1200 x 80 DMirror
 
 

මහජන උද්ඝෝෂණ සඳහා බාධාවක් නැති බව ජනාධිපතිවරයා ඇමරිකාවේදී ප්‍රකාශ කරද්දී විරෝධතා පැවැත්වීම ලංකාවේ සිදු කළ නොහැකි බව පවසමින් පොලිසිය විසින් අත්අඩංගුවට ගන්නා ලද සුළු ව්‍යාපාරිකයන්
 දෙදෙනකු අධිකරණය විසින් ඇප මත මුදා හැර තිබේ.
 
කොළඹ මහෙස්ත්‍රාත් අධිකරණය සැප්තැම්බර් 20 වැනි සදුදා නියෝග කර ඇත්තේ එක්සත් ස්වයං රැකියා වෙළෙඳ සංගමයේ සභාපති චාල්ස් ප්‍රදීප් හා අත්අඩංගුවට ගත් අනෙක් තැනැත්තා 50,000 බැගින් වූ ශරීර ඇප දෙකක් මත මුදා  හරින ලෙසයි.
 
ජනාධිපති ගෝඨාභය රාජපක්ෂ නිව් යෝර්ක් නුවරදී එක්සත් ජාතීන්ගේ මහලේකම්වරයාට කියා තිබුණේ විරෝධතා සඳහා තමන්ගේ ආණ්ඩුවෙන් බාධාවක් නැති බවයි. 
 
වසංගත ව්‍යාප්තිය පාලනය කිරීම සදහා රට අගුලා ලා තිබියදීත් මත්පැන් හල් විවෘත කර ඇතිආකාරයෙන්ම  තමන්ට ද වෙළෙඳ කටයුතු කිරීමට අවසර දෙන්නැයි බලකරමින් කොටුව දුම්රියපොළ ඉදිරිපිට දී එක්සත් ස්වයං රැකියා වෙළෙඳ සංගමය විසින් 19 වැනි ඉරිදා විරෝධතාවයක් දියත් කර තිබුණි.
 
එම ස්ථානයට පැමිණි  කොටුව පොලීස් නිලධාරීන් විසින් සැකකරුවන් දෙදෙනා අත්අඩංගුවට ගත්තේ නිරෝධායන නීතිය උල්ලංඝනය කරමින් උද්ඝෝෂණය දියත් කළ බවට චෝදනා කරමිනි.
 
තමන් විරෝධතාවය දියත් කරන්නේ  ආරක්ෂිත ඇලුම් ඇද සෞඛ්‍යාරක්ෂිත නීති යටතේ බව  චාල්ස් ප්‍රදීප් පොලිස් නිලධාරියාට පවසද්දි "ඕවා කරන්න බෑ ලංකාවේ" යනුවෙන් තරු පැළඳ සිටි පොලිස් නිලධාරියෙක් විරොධතාකරුවන්ට පවසන ආකාරය අගනගරයේ මාධ්‍යවේදින්ගේ කැමරා කාචයට හසුව තිබේ.
 
 
police attack 2021.09.21
 
අත්අඩංගුවට ගත් සැකකරුවන් දෙදෙනා ඊයේ  කොළඹ මහෙස්ත්‍රාත් අධිකරණයට ඉදිරිපත් කරමින් පොලිසිය දැනුම් දී  ඇත්තේ සෞඛ්‍ය නීති උල්ලංඝනය කරමින් ඔවුන්  නිරෝධායන නීතියට පටහැනි ආකාරයට එම උද්ඝෝෂණය සිදුකළ අතර එම සිද්ධියට සම්බන්ධ තවත් සැකකරුවන් පිරිසක් අත්අඩංගුවට ගැනීමට අවශ්‍යව තිබෙන හෙයින්  සැකකරුවන් දෙදෙනා රක්ෂිත බන්ධනාගාර ගත කරන ලෙස යි.
 
සැකකරු වෙනුවෙන් පෙනී සිටි නීතිඥවරු අධිකරණය හමුවේ කරුණු දක්වමින් අවධාරණය කර ඇත්තේ තම සේවාදායකයන් සෞඛ්‍යාරක්ෂිත ක්‍රමවේද අනුගමනය කරමින් නිරෝධායන නීතිය උල්ලංඝනය නොවන ආකාරයට උද්ඝෝෂණය පැවැත් වූ බවයි.
 
ඉදිරිපත් වූ කරුණු සලකා බැලූ මහෙස්ත්‍රාත්වරිය එම සැකකරුවන් දෙදෙනා ශරීර ඇප දෙකක් මත මුදා හැරීමට නියම කර තිබේ.
 
 
 
ජනපතිගේ එජා පොරොන්දුවක්
එක්සත් ජාතීන්ගේ සංවිධානයේ මහලේකම් ඇන්ටෝනියෝ ගුටරේස් සැප්තැම්බර් 19 වැනිදා පස්වරුවේ නිව්යෝර්ක්හි එක්සත් ජාතීන්ගේ මූලස්ථානයේ දී හමුවු ජනාධිපති ගෝඨාභය රාජපක්ෂ පවසා තිබුනේ
ශ්‍රී ලංකාවේ ප්‍රජාතන්ත්‍රවාදය ශක්තිමත්ව ස්ථාපනය කිරීම තම අරමුණ බවත්, ඒ අනුව උද්ඝෝෂණ ආදියට පෙරදී කළ මෙන් බැටන් ප්‍රහාර, ජල ප්‍රහාර එල්ල කිරීම වැනි දේ තම රජය යටතේ සිදු නොවන බවයි.
 
උද්ඝෝෂකයන් සඳහාම තම කාර්යාලය අසළ වෙනම ස්ථානයක් වෙන් කර දුන් බවත් ජනාධිපති එහිදි පැවසු බව ජනාධිපති මාධ්‍ය ඒකකය නිවේදනය කර තිබේ.
 

 

THE LEADER TV 
උන් උන්ම නිදොස් කොට නිදහස් 
 
 

විමල්ලා අවුට්: ආණ්ඩුවෙන් බටහිරට කොළකොඩි..! 

subscribeYT

subscribeYT

WhatsApp Image 2021 09 13 at 13.49.58