දෙමළ තරුණයන් දෙදෙනකුට අමානුෂික ලෙස පහර දුන් බවට වීඩියෝ දර්ශනවලින් හෙළිවූ පොලිස් නිලධාරියකු රුපියල් ලක්ෂයක ශරීර ඇප මත මුදා හැරීමට අධිකරණය නියෝග කර තිබේ.
පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරි නීතිඥ නිහාල් තල්දූව පවසන්නේ පහරදීමට සම්බන්ධ පොලිස් නිලධාරියාගේ සේවය ද අත්හිටවූවා ඇති බවයි.
නැගෙනහිර පළාතේ දෙමළ තරුණයන් දෙදෙනකුට නිල ඇදුමින් සැරසී සිටින පොලිස් නිලධාරියෙක් අමානුෂික ලෙස පහර දෙනු දැක්වෙන වීඩියෝවක් පසුගිය සිකුරාදා සමාජ මාධ්‍ය ඇතුළු පුවත් වෙඩි අඩවි විසින් වාර්තා කර තිබුනි.
ඔක්තෝබර් 22 වැනි සිකුරාදා හවස් යාමයේ එරාවුර් නගරයේදී එම පහරදීම සිදු කර තිබුනේ 61169 අංකය පැළඳි රථවාහන අංශයේ පොලිස් කොස්තාපල් ඇම් ජයසූරිය විසිනි.
පසුදා ඔහු අත්අඩංගුවට ගෙන අධිකරණයට ඉදිරිපත් කිරීමට පොලීසිය කටයුතු කර තිබුනි.
බැට දීමෙන් අනතුරුව අත් අඩංගුවට ගන්නා ලද තරුණයන් දෙදෙනා අධිකරණයෙන් නිදහස් කර යවා තිබුණි.
පොලිස් මාධ්‍ය ප්‍රකාශක පවසන්නේ රිය අනතුරක් සිදුවූ අවස්ථාවක එම ස්ථානයේ විමර්ශන සඳහා ගිය පොලිස් නිලධාරින් ස්ථානයේ මැණීම් කටයුතු සිදුකර ඇති බවයි.
එහිදී සෙසු වාහන නතර කර ඒ සඳහා පොලීසියට සහයෝගය ලබාදී ඇතත් මෙම යතුරු පැදිය පැදවූ පුද්ගලයා එය නොතකා යතුරු පැදිය ධාවනය කිරීම හේතුවෙන් පහරදීම සිදුව ඇති බව පොලිස් මාධ්‍ය ප්‍රකාශක ජනමාධ්‍ය වෙත පවසා තිබේ.
පුද්ගලයන් අත්අඩංගුවට ගැනිමේදී මෙන්ම පොලිස් අත්අඩංගුවේදී වධ හිංසාවට ලක් කිරීම සම්බන්ධයෙන් ශ්‍රී ලංකා පොලීසියට දිගින් දිගටම චෝදනා එල්ල වෙමින් පවතී.
පළාත් බද මාධ්‍යවේදීන් පවසන්නේ රියදුරු බලපත්‍රයක් නොමැතිව යතුරු පැදිය පැදවීම සහ අණ නොතකා ධාවනය කිරීම සම්බන්ධයෙන් පහරකෑමට ලක්වූ තරුණයන්ට එරෙහිව පොලීසිය නඩු නඩු පවරා ඇති බවයි.
එම නඩුව නොවැම්බර් මස 10 වැනිදාට කැඳවීමට නියමිත බව පළාත් බද වාර්තාකරුවෝ වැඩි දුරටත් පවසති.
සබැඳි පුවත :
THE LEADER TV
ස" ට මොළේ ඇත්තෙම නැද්ද ? | මොණරවිලගේ ලියමන
කාබනික පෝර ගැසට් එක රිවස් කරමු | "ස" ගේ දැනගැනීම පිණිසයි
