1200 x 80 DMirror
 
 

 
දෙමළ ජාතිකයන් දිගින් දිගටම සාහසික වධයට ගොදුරු කරගන්නා බවට තොරතුරු හෙළිකරන ජාත්‍යන්තර මානව හිමිකම් සංවිධානයක් ඊට වගකිව
යුතුයැයි චෝදනා ලබන ශ්‍රී ලංකාවේ ආරක්ෂක අංශ වෙත ලබා දෙන පුහුණු කිරීම සහ ශක්‍යතා වර්ධනය සඳහා වන සියලුම ජාත්‍යන්තර වැඩසටහන් අත් හිටුවන ලෙස ජගත් ප්‍රජාවගෙන් ඉල්ලා තිබේ.
 
ජිනීවා නුවර පැවැත්වීමට නියමිත එක්සත් ජාතීන්ගේ මානව හිමිකම් මණ්ඩල සැසිය වෙනුවෙන් නිකුත් කළ අලුත් වාර්තාවක් මගින් නීතිවේදිනී යැස්මින් සූකාගේ ප්‍රධානත්වයෙන් යුත් 'සත්‍යය හා යුක්තිය සඳහා වන ජාත්‍යන්තර ව්‍යාපෘතිය' (ITJP) පෙන්වා දී ඇත්තේ, අපරාධකරුවන්ට එරෙහිව නීතිය ක්‍රියාත්මක කිරීමට ආණ්ඩු අපොහොසත් වීමෙන් ඔවුන් ආරක්ෂක අංශ වල ඉහල නිලතල සදහා පත් වීමට මග පෑදී ඇති බවයි.
 
 “මේ ඇත්තේ සංස්ථාපිත දණ්ඩ මුක්තියේ කැත මුහුණුවරයි. 1987-90 ජවිපෙ සමයේ භීෂණයට සහ පසුගිය දශක හතරේ දෙමළ ජනතාවට එරෙහිව රාජ්‍ය අනුග්‍රහයෙන් මුදාහල ප්‍රචණ්ඩත්වයට වගකිවයුත්තන්ට නඩු පැවරීමට මෙතෙක් පැවති ආණ්ඩු අසමත් වීමේ ප්‍රතිපලය වී ඇත්තේ ශ්‍රී ලංකාවේ වගඋත්තර බැඳීම මගහැර ගොස් පොලිසියේත්, හමුදාවේත් ඉහල නිලතල කරා නැගීමට අපරාධකරුවන්ට මග පෑදීමයි. පුහුණුව සහ ශක්‍යතා වර්ධනය මගින් මේ ක්‍රමය ප්‍රතිසංස්කරණය කළ හැකියයි බලාපොරොතු වීමම හාස්‍යජනකය,”
 
 
2021 සැප්තැම්බර් 08 වැනිදා නිකුත් කර තිබෙන එම නිවේදනය  මගින් චෝදනා කර  ඇත්තේ හුදෙක් අනුස්මරණවලට හෝ ආණ්ඩු විරෝධී උද්ඝෝෂණවලට සහභාගිවූ නැතහොත් විදේශවලින් මුදල් ලබාගත් දෙමළ තරුණයන් ශ්‍රී ලංකාවේ පොලිසිය සහ හමුදාව  විසින් තවමත් පැහැරගෙන ගොස්, වද දී, දූෂණය කරන බවයි.
 
 
“ආරක්ෂක අංශ විසින් සිදුකරමින් පවතින වධහිංසා ශ්‍රී ලංකාව සම්බන්ධයෙන් ජිනීවාහිදී සාකච්ඡා කරන විට ජාත්‍යන්තර ප්‍රජාවේ න්‍යාය පත්‍රයේ ඉහලින්ම තිබිය යුතුය. අතුරුදහන් වූවන්ගේ ඥාතීන්ට හිරිහැර කරනු ලැබේ යනුවෙන් කීම පමණක් ප්‍රමාණවත් නැතැ,” යි ITJP විධායක අධ්‍යක්ෂිකා යැස්මින් සූකා පවසා තිබේ.
 
මේ ආණ්ඩුවේ මෙතෙක්  පාලන කාලය තුල පැහැරගෙන වධබන්ධනයට ලක්වූ බවට නැගෙන චෝදනා රැගත් සවිස්තර වාර්තාව මෙතනින් 
 
 
 
“ස්වකීය ප්‍රජා අයිතිය සාමකාමී ලෙස ක්‍රියාත්මක කරන ශ්‍රී ලංකාවේ ඇතැමුන්ට රඳවා තබාගෙන පහරදී, ගිනියම් යකඩ පොලුවලින් හා සිගරට්වලින් පුළුස්සා, පැට්‍රෝල් දැමූ පොලිතීන් කවර යොදා හුස්ම හිරකර, බාගෙට දියේ ගිල්වා ආරක්ෂක හමුදා විසින් කල්ලි ගැසී දූෂණය කරනු ලැබේ.”
 
 නිවේදනයේ දැක්වෙන පරිදි ගෝඨාභය රාජපක්ෂ ආණ්ඩුව බලයට පත්වුණු 2019 නොවැම්බරයේ සිට පැහැරගෙන, නීති විරෝධී ලෙස රඳවා තබාගෙන වධහිංසා පමුණුවන ලද, මේ වන විට  බ්‍රිතාන්‍යයේ සිටින දෙමළ 15 දෙනකුගේ සවිස්තර ප්‍රකාශන ITJP ජාත්‍යන්තර විමර්ශකයන් විසින් ලබාගෙන තිබේ.
 
 නැගෙනහිර සිට උතුරට මේ වසරේ පැවති P2P පාගමනට මෙන්ම මළ’වුන් සහ අතුරුදහන් කරනු ලැබූවන් වෙනුවෙන් පැවති අනුස්මරණවලට සහභාගි වූ පුද්ගලයන් මෑතම සිද්ධීන්වලට අයත්ය.
 
 ඔවුන් අතරින් කිහිප දෙනකු ITJP වෙත ප්‍රකාශ කර ඇත්තේ ඔවුන් දෙමළ දේශපාලන පක්ෂ වෙනුවෙන් ස්වේච්ඡාවෙන් වැඩ කළ අය බවයි.
 
 පැහැර ගැනීමට සහ අත්අඩංගුවට ගැනීමට ආරක්ෂක අංශ විසින් දශක ගණනක් තිස්සේ යොදාගෙන පුරුදු සුදුවෑන් පැහැර ගැනීම් ගැන ඊට ගොදුරුවූ හය දෙනකුම විස්තර කර තිබේ.
 
 ITJP පවසන පරිදි වධබන්ධන සඳහාම සකස් කළ කාමර ඇතුලේ ප්‍රශ්න කරනවිට, බොහෝ අවස්ථාවල යට ඇඳුමින් පමණක් තබා, දණ ගස්සවා දිගින් දිගටම අතිශයින් ම්ලේච්ඡ ශාරීරික වධහිංසා පමුණුවා තිබේ.
 
 "හැමදෙනාම පාහේ ලිංගික හිංසනයට පත් කරන අතරේම දෙමළ ජාතිකයන් ලෙසින් ජාතිවාදී ගර්හාවට පත් කර තිබේ."
 
 ලිංගික ප්‍රචණ්ඩතාවලට අමතරව ගුද මාර්ගයට යකඩ පොල්ලක් යවා දූෂණය කරන ලද ආකාරයද ත්‍රස්ත මර්දන හා විමර්ශන ඒකකයේ සිරකොටගෙන සිටි දෙදෙනකු විසින් විස්තර කළ බව සත්‍යය හා යුක්තිය සඳහා වන ජාත්‍යන්තර ව්‍යාපෘතිය නිකුත් කළ නිවේදනයේ තව දුරටත් සදහන්ය.
 
 මෙම හැම අවස්ථාවකම ඔවුන් නිදහස් කරගැනීම සඳහා ඥාතීන් විසින් අල්ලස් ගෙවා තිබේ.
 
බ්‍රිතාන්‍යයට ළඟාවූ පසු හයදෙනෙක් සියදිවි හානි කරගන්නට උත්සාහ දරා ඇති අතර දිවි බේරාගෙන පැමිණි අනෙක් සැමදෙනාම මහත් කම්පනයට පාත්‍රවී සිටින අතර වධහිංසාවෙන් ලද තුවාලවල දෘශ්‍යමාන කැළැල් දැක ගත හැකි බව ITJP සදහන් කරයි.
 
 
"වධක කාරියේ හා ලිංගික ප්‍රචණ්ඩතාවේ නියැලුන’වුන් අතර නිල ඇඳුම් හැඳි ශ්‍රී ලංකා යුද හමුදාවේ නිලධාරීන් මෙන්ම කුප්‍රකට ත්‍රස්ත මර්දන පොලිස් ඒකකයේ අයද වෙති. 
 
පසුගිය වර්ෂයේ තමන් වධයට හා ලිංගික දුෂණයට ගොදුරුවූ පොලිස් ස්ථාන සිද්ධි දෙකක වද වින්දිතයන් හරියටම දැන සිටි අතර පොලිස් ස්ථානය පිටුපස තමන් කෙලෙසනු ලැබූ ගොඩනැගිලිවල සිතියමක් ඇඳ දෙන්නට එක් අයකු සමත් විය." එම නිවේදනයේ වැඩි දුරටත් සදහන්ය.
 
 

 
THE LEADER TV 
 
අන්ධකාරයේ රිදී රේඛාව
 
 
මෙයාලගේ දත්ත තමයි දත්ත
 
 
 

subscribeYT

subscribeYT

WhatsApp Image 2021 09 13 at 13.49.58