PCR මගඩි : කොමිස්කාර ඇමතිවරු එයාර්පෝට් රථ ගාල බෙදාගෙන 

 

 

එම සටහන පළකර ඇත්තේ, වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමයේ සභාපති,  වෘත්තීය සමිති නායක රවී කුමුදේශ් රවී කුමුදේශ්.

 

ප්‍රකට වෘත්තිය සමිති නායකයා සමාජ මාධ්‍ය හරහා ඉහත සටහන හා වීඩියෝව පළකර ඇත්තේ,  කටුනායක ගුවන් තොටුපලේ රැපිඩ් PCR පරීක්ෂණ ටෙන්ඩර් ලබා ගැනීම සඳහා ආණ්ඩුවේ මැති ඇමතිවරුන්, පවුලේ ඥාතීන් ඇතුළු ගජ මිතුරු ජාවාරම්කරුවන් පිරිසක් දරන නින්දා සහගත උත්සාහය අනාවරණය කරමින්.

 

 

 

 

මැද පෙරදිග සේවයට යන අයගෙන් කටුනායක ගුවන් තොටුපොළේදී  PCR එකින් රුපියල් දාහක අල්ලසක් ගැනීමේ සුදානමක් සම්බන්ධයෙන් ද ඔහු තව දුරටත් කරුණු අනාවරණය කර සිටියි.

 

ඔහු ආණ්ඩුවේ මැති ඇමතිවරුන්ගේ PCR මගඩි හෙළිකරමින් තව දුරටත් මෙසේද තොරතුරු වාර්තා කරයි. 

 

 

 

 

මැද පෙරදිග රාජ්‍යන් සදහා ඇතුලු වීම සදහා, ගුවන් ගත වීමට පැය 3කට පෙර PCR පරීක්ෂාවක් අවශ්‍ය බවට නීතියක් පැනවුණ අතර එය පසුව පැය 6කට පෙර බවට සංශෝධනය විය. 

 

එම නිතිය එම රාජ්‍යයන් විසින් පැනවූ  නීතියක්ද, නො එසේ නම් එමිරේට් ගුවන් සමාගම විසින් පනවන ලද්දක්ද යන්න පවා පැහැදිලි  කිරීමක් සෞඛ්‍ය අමාත්‍යාංශය හෝ සිවිල් ගුවන් සේවා අමාත්‍යාංශය මෙතෙක් පැහැදිලි කිරීමක් සිදු කර නොමැති නමුත්, එය ව්‍යාපාරික ඉල්ලමක් කර ගැනීමට දෙපාර්ශවයම කඹ අදිමින් සිටින බව පැහැදිළිවම පෙනෙන්නට තිබේ.

 

මෙම අවශ්‍යතාවය ඉටු කරදෙන ලෙස සිවිල් ගුවන් සේවා අමාත්‍යාශය විසින් සෞඛ්‍ය අමාත්‍යාංශයෙන් පසුගිය අගෝස්තු මාසයේ විමසා ඇති අතර, සෞඛ්‍ය ලේකම් වරයා ඒ සදහා ලබා දී ඇති ඔහුවත් නොදන්නා තාක්ෂණයක් පිළිබද ලබා දුන් උපදේශය හරහා මෙම මාෆියාවට පාර කපන ලදී. 

 

ඒ අනූව ඒවන විටත් පැය තුනක කාලයක් ඇතුලත PCR පරීක්ෂාවක් සිදු කිරීමට ගුවන්තොටුපල පරිශ්‍රයේ පවතින රසායනාගාර දෙකකට ඉතා හොද හැකියාවක් පැවතියදී, ඒ වන විටත් ටෙන්ඩර පටිපාටිය උල්ලංගනය කරමින් සෞඛ්‍ය අමාත්‍යාංශයට ගොඩ බෑමට වලි කමින් සිටි, ඖෂධ නියාමන අධිකාරියේ අනුමැතිය පවා නොමැති යන්ත්‍රයක නම සදහන් කරමින් පෞද්ගලික රසායනාගාර කිහිපයක් මගින් එම අවශ්‍යතාවය ඉටු කර ගන්නා ලෙස, 2021.08.09 දින වගකීම් විරහිත ලිපියක් නිකුත් කිරීම මෙම ගසාකෑමේ ව්‍යාපාරික තරග මාලාවේ ඇරඹුමයි. 

 

 

 

 

කෙසේ නමුත් එතැන් සිට කෙටිකාලයකින් සිදු කල යුතු PCR සදහා කෙතරම් වේගයෙන් කල හැකි තාක්ෂණය තිබුණද, ලේකම්වරයා නම් කල යන්ත්‍රවලට එය සීමා වී ඇති අතර, එම තාක්ෂණික කාරණය පිළිබදව සෞඛ්‍ය ලේකම්වරයා උපදෙස් ලබාගෙන ඇත්තේ කිනම් පාර්ශවයකින්ද යන වග තවමත් පැහැදිලි නැත.

  

 

 

ගුවන් තොටුපල බලධාරීන් විසින්, 2021. 11. 02 දින ටෙන්ඩරයක් කැදවා ඇති අතර, එක් පරීක්ෂාවකින් රු. 1000ක් ගුවන් තොටුපලට කොමිස් මුදලක් වශයෙන් අවශ්‍ය බවට ටෙන්ඩරයේම සඳහන් කරන තරමට, මහ ජනතාව ගසාකන කොමිස් තරගය නිර්ලජ්ජිත ලෙස ඉහලට පැමිණ ඇත. 

 

එසේම ටෙන්ඩරයට සහභාගීවන දිනය වන විටත් නාරාහෙන්පිට ප්‍රදේශයේ එක්තරා රසායනාගාරයකට 'රථ ගාල් ලැබ්' සංකල්පය යටතේ කූඩාරමක් ගසා ගැනීමට ගුවන් තොටුපල බලධාරීන් අවසර දී තිබීම මගින් ගොනා හැරෙන්නේ කුමකටද යන්න තේරුම් ගත හැකිව තිබුණි.

 

 

 

 

නමුත් එම තීරණ අභිබවමින් අධි ආරක්ෂිත කලාපයේ තිබෙන ගුවන්තොටුපල රථ ගාලේ එලෙස නිසි පැවරුමක් නොමැතිව කඩිමුඩියේ රසායනාගාර කූඩාරම් හැදීමේ අවසරය ලබා දීමට එසේ මෙසේ බලවතෙකුට නොහැකි බව ඉතා පැහැදිලිය. 

 

මේ සියල්ල සිදු වන්නේ සෞඛ්‍ය කැබිනට් ඇමතිවරුන්ගේ පාලනය යටතේ හා සංචාරක හා සිවිල් ගුවන් සේවා කැබිනට් අමාත්‍යවරයා යටතේ වෙන් වෙන් වශයෙන් සුපිරි රසායනාගාර දෙකක් ගුවන්තොටුපල පරිශ්‍රය තුල ක්‍රියාත්මකව පැවතිය දී වීම මගින් මෙම මාෆියාවේ තරම පිළිබදව ජනාධිපතිවරයා හෝ අගමැතිවරයාගේ තේරුම් ගැනීම සදහා වැදගත්වනු ඇත.''