1200 x 80 DMirror
 
 

බන්ධනාගාරයකට කඩා වැදී දෙමළ සිරකරුවන්ගේ හිසට පිස්තෝලය තබා මරණ තර්ජන කළ රාජ්‍ය අමාත්‍යවරයා

සියලු පදවි වලින් පහකොට ඔහුට විරුද්ධව නීතිමය පියවර ගන්නා ලෙස රට තුලින්ම කෙරෙන දැඩි බලපෑම් නොතකා ආණ්ඩුව ඔහු තවදුරටත් නිලතලවල රඳවා ගෙන සිටී.

 
සති අන්තයේදී වැලිකඩ සහ අනුරාධපුර සිරගෙවලට ආයුධ සන්නද්ධව බලහත්කාරයෙන් ඇතුල් වී මැරකම් පෑවේ ලොහාන් රත්වත්තේ බව දෙමළ මන්ත්‍රීවරුන් විසින් හෙළි කිරීමෙන් අනතුරුව රාජ්‍ය අමාත්‍යවරයා පදවි දෙකකින් ඉල්ලා අස්වෙන බව ආණ්ඩුව විසින් දන්වා තිබුණි.
 
ඒ පිලිබඳ දැඩි නොසතුට පලකරන දෙමළ මන්ත්‍රීවරුන්, නීතිඥවරුන්, සිරකාර අයිතිවාසිකම් සංවිධාන සහ සිවිල් සංවිධාන ආණ්ඩුවෙන් ඉල්ලා  සිටින්නේ සාපරාධී කටයුත්තක් කළ ආණ්ඩු පක්ෂයේ දේශපාලකයා සියලු තනතුරු වලින් පහකොට, අත් අඩංගුවට ගෙන නඩු පවරන ලෙසයි.
 
“එතුමාගේ බාරේ තියෙන පිස්තෝලේ වහාම එයාගෙන් ගන්න ඕනේ. නැතිනම් මේක මහජනතාවට දැඩි තර්ජනයක්. අනික මේ සිදුවීම් සම්බන්ධව පරීක්ෂණයක් පවත්වන්න ඕනේ. ලොහාන් රත්වත්තේ මහතා සහ අනික් අයව අත් අඩංගුවට අරගෙන නඩු කටයුතු වහාම පටන් ගන්න ඕනේ.”
 
විපක්ෂයට හෝ ජාත්‍යන්තර ආයතන වල බලපෑම අනුව කටයුතු නොකරන බව පවසන ආණ්ඩුව කියා සිටින්නේ ලොහාන් රත්වත්තේගේ ඉල්ලා අස් වීම තාවකාලික බවයි.
 
“යම්කිසි සිදුවීමක් වාර්තාවුනා කියලා මාධ්‍ය සහ විපක්ෂයේ දේශපාලනඥයෝ චෝදනා කරලා තිබුණා. ඉතින් ඒ චෝදනාව පිළිබඳව අතිගරු ජනාධිපති තුමාත්, අතිගරු ජනාධිපති තුමාත් අවධානය යොමු කරලා ඒ පිළිබඳව සාධාරණ පරීක්ෂණයක් කරන්න කියලා උපදෙස් දුන්නා. ඉතින් ගරු අමාත්‍යතුමාත් ඒ පිළිබඳව සහයෝගය දැක්වීමේ අවශ්‍යතාව මත ඒ පරීක්ෂණ කටයුතු පවත්වන කල් ඒ තනතුරෙන් ඉල්ලා අස් වෙලා තියෙනවා,” යයි ක්‍රීඩා හා යොවුන් කටයුතු අමාත්‍ය නාමල් රාජපක්ෂ අද දිනයේ අනුරාධපුර බන්ධනාගාරය ඉදිරිපිටදී මාධ්‍යවේදීන් හා පැවසීය.
 
ශ්‍රී ලංකා පාර්ලිමේන්තුවේ වෙබ් අඩවියේ තවමත් දැක්වෙන පරිදි ලොහාන් රත්වත්තේ මේ වනවිටත් මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍ය සහ බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය වශයෙන් කටයුතු කරයි.
 
 
රාජ්‍ය අමාත්‍යවරයා විසින් සිදුකොට ඇත්තේ වරෙන්තුවක් නැතිව අත් අඩංගුවට ගතහැකි අපරාධයක් බව මානව හිමිකම් සංවිධාන පෙන්වා දී ඇත.
 
  
ලොහාන් රත්වත්තේ සිදුකළ අපරාධය වසන් කිරීමට උත්සාහ කළ බන්ධනාගාරයේ උසස් නිලධාරීන් දෙදෙනා අත්අඩගුවට ගෙන නීතිය හමුවට ඉදිරිපත් කරන  ලෙස ඉල්ලමින් සිරකරු අයිතිවාසිකම් වෙනුවෙන් පෙනී සිටින ප්‍රමුඛතම සංවිධානයක් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.
 
සිරකරු අයිතිවාසිකම් සුරැකීමේ කමිටුව සැප්තැම්බර් 16 වැනි බ්‍රහස්පතින්දා සිදු කළ පැමිණිල්ල මගින් ඉල්ලා ඇත්තේ හිටපු බන්ධනාගාර ඇමති ලොහාන් රත්වත්ත,  බන්ධනාගාර කොමසාරිස් තුෂාර උපුල්දෙනිය සහ බන්ධනාගාර මාධ්‍ය ප්‍රකාශක චන්දන ඒකනායක අත්අඩංගුවට ගෙන නීතිය හමුවට පමුණුවන ලෙසයි.
 
 

 
සිරකරු අයිතිවාසිකම් සුරැකීමේ කමිටුවේ සභාපති නීතිඥ සේනක පෙරේරාගේ සහ ලේකම් සුදේශ් නන්දිමාල් සිල්වාගේ අත්සනින් යුතුව යොමු කර තිබෙන පැමිණිල්ල මගින් පෙන්වා දී ඇත්තේ රාජ්‍ය අමාත්‍යවරයා පිස්තෝලයක් භාවිත කරමින් මරණ තර්ජනය කිරීම ශ්‍රී ලංකාවේ ක්‍රියාත්මක පීඩාකාරි ආයුධ පනත යටතේ ගැනෙන වරදක් බවයි.
 
" ඒ අනුව දණ්ඩ නීතී සංග්‍රහය යටතේ මිනීමැරීමට තැත් කිරීමේ වරදද මෙහිදී සංස්ථාපනය වී ඇත.  "
 
එසේම අධිකරණ රක්ෂණය යටතේ සිටින රැදවියන්ට අනවශ්‍ය ලෙස මෙසේ විවිධ බලපෑම් කිරීම අධිකරණයට සිදු කරන ලද අපහාසයක් බවත් පැමිණිල්ලේ සදහන් කර තිබේ.
 
 
 
අමානුෂික සහ අවමන් සහගත සැලකිල්ල
 
සිරකරු අයිතිවාසිකම් සුරැකීමේ කමිටුව සිය පැමිණිල්ල මගින් තව දුරටත් පෙන්වා දී ඇත්තේ සිංහල, දෙමළ හා මුස්ලිම් වැනි විවිධ ජන වර්ග වලට අයත් විශාල රැදවියන් පිරිසක් සිටින අනුරාධපුර බන්ධනාගාරයේ දෙමළ සිරකරුවන් පිරිසක් පමණක් තෝරා‌ගෙන ඔවුන්ට මරණ තර්ජනය කිරීම ඇතුළු අමානුෂික සහ අවමන් සහගත සැලකිල්ලට ලක්කිරිම 2007 අංක 56 දරණ සිවිල් හා දේශපාලන අයිතිවාසිකම් පිළිබද සම්මුතිය පනත යටතේද ගැනෙන වරදක් බවයි.
 
"එසේම බන්ධනාගාර ආඥා පනතේ 38 හා 39 වගන්ති වල සදහන් ප්‍රතිපාදන වලින් බැහැරව බන්ධනාගාර නිලධාරින්ගේ රාජකාරි වලට බාධාවන ආකාරයට ක්‍රියා කිරිම බන්ධනාගාර ආඥා පනත යටතේ ගැනෙන වරදවල්ය."
 
ඒ අනුව ලොහාන් රත්වත්ත, සිදු කර ඇති වැරදි ශ්‍රී ලංකාවේ ක්‍රියාත්මක නීතිය අනුව වරෙන්තුවක් නොමැතිව අත්අඩංගුවට ගත හැකි සංඥය වැරදි ගනයට ඇතුලත් වන බව සිරකරු අයිතිවාසිකම් සුරැකීමේ කමිටුව අපරාධ පරීක්ෂණ දෙපාර්තමේන්තුවට දැනුම් දී තිබේ.
 
 
 
ආධාර අනුබල දීම:
 
 
සිරකරු අයිතිවාසිකම් සුරැකීමේ කමිටුව සිය පැමිණිල්ල මගින් තව දුරටත් පෙන්වා දෙන්නේ බන්ධනාගාර කොමසාරිස් ජනරාල් තුෂාර උපුල්දෙනිය, ලොහාන් රත්වත්තේට ඉහත කී අපරාධ සිදුකිරිමට අවශ්‍ය සියලු ආධාර අනුබල දීම් සිදුකර ඇති බවයි.
 
  
"තමන් යටතේ ක්‍රියාත්මක අනුරාධපුර බන්ධාගාරයේ නිලධාරින්ට නිසි උපදෙස් ලබා නොදි ඉහත කී අපරාධ සිදුකිරිමට අවශ්‍ය පසුබිම ඔහු විසින් සකසා දී තිබේ."
 
ඒ අනුව රජයේ නිලධාරියෙකු  වශයෙන් තුෂාර උපුල්දෙනිය සිය යුතුකම් පැහැර හැර ඇති බවයි සිරකරු අයිතිවාසිකම් සුරැකීමේ කමිටුව පවසන්නේ.
 
"ඒ අනුව ඔහු බන්ධනාගාර රැඳවියන් අනාරක්ෂිත භාවයට පත් කර ඔවුන්ට අගතියක් වන්නට අවශ්‍ය ඉඩකඩ චේතනාන්විතවම සකසා දී තිබේ. "
 
එය ඉහත කී 1966 අංක 18 දරණ පීඩාකාරි ආයුධ පනතේ  යටතේ ගැනෙන වැරදි බවත් පැමිණිලි කරුවන් අපරාධ පරීක්ෂණ දෙපාර්තමේන්තුවට දැනුම් දී තිබේ.
 
සිරකරු අයිතිවාසිකම් සුරැකීමේ කමිටුව තව දුරටත් චෝදනා කරන්නේ, සැප්තැම්බර් 12 වැනි  දින සවස් වරුවේ අනුරාධපුර බන්ධනාගාරය තුල සිදුවු ඉහත කී අපරාධයන් වසන් කිරිමටද, ඔහු ක්‍රියා කර තිබෙන බවයි.
 
"එවැනි සිද්ධියක් සිදුවී නැති බවට හැඟෙන ආකාරයට ප්‍රසිද්ධ මාධ්‍ය මගින් ඔහු ප්‍රකාශ නිකුත් කර තිබේ. මෙයද ශ්‍රී ලංකා අපරාධ නීතිය (දණ්ඩ නීති සංග්‍රහය) යටතේ වන වැරදි වේ."
 
 dfsfr4
තුෂාර උපුල්දෙනිය සහ චන්දන ඒකනායක
 
  
එසේම බන්ධනාගාර මාධ්‍ය ප්‍රකාශක චන්දන ඒකනායක  ද, ප්‍රසිද්ධ මාධ්‍ය වලට කරුණු ඉදිරිපත් කරමින් ඉහත කී අපරාධය සිදු නොවු බවට හැඟවෙන ආකාරයට කරුණු ඉදිරිපත් කර ඇති බව පෙන්වා දෙන සිරකරු අයිතිවාසිකම් සුරැකීමේ කමිටුව අවධාරණය කරන්නේ ඒ අනුව ඔහුද මෙම අපරාධය වසන් කිරිමට කටයුතු කර ඇති අතර  ඔහුටද නීතිය ක්‍රියාත්මක කල යුතු බවයි.
 
"ඒ අනුව ඉහත කී කරුණු අනුව ඉතා ඉක්මනින් ලොහාන් රත්වත්තේ, තුෂාර උපුල්දෙනිය සහ චන්දන ඒකනායක යන අයවලුන් අත්අඩංගුවට ගෙන පරික්ෂණ සිදුකර මෙම අපරාධයේ වින්දිතයන්ට යුක්තිය ලබාදිමට මැදිහත් වන මෙන් ඉල්ලා සිටිමු."
 
 
තවද අනුරාධපුර බන්ධනාගාරයේ ඇති වු මෙම සිද්ධියට අදාළ CCTV දර්ශන මකා දැමීමේ අවදානමක් පවතින බැවින් ඒවා ආරක්ෂා කිරිමට අවශ්‍ය පියවරද, කඩිනමින් ගන්නා ලෙසත් සිරකරු අයිතිවාසිකම් සුරැකීමේ කමිටුව අපරාධ පරීක්ෂණ දෙපාර්තමේන්තුවෙන් ඉල්ලා තිබේ.
 
 
ශ්‍රී ලංකා නීතිඥ සංගමය :
 
fdsrt4er 
 
ලොහාන් රත්වත්තේ ඇතුළු සිරගෙදරට කඩාවැදුණු පිරිස කළේ අතිශය සාපරාධී ක්‍රියාවක් බව පෙන්වා දෙන ශ්‍රී ලංකා නීතිඥ සංගමය ඔහු පාර්ලිමේන්තු මන්ත්‍රී ධුරයක් දැරීමට හෝ සුදුස්සකු නොවන බව පවසයි.
 
“ඉල්ලා අස්වීම මගින් රත්වත්තේ මහතා තම චර්යාව සම්බන්ධ වගකීම භාරගෙන තිබේ. එමගින්, කිසිදු රජයේ තනතුරක් දැරීම සඳහා ඔහු සතු සදාචාරාත්මක අයිතිය අහිමි වී ඇත,” යි සංගමයේ ලේකම් රජීව් අමරසුරියගේ අත්සනින් නිකුත් කළ නිවේදනයක දැක්වේ.
 
ඔහුට එරෙහිව වහාම නීතිය ක්‍රියාත්මක කරන ලෙස ශ්‍රී ලංකා නීතිඥ සංගමය නීතිපතිවරයාගෙන් සහ නීතිය ක්‍රියාත්මක කිරීමේ බලධාරීන්ගෙන් ඉල්ලා සිටී.
 

 
ඉන්දියාවේ 'ද හින්දු' පුවත්පතේ පලවී ඇති වාර්තාවක් 

 

 

 


 

THE LEADER TV 
 
 

කබ්‍රාල් වැඩ අල්ලයි : බැඳුම්කර ලිපිගොනු භාර දවුලුගල ඉවතට ! 

 

 
ලොක්කෝ මෙච්චර ලොහාන්ට බය ඇයි? 
 
 
 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්