපත්තු පොලිස් නිලධාරින්  විසින් සැප්තැම්බර් 2 වැනි බ්‍රහස්පතින්දා පෙරවරුවේ අම්පාර නිදහස් මාධ්‍යවේදියකු වන ෂාහීර් ඛාන් ෆාරුක්ටත් අමානුෂික ආකාරයෙන් පහර දී ඔහුගේ රාජකාරි ආම්පන්නද කඩා බිඳ දමා තිබුනි.
 
 
 
මහජන ආරක්ෂක ආඥා පනතේ 2 වැනි වගන්තියෙන් පැවරී ඇති බලතල ප්‍රකාරව, එම ආඥා පනතේ ii වැනි කොටසේ විධිවිධාන බලාත්මක කරමින්, 5 වැනිවගන්තියේ විධිවිධාන ප්‍රකාරව ජනාධිපතිවරයා විසින් 30 දා ප්‍රකාශයට පත් කරන ලද හදිසි නීති රෙගුලාසි ශ්‍රී ලංකාවේ පාර්ලිමේන්තුව විසින් මේ වනවිට සම්මත කරගෙන තිබේ.
 
 
මහජන ආරක්ෂක ආඥා පනත ක්‍රියාවට නැංවිය යුත්තේ රටේ ආරක්ෂාව සම්බන්ධයෙන් ප්‍රශ්නයක් පැන නැගුන මොහොතක බව පෙන්වා දෙන ජනාධිපති නීතිඥයකුද වන පාර්ලිමේන්තු මන්ත්‍රී එම්. ඒ සුමන්තිරන් එම  ආඥාපනත යොදාගෙන වෙනත් මර්දනීය රෙගුලාසි ක්‍රියාත්මක කිරීමට ජනාධිපතිවරයාට ඇති හැකියාව සම්බන්ධයෙන්ද පසුගියදා අනතුරු අඟවා තිබුනි.
 
 
සබැඳි පුවත් :
 
 

THE LEADER TV 
 
කබ්රාල් වෙනුවට යෝෂිත පාර්ලිමේන්තුවට! 
 
 
 
ස'ගෙ කඩුවට බය වූ වාසු ආපසු හැරෙයි! 
 
 

Follow Us

Image
Image
Image
Image
Image
Image

Exchange Rates