1200 x 80 DMirror
 
 

ජංගම දැඩි සත්කාර ඒකකය ස්ථාපිත කර තිබෙන කන්ටේනර් රථය
 නවීන අධි තාක්ෂණික වෛද්‍ය උපකරණ වලින් සමන්විත ලොව ඉහළම ජංගම දැඩි සත්කාර ඒකකයක් 'ප්‍රීමියම් ඉන්ටර්නැෂනල් සමාගම' විසින් සෞඛ්‍ය අංශ වෙත පරිත්‍යාග කෙරේ.
 
 කොවිඩ් රෝගීන්ට ප්‍රතිකාර ලබාදීම සඳහා අති නවීන අධි තාක්ෂණික වෛද්‍ය උපකරණ වලින් සමන්විත ලොව ඉහළම ජංගම දැඩි සත්කාර ඒකකය සෞඛ්‍ය අමාත්‍ය අචාර්ය කෙහෙලිය රඹුක්වැල්ල ගේ ප්‍රධානත්වයෙන් සෞඛ්‍ය අංශ වෙත බාරදීම අද (14) පේරාදෙණිය ශික්ෂණ රෝහලේදී සිදු කෙරුණි. 
 
අඩි 40 ක දිගකින් හා අඩි 12 ක පළලින් යුත් කන්ටේනර් කොටස් දෙකක් සම්බන්ධ කරමින් රුපියල් ලක්ෂ 500 ක මුදලක් වැයකර නිර්මාණය කර තිබෙන මෙම ජංගම දැඩි සත්කාර ඒකකය ඇඳන් තුනකින් සමන්විතය.
 
 
WhatsApp Image 2021 09 14 at 17.22.27
                      ජංගම දැඩි සත්කාර ඒකකය ඇඳන් තුනකින් සමන්විත
 
 
මෙහි ඇති ඇඳන් තුනේ ප්‍රතිකාර ලබන රෝගීන් සී.සී.ටි.වී කැමරා පද්ධතියක් මගින් පැය 24 පුරා වෙනත් කාමරයක සිට නිරීක්ෂණය කිරීමේ හැකියාව පවතින බව එය පරිත්‍යාග කළ ප්‍රීමියම් ඉන්ටර්නැෂනල් සමාගම පවසයි. 
 
මේ ආකාරයේ ජංගම දැඩි සත්කාර ඒකකයක් ඉතාලියේ ක්‍රියාත්මක වන නමුත් එහි ඇත්තේ ඇඳන් දෙකක් පමණක් බවත් එයට වඩා අති නවීන පහසුකම් වලින් මෙරට ජංගම දැඩි සත්කාර ඒකකය සමන්විත වන බවත් ප්‍රිමියම් ජත්‍යන්තර සමාගමේ සභාපති හා කළමනාකාර අධ්‍යක්ෂ ප්‍රශාන්ත කුලරත්න කීය. 
 
මේ වන විටත් මෙවැනි පහසුකම් සහිත තවත් ජංගම දැඩි සත්කාර ඒකක සහිත කන්ටේනර් දෙකක් ඉදිවෙමින් පවතින බවත් ඒවාද ඉදිරියේදී සෞඛ්‍ය අමාත්‍යාංශයට බාරදෙන බවත් ඔහු ප්‍රකාශ කළේය.
 
රටේ අවශ්‍යතාව වටහා ගනිමින් දේශීය සමාගම් මේ ආකාරයේ පරිත්‍යාග කිරීමට ඉදිරිපත් වීම අගය කරන බවත් එය රෝගී ජීවිත බේරා ගැනීමට කටයුතු කරන සෞඛ්‍ය අංශ වලට විශාල ශක්තියක් බවත් සෞඛ්‍ය අමාත්‍ය කෙහෙලිය රඹුක්වැල්ල මෙම අවස්ථාවේදී කියා සිටියේය.
 
පළමු කොවිඩ් රැල්ලේ සිට එය සාර්ථකව මර්දනය කිරීම සඳහා සෞඛ්‍ය සේවාවන්හි ඉහළම දායකත්වය මෙරට සෑම තරාතිරමකම ජනතාවගේ දැඩි ඇගයීමකට ලක්ව ඇතැයිද අමාත්‍යවරයා කීය .
 
මේ වන විට  මෙරට කොවිඩ් ආසාදිතයන් ප්‍රමාණය, මරණ සංඛ්‍යාව ඔක්සිජන් අවශ්‍යතාව සැලකිය යුතු අයුරින් විශාල ලෙස අඩු වෙමින් පවතින බවද සාර්ථක එන්නත්කරණය හා නිවැරැදි  කොවිඩ්  පාලන ක්‍රියාවලිය ඒ සඳහා හේතු වෙමින් තිබෙන බවද සෞඛ්‍ය අමාත්‍යෙවරයා මෙහිදී කීය. 
 
 මහනුවර දිස්ත්‍රික් පාර්ලිමේන්තු මන්ත්‍රී ගුණතිලක රාජපක්ෂ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, මහනුවර දිස්ත්‍රික් ලේකම් චන්දන තෙන්නකෝන්, පේරාදෙණිය ශික්ෂණ රෝහලේ අධ්‍යක්ෂ වෛද්‍ය අර්ජුන තිලකරත්න, ප්‍රීමියර් ඉන්ටර්නැෂනල් සමාගමේ සභාපති ප්‍රසන්න කුලරත්න ඇතුළු පිරිසක් මෙම අවස්ථාවට සහභාගි වූහ.
 
 
 
WhatsApp Image 2021 09 14 at 17.22.30
ජංගම දැඩි සත්කාර ඒකකය සෞඛ්‍ය ඇමැතිවරයාගේ නිරීක්ෂණයට ලක්වූ අයුරු. 
 
WhatsApp Image 2021 09 14 at 17.22.30
ජංගම දැඩි සත්කාර ඒකකය නිල වශයෙන් සෞඛ්‍ය අමාත්‍යාංශයට බාරදුන් අයුරු. 
 
 
 
 
THE LEADER TV 
 

හම්බන්තොට ස්පේෂල්?

 

 
හංසමාලිගේ ජීවිතය අනතුරේ : කොරෝනා බෝ කළේ ආණ්ඩුව ? 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්