1200 x 80 DMirror
 
 

දෙමළ විමුක්ති අරගලය වෙනුවෙන් මාරාන්තික උපවාසයක යෙදී ජීවිතය පරිත්‍යාග කිරීම නිසා ත්‍යාගී තිලීපන් ලෙසින් ගෞරවයට පාත්‍ර වන එල්.ටී.ටී.ඊ සංවිධානයේ ලුතිතන් කර්නල් රාසයියා පාර්තිපන් අනුස්මරණ සතිය
උතුරේදී ආරම්භ කර තිබේ.
 
උපවාසයේ යෙදී සිටියදී මිය ගිය තිලීපන්ගේ 34 වැනි අනුස්මරණය නිමිත්තෙන් සැප්තැම්බර් 15 වැනි බදාදා  නල්ලුර් කන්දසාමි කෝවිල අසල ඉදිකර තිබී 2010 දී රජයේ ආරක්ෂක අංශ විසින් කඩා බිඳ දමන ලද තිලීපන්ගේ ස්මාරකය ඉදිරිපිට පුෂ්පදීප උපහාර දක්වා ඇත.
 
ඒ සදහා දෙමළ ජාතික ජනතා පෙරමුණේ ලේකම් පාර්ලිමේන්තු මන්ත්‍රී සෙල්වරාසා ගජේන්ද්‍රන් ඇතුළු පිරිසක් එක්ව සිටි බව පළාත් බද වාර්තාකරුවෝ පවසති.
 
 
01
 
සිංහල හමුදා කඳවුරු දෙමළ පළාත් වලින් ඉවත් කර ගත යුතුයි, දෙමළ ජනතාවගේ පළාත්වල තාවකාලික දෙමළ ආණ්ඩුවක් පිහිටුවන තෙක් පුනරුත්ථාපන වැඩ තාවකාලිකව අත්හිටවිය යුතුයි, දෙමළ ජනතාවට අයිති ගම් පළාත්වල සිංහලයන් පදිංචි කරවීම කරගෙන යාම නැවැත්විය යුතුයි, දෙමළ පළාත්වල සිංහල පොලිස් ස්ථාන පිහිටුවීම නතර කළ යුතුයි, ත්‍රස්තවාදය වැලැක්වීමේ පනත යටතේ පොලිස් ආරක්ෂක මූලස්ථාන වල සිටින දේශපාලන රැඳවුම්කරුවන් වහා නිදහස් කළ යුතුයි ආදී ඉල්ලිම් ඉදිරිපත් කරමින් 1987 සැප්තැම්බර් 15 වනදා තීලිපන් උපවාසයක් ආරම්භ කළේය.
 
යාපනය විශ්ව විද්‍යාලය ඉදිරිපිට උපවාසයක යෙදී සිටියදී තිලීපන් මිය ගියේ 1987 සැප්තැම්බර් 26 වෙනිදා ය.
 
 
ගිය වසරේ උතුරේ හර්තාල්:
 
රාසයියා පාර්තීපන් අනුස්මරණය කිරීම වළක්වාලමින් අධිකරණයේ ද සහායෙන් රජය 2020 වසරේ සැප්තැම්බර් මාසයේ පනවා තිබු තහනමට විරෝධය පාමින් සැප්තැම්බර් 28 සඳුදා උදෑසන සිට සාර්ථක හර්තාල් ව්‍යාපාරයක්   දියත් කිරීමට උතුරු  හා නැගෙනහිර  දෙපළාතේ  වැසියන් ක්‍රියා කර තිබුනි.
 
ගෝඨාභය රාජපක්ෂගේ නායකත්වයෙන් යුත් රජය බලයට පත් වීමෙන් පසු දියත් කරන ලද වඩාත් පුළුල් ජන සහභාගිත්වයකින් යුත් විරෝධතාව මෙම හර්තාලය ලෙස සැලකේ.
 
 
 
THE LEADER TV 
 
ලොක්කෝ මෙච්චර ලොහාන්ට බය ඇයි? 
 
 
බොක්කත් හූරං කන කොරොනා මාෆියාවක්! 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්