1200 x 80 DMirror
 
 

නම වැනි පාර්ලිමේන්තුවේ වැඩ පෙන්වීම අතින් ආණ්ඩුව පරයා විපක්ෂය ඉදිරියට පැමිණ තිබේ.
 2021 අගෝස්තු මාසයට වසරක් සපිරෙන 9 වැනි පාර්ලිමේන්තුවේ වඩාත් ක්‍රියාකාරී භාවයක් දැක්වූ මන්ත්‍රීවරුන් දහ දෙනා රාජ්‍ය නොවන සංවිධානයක් විසින් හෙළි කර ඇත.
 
 එම දස දෙනා අතුරින් පස් දෙනෙක් පාර්ලිමේතුවේ ප්‍රධාන විපක්ෂය නියෝජනය කරන සමගි ජන බලවේගයේ ජනතා නියෝජිතයෝ බව වෙරිටේ පර්යේෂණ ආයතනය විසින් පවත්වාගෙන යන manthri.lk පවසයි.
 
 මන්ත්‍රීවරුන් සිව් දෙනෙක් ආණ්ඩුව නියෝජනය කරන ශ්‍රී ලංකා පොදු ජන පෙරමුණේ ජනතා නියෝජිතයන් වන අතර අනෙක් මන්ත්‍රීවරයා ජාතික ජන බලවේගයේ නායක අනුර කුමාර දිසානායකය.
 
 ඔවුන් දස දෙනා අතරින් පෙරමුණ ගෙන ඇත්තේ බුද්ධික පතිරණ මන්ත්‍රීවරයාය.
 
 "වැඩ පෙන්වපු" යන්නෙන් පාර්ලිමේන්තු පැමිණීම, පාර්ලිමේන්තු විවාද සහ අදහස් දැක්වීම්වලට ලබාදුන්, වලංගු හැටියට සළකන දායකත්වය අනුව ඉහළින්ම ඉන්නා පිරිස බවයි manthri.lk පවසන්නේ.
 
 "මේ හැම මන්ත්‍රීවරයෙක්ටම ඉහළ පාර්ලිමේන්තු පැමිණීමක් තියෙනවා විතරක් නෙවෙයි, හැම කෙනෙක්ම වාර 100කට වඩා ඉහළ ප්‍රමාණවලින් පාර්ලිමේන්තු වාදවිවාද සහ අදහස් දැක්වීම්වලට තමන්ගේ දායකත්වයත් ලබාදීලා තිබෙනවා," යයි manthri.lk තව දුරටත් නිවේදනය කර තිබේ.
 
 
THE LEADER TV 
 
ලොක්කෝ මෙච්චර ලොහාන්ට බය ඇයි? 
 
 
බොක්කත් හූරං කන කොරොනා මාෆියාවක්! 
 

subscribeYT

subscribeYT

WhatsApp Image 2021 09 13 at 13.49.58