චීන පොහොර නැව අයෙත් එයි! - අගමැති කාර්යාලයෙන් නිවේදනයක්!!

 

මේ අතර අග්‍රාමාත්‍ය මාධ්‍ය හා සන්නිවේදන අංශය නිකුත්කල නිවේදනයක සඳහන් වන්නේ, මෙරටට කාබනික පොහොර ආනයනය කරන ලද සමාගමේ දේශීය නියෝජිත ආයතනයේ එක් අධ්‍යක්ෂකවරයෙකුට අගමැති ලේකම් ගාමිණී සේදර සෙනරත්ගේ ඥාතිත්වයක් ඇති බව සත්‍ය නමුත් එහි ව්‍යාපාර කටයුතුවලට ඔහුගේ කිසිදු සම්බන්ධතාවයක් නොමැති බවයි. 

 

එම සමාගමට ව්‍යාපාර කටයුතු සිදුකිරීමේදී තමන් කිසිදු මැදිහත්වීමක් හෝ බලපෑමක් කිසිසේත්ම සිදු කර නොමැති බව ද අගමැති ලේකම්වරයා කියා සිටියි.

 

තමන් එවන් මැදිහත්වීමක් හෝ බලපෑමක් කර ඇතැයි කිසිවෙකුට සාක්ෂි හෝ කරුණු ඇත්නම් ඒ ගැන විධිමත් පැමිණිල්ලක් සිදුකර ඕනෑම විමර්ශන ආයතනයකින් පරීක්‍ෂණ සිදු කරන ලෙසද අගමැති ලේකම්වරයා ඉල්ලයි.

 

අදාල විමර්ශන සඳහා සහාය ලබාදීමට තමන් ඉතා කැමැත්තෙන්ම ඉදිරිපත් වන බවත් හෙතෙම පවසයි.

 

කාබනික පොහොර ආනයනය පිළිබඳව පාර්ශවයක් ගණනාවක් සෘජුව හා වක්‍රව අගමැති ලේකම්වරයා වෙත එල්ලවන චෝදනාවන්ට ප්‍රතිචාර දක්වමින් ඔහු වෙනුවෙන් අගමැති මාධ්‍ය ඒකකය මේ බව නිවේදනය කර සිටී.