1200 x 80 DMirror
 
 

යුද සමයේත් ඉන් පසුවත් බලහත්කාරයෙන් අතුරුදහන් කරන ලද කුඩා දරුවන් ඇතුළු සිය සමීපතමයන් වෙනුවෙන් යුක්තිය ඉල්ලා මුලතිව් හිදී
විරෝධතාවයක් දියත් කර තිබේ.
 
බලහත්කාරයෙන් අතුරුදහන් කර සිටින තම සමීපතමයන් සොයා ගැනීම වෙනුවෙන් 2017 වසරේදී ආරම්භ කළ අඛණ්ඩ විරෝධතාවයට දින 1696 ක් සපිරෙන ඔක්තෝබර් 28 වැනිදා සිය ගණනක් දෙමළ මව්වරුන්ගේ සහභාගිත්වයෙන් එම විරෝධතාවය දියත් වු බවයි පලාත් බද වාර්තාකරුවන් පවසන්නේ.
 
අතුරුදහන් කර සිටින දරු දැරියන් ඇතුළු ඥාතීන්ගේ ඡායාරූප ද ප්‍රදර්ශනය කරමින් ඔවුන් අවධාරණය කර ඇත්තේ බලහත්කාරයෙන් අතුරුදහන් කර සිටින සිය සමීපතමයන් වෙනුවෙන් රජය වන්දි මුදල් සහ මරණ සහතිකයක් ලබා දී ප්‍රශ්නය යට ගැසිමේ උත්සාහයක නිරතව සිටියත් තමන් ජීවත්ව සිටින තාක් අරගලය අත් නොහරින බවයි.
 
වසර ගණනාවක් තිස්සේ අතුරුදහන් කර සිටින තම සමීපතමයන් තවමත් ජීවතුන් අතර සිටින බවට විශ්වාසය පළ කරන දෙමළ විරෝධතා කරුවන්  තව දුරටත් අවධාරණය  කර ඇත්තේ ඔවුන් කොතනක සිටිනවාද යන්න තමන් නොදන්නා බවයි.
 
දශකයකට අධික කාලයක් තිස්සේ තමන් පීඩා විදින ප්‍රශ්නයට පිළිතුරු දීමට ජනාධිපතිවරයා අකමැති ඇයිදැයි ඔවුන් ප්‍රශ්න කළ බව පළාත් බද වාර්තාකරුවෝ වැඩි දුරටත් පවසති.
 
received 183164267331601received 253112843499640received 3116101748673804
 
ශ්‍රී ලංකා යුද හමුදාවේ කැඳවීම පරිදි යුද්ධයේ අවසානයට පෙරදා බාර වී අතුරුදහන් වූ 280 දෙනකු අතර අටමස් බිලිඳකුද ඇතුළු වයස අවුරුදු 10ට අඩු දරු දැරියන් 29 දෙනකු පිළිබඳ මානව හිමිකම් සංවිධාන විසින් ලේඛනගත කොට තිබේ.
 
එය එක් දිනක් තුලදී ලෝකයේ වැඩිම දරුවන් සංඛ්‍යාවක් අතුරුදහන් වූ අවස්ථාව එය බව ශ්‍රී ලංකාවේ සත්‍යය සහ යුක්තිය පිළිබඳ ජාත්‍යන්තර ව්‍යාපෘතිය (ITJP) පවසයි.
 
 
ඉරණම නොදැන අවසන් ගමනේ:
 
 
මුලතිව් දිස්ත්‍රික් අතුරුදහන් වුවන්ගේ ඥාතීන්ගේ සංගමයේ ලේකම් ප්‍රභාකරන් රංජනී මාතාව පෙන්වා දෙන පරිදි  2017 වසරේදී ආරම්භ කළ අඛණ්ඩ විරෝධතාවයට එක්ව සිටින පවුල් අතරින් පවුල් තිහක අවම වශයෙන් එක් දරුවකු හෝ අතුරුදහන්ව සිටී.
 
 බලහත්කාරයෙන් අතුරුදහන් කර සිටින සිය සමීපතමයන් සොයා ගැනීම සදහා ජාත්‍යන්තර වශයෙන් යුක්තිය අපේක්ෂාවෙන් උතුරේ දියත් කර ඇති අඛණ්ඩ අරගලයට එක්ව සිටි දෙමාපියන් 90 දෙනකුට ආසන්න ප්‍රමාණයක් සිය දරුවන්ට අත්වු ඉරණම නොදැනම මේ වන විට දිවි ගමන නිමා කර තිබේ.
 
 
අවුරුදු තුන හමාරත් පසුකළ OMP කාර්යාලය
 
 
අතුරුදහන් කරනු ලැබුවන් සොයාගැනීමට අඛණ්ඩ අරගලයක යෙදී සිටින ඥාතීන්ට එකම සමීපතමයකු හෝ සොයා දීමට සමත් වී නැති අතුරුදහන් වූ තැනැත්තන් පිළිබඳ කාර්යාලයට (OMP) මේ වන විට වසර තුන හමාරක් පසු කර තිබේ.  
 
මෛත්‍රී - රනිල් ආන්ඩුව විසින් තමන්ගේ නායකත්වයෙන් 2018 පෙබරවාරි 28 දා පිහිටුවන ලද කාර්යාලය සම්බන්ධයෙන් කෝපයෙන් යුතු ඥාතීන් සිටින බව හිටපු OMP ප්‍රධානියාද පිළිගෙන තිබුනි.
 
Saliya Peiris 
ජනාධිපති නීතිඥ සාලිය පිරිස්
 
 
“අතුරුදහන්වීම් සම්බන්ධයෙන් දැනට පවතින තත්ත්වය පිළිබඳව කෝපයට හා ශෝකයට පත් පවුල් වල සාමාජිකයින් දහස් ගණනක් අතුරුදහන් වූ තැනැත්තන් පිළිබඳ කාර්යාලයේ අපට මුණගැසී ඇති අතර, අතුරුදහන් වීම් සම්බන්ධයෙන් රජය විසින් අනුගමනය කරනු ලබන ක්‍රියාවලියට එරෙහිව විරෝධතාවන්ට සහභාගී වූ, රාජ්‍ය ආයතන කෙරෙහි කිසිදු විශ්වාසයක් නැති සහ මේ සම්බන්ධයෙන් ජාත්‍යනත්තර මැදිහත්වීමක් අපේක්ෂා කරන පිරිස් මේ අතර සිටිති,” යි OMP දෑවුරුදු සමරුව වෙනුවෙන් ජනාධිපති නීතිඥ සාලිය පිරිස්ගේ සභාපතිවරයා නිකුත් කළ නිවේදනයක දැක්වේ.
 
යුද්ධයේ අවසාන දින වලදී ආරක්ෂක අංශ භාරයට පත් වීමෙන් පසුව හා යුද්ධයේ අවසන් මොහොතේ අතුරුදහන් වු තමන්ගේ ආදරණීයයන්ට අත්වූ ඉරණම හෙළි කරන ලෙස රජයට බල කරමින් 2017 වසරේ පෙබරවාරි සහ මාර්තු මාසවලදී වව්නියාව, කිලිනොච්චිය, යාපනය, මුලතිව්, ත්‍රිකුණාමලය සහ අම්පාර දිස්ත්‍රික්ක වල සත්‍යග්‍රහ ව්‍යාපාර ආරම්භ විය.
 
  
ආගිය අතක් සොයා ගැනීමට නොමැති තම සමීපතමයන්ගේ ඉරණම ඥාතීන්ට හෙළිකර දීම සඳහා ආණ්ඩුවට “නෛතික හා සදාචාරාත්මක” වගකීමක් ඇතැයි හිටපු  OMP ප්‍රධානියා සිය කාර්යාලයේ දෙවර්ෂ පූර්ණ සංවත්සර නිවේදනයේ සඳහන් කර තිබේ.
 
 
කෙසේ නමුත් යුද සමයේ ආරක්ෂක බලධාරියා වූ වත්මන් ජනාධිපති ගෝඨාභය රාජපක්ෂ 2020 වසරේදී  එක්සත් ජාතීන්ගේ ශ්‍රී ලංකාවේ නේවාසික නියෝජිත හැනා සිංගර් සමග ප්‍රකාශ කර තිබුනේ සිය සොහොයුරු මහින්ද රාජපක්ෂගේ පාලන සමයේ උතුරේ දියත් කළ යුද්ධයේදී අතුරුදහන් වූ පුද්ගලයන් මරණයට පත්ව ඇති බවයි.
 
ඉන් පසුව ඔහු පවසා තිබුනේ “අතුරුදහන් බව කියන විශාල පිරිසක්” මරුමුවට පත්වූයේ යැයි එක්සත් ජාතීන්ගේ ආයතනයක් විසින් පැවසූ බවයි.
 
 
THE LEADER TV 
 
නැව ඉන්දු - චීන යුද්ධයකට ? | අද ගොසිප් එක
 
 
රට නං ඉවරයි වහ බොමු | මොණරවිලගේ ලියමන
 
 

subscribeYT

subscribeYT

WhatsApp Image 2021 09 13 at 13.49.58