1200 x 80 DMirror
 
 

බිඳ වැටෙමින් තිබෙන දේශීය ආර්ථිකය රැකගැනීම සඳහා GSP+  සහනය අඛණ්ඩව පවත්වා ගෙන යාම අනිවාර්ය බව විදේශීය රාජතාන්ත්‍රික පිරිසක් හමුවේ
ආණ්ඩුව විසින් අවධාරණය කර තිබේ.
 
 GSP+ සහනය ලංකාවට තව දුරටත් ලබා දිය යුතු ද යන්න සොයා බැලීම සඳහා යුරෝපා හවුලේ දුත පිරිසක් ඉකුත් සතියේ මෙරට නිරීක්ෂණ චාරිකාවක නිරත වීමෙන් පසුව 13 වැනිදා කොළඹ සිටින රාජතාන්ත්‍රිකයන් හමුවීමට විදේශ ඇමැති ජී. ඇල් පීරිස් පියවර ගෙන තිබිණි.
 
 යහපාලන ආණ්ඩුව පැවති 2017 දී ශ්‍රී ලංකාව නැවතත් GSP+ වැඩ සටහනට ඇතුල් කරගැනීමේදී ත්‍රස්තවාදය වැළක්වීමේ පනත සංශෝධනය කිරීම ප්‍රධාන පොරොන්දුවක් වු බව සිහි කැඳවමින්, යුරෝපා හවුලේ නියෝජිතයෝ ත්‍රස්ත පනත ගැන සාකච්ඡා කර තිබේ.
 
 එම කාරනා ගැන ජනාධිපති ඇතුළු ආණ්ඩුවේ ප්‍රධානීන්ට අමතරව වෘත්තීය සමිති නියෝජිතයන් සහ සුළුතර ජනයා නියෝජනය කරන දේශපාලන පක්‍ෂ හමුවූ නියෝජිත කණ්ඩායම මානව හිමිකම් සහ නීතියේ ආධිපත්‍යයට, ආර්ථික, සමාජයීය, සහ සංස්කෘතික අයිතීන් සහ කම්කරු සබඳතාවලට බලපාන කරුණු ගැන ද සාකච්ජා කර තිබේ.
 
 
මෛත්‍රී - රනිල් ආණ්ඩුව විසින් ත්‍රස්තවාදය වැළක්වීමේ පනත වෙනුවට කෙටුම්පත් කරනු ලැබූ ත්‍රස්ත මර්දන පනත මානව හිමිකම් කෙලෙසීමට නීතිමය රැකවරණ සලසන්නක් ලෙසින් ජාත්‍යන්තර මානව හිමිකම් ක්ෂේත්‍රයේ දැඩි දෝෂ දර්ශනයට ලක්විය.
 
 
''ඇඟලුම් ක්‍ෂේත්‍රයේ පමණක් නොව ද්විපාර්ශ්වික වෙළෙඳාමේ අනෙකුත් අංශවල ද GSP+ පහසුකම අඛණ්ඩව පවත්වාගෙන යාම ශ්‍රී ලංකා ආර්ථිකයට අත්‍යවශ්‍යයි. තිරසාර සංවර්ධන ඉලක්ක සාක්‍ෂාත් කර ගැනීමට මෙන්ම අපේ ජනතාවගේ ජීවන තත්ත්වය ඉහළ නැංවීම සඳහා දරන ප්‍රයත්නයට ජාත්‍යන්තර හවුල්කරුවන්ගෙන් සහයෝගය අවශ්‍යයැ,'' යි කොළඹ කේන්ද්‍ර කර ගත් රාජතාන්ත්‍රික නියෝජිතයන් හමුවේ මහාචාර්ය ජී.ඇල්.පිරිස් ඉල්ලා සිටි බව විදේශ අමාත්‍යාංශය පවසයි.
 
01 2 600x334 
 
විදේශ ඇමැති ධුරයට පත් වීමෙන් අනතුරුව පළමුවරට කොළඹ සිටින රාජ්‍ය තාන්ත්‍රිකයන් හමුවූ ජී.ඇල්. පීරිස් වැඩි දුරටත් කියා ඇත්තේ, “GSP+ ක්‍රියාත්මක කිරීම සමාලෝචනය සඳහා යුරෝපා සංගමයේ  නියෝජිතයන් අතර සාකච්ඡා ඉතා සුහදශීලීව පැවැත්වූ අතර, තවත් ඉටු කර නොමැති කරුණු ගැන ඔවුන්ගේ අවධානය යොමු කර තිබීම සතුටට හේතු වන බවත්,” ය.
 
එහිදී ත්‍රස්ත මර්දන නීති ගැන කිසිදු සාකච්ඡාවක් වූ බවක් විදේශ අමාත්‍යාංශය සඳහන් කර නැත.
 
ශ්‍රී ලංකාණ්ඩුවට අත්‍යාවශ්‍ය වෙළෙඳ වාසිය දිගටම පවත්වාගෙන යාම සඳහා යහපාලන සමයේ දෙනු ලැබූ ඉටු නොකළ පොරොන්දු සපුරා ලිය යුතු බව යුරෝපා සංගමය අවධාරණය කරයි.
 
“යුරෝපා සංගම් වෙළෙඳ පොලට වාසි සහගත ලෙස ශ්‍රී ලංකාව ඇතුල් වීමේ පදනම වී ඇත්තේ ජාත්‍යන්තර වශයෙන් දී ඇති පොරොන්දු පලදායී ලෙස ක්‍රියාවේ යෙදවීමයි. අවධානය යොමුවී ඇති කරුණු සම්බන්ධයෙන් අපි ශ්‍රී ලංකාවේ ආණ්ඩුව සමග 2015 සිට එකට වැඩ කර තිබෙන අතර දිගටම ගනුදෙනු කිරීමට ප්‍රසාදයට හේතුවේ. ශ්‍රී ලංකාවේ ආණ්ඩුව සමග පවත්වාගෙන යන්නාවූ අධීක්ෂණය හා සම්බන්ධතාව යුරෝපා පාර්ලිමේන්තුවටත්, අමාත්‍ය මණ්ඩලයටත් නිතිපතා වාර්තා කෙරෙනු ඇත,” යි ශ්‍රී ලංකාවේ යුරෝපා සංගම් තානාපති ඩෙනිස් චයිබි පවසා සිටියේ නිරීක්ෂණ චාරිකාවෙන් අනතුරුවය.
 
  
වෙනස් කොට නොසැලකීම, ශ්‍රී ලංකාවේ සියලුම ප්‍රජාවන්ගේ අයිතිවාසිකම්වලට ගරු කිරීම, ත්‍රස්තවාදය වැළක්වීමේ පනත දිගටම පාවිච්චි කිරීම, මූලික නිදහස ක්‍රියාවේ යෙදවීමට ඇති බාධා සහ රාජ්‍ය නොවන සංවිධාන සම්බන්ධයෙන් පනතක් කෙටුම්පත් කිරීම ගැන සැලකිය යුතු අවධානයක් යොමු කළ යුරෝපා සංගම් නියෝජිතයෝ  මත්ද්‍රව්‍ය පිලිබඳ ප්‍රතිපත්තිය පරිසරය සහ දේශගුණික වෙනස් වීම ගැන ද සොයා බැලු බව ඔවුන් නිකුත් කළ නිවේදනයක දැක්වේ.
 
 
ත්‍රස්තවාදය වැලැක්වීමේ පනත සංශෝධනය කරන බවට යුරෝපා සංගම් දුත කණ්ඩායම හමුවේ ජනාධිපති ගෝඨාභය රාජපක්‍ෂ ද පොරොන්දු වී තිබේ.
 
පසුගිය විසි අවුරුද්ද තුල කිසිදු වෙනසක් නොකළ නීති හැටක් සංශෝධනය කරන බව අධිකරණ අමාත්‍ය අලි සබ්රි බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍යාංශයේ පවත්වන ලද රැස්වීමකදී පවසා ඇතැයි කොළඹින් පලකෙරෙන මාධ්‍ය වාර්තා කරයි.
 
 
THE LEADER TV 
 
ජනපති පන්නන බැසිල්ගේ මොහෙයුම! | The Leader TV Gossip එක 
 
 
අන්තිම ජාතිය ඇමතීම | මොණරවිලගේ ලියමන
 
 
 

subscribeYT

subscribeYT

WhatsApp Image 2021 09 13 at 13.49.58