ශ්‍රී ලංකාවේ ජනාධිපතිවරයාට එරෙහිව දෙමළ වර්ග සංහාරය සම්බන්ධයෙන් පියවර ගන්නා ලෙසට බලකරමින් නිව්යෝර්ක් නුවර එක්සත් ජාතීන්ගේ සංවිධානය අබියස දෙමළ ඩයස්පෝරාව විරෝධතාවක් පවත්වා තිබේ.
 දෙමළ ඊළම් පාරජාතික ආණ්ඩුව (TGTE) විසින් කැඳවන ලද එම විරෝධතාව පවත්වා ඇත්තේ පාස්කු ජනඝාතනයට යුක්තිය ඉල්ලා සිංහල ඩයස්පෝරාව උද්ඝෝෂණයක් පැවැත්වූ 22 බදාදාමය.
 
විරෝධතා දෙකෙහිම එක්සත් ජනපද ධජ ලෙලවුණු නුමුත් කැපී පෙනෙන වෙනසක් වූයේ දෙමළ ඩයස්පෝරාව දෙමළ ජාතික ධජයද සිංහල ඩයස්පෝරා උද්ඝෝෂකයන් සිංහ කොඩියද ඔසවාගෙන සිටීමයි.
 
දෙමළ විරෝධතාව පැවැත්වෙන අවස්ථාවේ වීදියේ ධාවනය කෙරුණු සුදු වෑන් රියක  “දෙමළ ජනඝාතනය සම්බන්ධයෙන් ශ්‍රී ලංකාව වැරදිකරු වෙයි” යනුවෙන් ලියා තිබූ අතර “මම ඔවුන් මැරුවා” යයි ගෝඨාභය රාජපක්ෂ ජනාධිපතිවරයා ප්‍රකාශ කරන ආකාරය දැක්වෙන චිත්‍රයක් ඇඳ තිබුණි.
 
 
us rally5 
රාජ්‍ය නායකයකුට එක්සත් ජාතීන්ගේ මහ සමුළුවක් ඇමතීමට අවස්ථාව සලසා දීම පටිපාටිය වෙතත්,  යුද අපරාධකරුවකු ලෙස චෝදනා ලබන ජනාධිපති ගෝඨාභය රාජපක්ෂට ඒ සඳහා ආරාධනය කර තිබීම TGTE සංවිධානය කම්පාව පළකර තිබුණි.
 
“වර්ග සංහාරක ඔමාර් අල් බෂීර් මේ සභාව ඇමතුවා. අපි ඒ වගේම දන්නවා උගන්ඩා ඒකාධිපති ඉඩි අමීන්ටත් මේ සභාව අමතන්නට දී තිබුණා. එහෙම සලකලා බැලුවාම, මේ සමුළුව අමතන්න ගෝටා ට අවස්ථාව සලසා දීම පුදුමයක් නෙවෙයි,” යනුවෙන් TGTE අගමැති විශ්වනාදන් රුද්‍රකුමාර් පැවසීය.
 
ජාත්‍යන්තර අපරාධ අධිකරණයට යාමට ආණ්ඩු විසින් එකඟතාව පලකරන රෝම ප්‍රඥප්තියට හැකිනම් අත්සන් කරන ලෙස ශ්‍රී ලංකාවේ ජනාධිපතිවරයාට අභියෝග කළ TGTE නායකයා අනාගතයේදී ගෝඨාභය රාජපක්ෂ එක්සත් ජනපදයට ඒම වැලැක්වීම සඳහා පියවර ගන්නා ලෙස රාජ්‍ය දෙපාර්තමේන්තුවට ආයාචනයක්ද කළේය. 
 

 
 
 
 
us rally2
 
 

 

THE LEADER TV 
සිරිසේනගෙන් තව උගුලක්
 

බැසිල් - විමල් ගැටෙයි: අගමැති නිහඬයි !

Follow Us

Image
Image
Image
Image
Image
Image

Exchange Rates