1200 x 80 DMirror
 
 

එක්සත් ජාතීන්ගේ සංවිධානයේ මානව හිමිකම් කවුන්සලයේ ඉල්ලීම පරිදි අතුරුදහන් තැනැත්තන් පිළිබද වු  කාර්යාලයට
(OMP) බලහත්කාරයෙන් අතුරුදහන් කිරීම් ගැන පැමිණිලි කළත් මේ වන තෙක් කිසිදු ප්‍රතිපලයක් අත්වී නොමැති බවට චෝදනා එල්ල වී තිබේ.
 
 අතුරුදහන් කළ තම සමීපතමයන්ට යුක්තිය ඉටු කරන මෙන් ඉල්ලා දින 1650 ක් අඛණ්ඩ උද්ඝෝෂණයේ යෙදෙන උතුරේ මව්වරුන් චෝදනා කරන්නේ, ''අතුරුදහන් කළ තැනැත්තන් පිලිබඳ කාර්යාලය ආණ්ඩුවේ වාසියට පිහිටවූ එකක්'' බවයි.
 
''OMP එක කරන්නේ ආණ්ඩුව කියන දෙයක් තමයි. උද්ඝෝෂණ වලින් අයින් වෙන්න කියලා අපිව බය කරන්න තමයි ඒගොල්ලෝ හදන්නේ,'' යැයි  මුලතිව් දිස්ත්‍රික් අතුරුදහන් වුවන්ගේ ඥාතීන්ගේ සංගමයේ  සභාපති මරියසුරේෂ් ඊශ්වරී කියා සිටියේ සැප්තැම්බර් 14 වැනිදා මුලතිව්හිදී පැවති මාධ්‍ය හමුවකදීය.
 
 බලහත්කාරයෙන් අතුරුදහන් කරනු ලැබූ කුඩා දරුවන් ගැන සඳහන් කළ ඊශ්වරී කියා සිටියේ, ''මාස හයේ ඉඳන්  අවුරුදු දොළහ වෙනකම් වයසේ පුංචි ළමයි තිස් දෙනෙක් අතුරුදහන් කරලා තියෙනවා'' එහෙත් ළමයි වෙනුවෙන් වැඩ කරන කිසිම ජාත්‍යන්තර සංවිධානයක් ඒ ගැන උනන්දුවක් දක්වා නොමැති බවයි.
 
ජිනීවා මානව හිමිකම් කවුන්සලය හමුවේ විදේශ ඇමැති ජි. ඇල්. පීරිස් පැවසුවේ, අතුරුදහන් වූ තැනැත්තන් පිළිබඳ කාර්යාලය මගින් අතුරුදහන් වූවන්ගේ ලැයිස්තුව සකසා අවසන් කරමින් හිමිකම් ඉල්ලීම් 3,775 ක් පිළිවෙල කොට  ඇති බවය.
  
''අපේ ඥාතින්ව අපියි හමුදාවට බාර දුන්නේ, ඇයි ඒගොල්ලන්ව ආපහු දෙන්න බැරි, අපේ ඥාතියෝ වැරදිකාරයෝ නෙමේ, ප්‍රශ්න කරලා ආපසු එවන්නම් කියලා තමයි හමුදා බස් එකේ දාගෙන ගියේ'' යැයි  මුලතිව් දිස්ත්‍රික් අතුරුදහන් වුවන්ගේ ඥාතීන්ගේ සංගමයේ ලේකම් ප්‍රබාකරන් රංජනී සදහන් කළාය.
 
ඇය එහිදි වැඩි දුරටත් ප්‍රශ්න කර සිටියේ, ගෝඨාභය රාජපක්‍ෂ ආණ්ඩුව විසින්  ''වසන්ත කරන්නාගොඩ වැනි ඝාතන චුදිතයන් හා සුනිල් රත්නායක වැනි ඝාතකයන්  නිදහස් කර, තනතුරු ලබා දීමෙන්'' රටේ සාමය හා සහජීවනය ඇති වන්නේ කෙසේද යන්නයි.
 
 කොළඹ සහ තදාසන්න ප්‍රදේශ වලින් 11 දෙනකු පැහැර ගැනීම සම්බන්ධයෙන් චෝදනා ලබන හිටපු නාවික හමුදාපති වසන්ත කරන්නාගොඩ නඩු නොඅසාම එම චෝදනා වලින් නිදහස් කිරීමට නීතිපති ගත් තීන්දුව කෙරේ තම සැලකිල්ල යොමුවී ඇති බව එකසත් ජාතීන්ගේ මානව හිමිකම් පිලිබඳ මහකොමසාරිස් වරිය මෙවර ජිනීවා සමුළුව ආරම්භයේදී පවසා තිබුණි. 
 

 

 


 

THE LEADER TV 
 
 
රටවිරුවන් හූරංකන අලුත් විදිහ! ගුවන්තොටේ මගඩි එළියට! 
 
 
 
රූප සුන්දරිය සමග හිරේට පැන්න ඇමති ?
 
 
 

subscribeYT

subscribeYT

WhatsApp Image 2021 09 13 at 13.49.58