1200 x 80 DMirror
 
 

කොල්ලුපිටියේ ඉඩමක් මැර කණ්ඩායමක් යොදවා බලහත්කාරයෙන් අත්පත්කරගැනීමට කටයුතු කළ බවට හම්බන්තොට නගරාධිපතිට චෝදනා එල්ල වී

තිබේ.

පීඩාවට පත්ව සිටින නව දරු පියෙක් වන තුවාන් අසාන් සලීම් චෝදනා කරන්නේ මැර පිරිසට පොලීසියේද සහාය හිමිවන බවයි.

තමන්ට සිදුවු අසාධාරණයට යුක්තිය ඉටු කරන ලෙස ඉල්ලමින් නොවැම්බර් 15 වැනි සදුදා ජනාධිපති ලේකම් කාර්යාලය ඉදිරිපිට විරෝධතාවයක් දියත් කිරීමට තුවාන් සලීම් සහ ඔහුගේ පවුලේ සාමාජිකයන් කටයුතු කර තිබුනි.

එහිදී ඔහු චෝදනා ක‌ළේ හම්බන්තොට නගරාධිපති එරාජ් ප්‍රනාන්දුගේ මැර  පිරිසක් තමාට සහ දරුවන්ට පහරදී කොල්ලුපිටියේ තමන් ජීවත් වු කන්ටේනර් නිවෙස විනාශ කළ බවයි.

මේ ඉඩම් කොල්ලයේ මහ මොළකරු වන්නේ මොහොමඩ් සිද්ධික් මොහොමඩ් ෂේක් බවටත් තුවාන් අසාන් සලීම් චෝදනා කළේය.

 

"මොහොමඩ් සිද්ධික් මොහොමඩ් ෂේක් කියන පුද්ගලයා තමයි කොළඹ කොල්ලුපිටියේ ඉදලා පානදුර දක්වාම පාර අයිනේ තියන ගෙවල්, ඉඩම් ඒ ගොල්ලන් සතු කරගෙන ඒගොල්ලෝ චන්ඩි මැරයෝ තියාගෙන හම්බන්තොට නගරාධිපති එරාජ්ගේ නම් විකුනගෙන ජනාධිපතිගේ නම් විකුනගෙන, අගමැතිගේ නම් විකුණලා තමයි අපිට ගහන්නේ. " .

 

කොල්ලුපිටිය සුළු පැමිණිලි අංශයේ ස්ථානාධිපති හා පොලිස් අධිකාරීවරයකුදා මේ පිටුපස සිටින බවට තුවාන් අසාන් සලීම් තව දුරටත් චෝදනා කලේය.

පොලිස් අධිකාරීවරයාට අණ දෙන්නේ පාතාලකරුවෙක්  බවත් තුවාන් අසාන්  සලීම් එහිදී සදහන් කලේය.

පසුගිය 11 වැනිදා කොල්ලුපිටිය පොලිසියට පැමිණිල්ලක් ඉදිරිපත් කරමින් තුවාන් අසාන්  සලීම් සදහන් කර තිබුනේ, තමන් සහ  දරුවන් නවදෙනා කොල්ලුපිටිය ගාලුපාරේ 10 වැනි පටුමගේ කන්ටේනර් නිවෙසක පදිංචිව සිටි බවත්, එම නිවස පිහිටි ඉඩම වෙනත් අයෙකුගේ යැයි පවසමින් හම්බන්තොට නගරාධිපති එරාජ් ප්‍රනාන්දුගේ කණ්ඩායමක් ගිනි අවි පෙන්වා තර්ජනය කර තමන් ඇතුළු දරුවන්ට පහරදී නිවෙසින් එළියට ඇද දමා පදිංවිව සිටි කන්ටේනර් නිවෙස එරාජ් ප්‍රනාන්දු  හිමි ආරක්ෂක ආයතනයට ගෙන ගිය බවයි.


සෙල්ලම් පිස්තෝල චෝදනා:


මීට පෙර අවස්ථා කිහිපයකදීම පුද්ගලයන්ට පහරදීම සම්බන්ධයෙන් හම්බන්තොට නගරාධිපතිට චෝදනා එල්ල වී තිබුනි.

පසුගිය සැප්තැම්බර් මාසයේදී බම්බලපිටිය කොතලාවල ඇවනිව් ප්‍රදේශයේ ඉඩමකට කඩා වැදි එහි ආරක්ෂාවට සිටි පුද්ගලයන් දෙදෙනෙකුට පහරදීම සම්බන්ධයෙන් අත්අඩංගුවට ගත් ඔහු පසුව මත මුදා හැරු තිබුනි.

එසේම, එක්සත් ජාතික පක්ෂ පාර්ලිමේන්තු මන්ත්‍රීවරුන් පිරිසක් හම්බන්තොට වරාය සංකීර්ණයේ නිරික්ෂණ චාරිකාවක නිරතව සිටියදී ගල්මුල්වලින් පහරදී  සෙල්ලම් පිස්තෝලයක් පෙන්වා තර්ජනය කිරීම සම්බන්ධයෙන් මීට පෙර ඔහුට සිරදඩුවමක් ද නියම විය.

කොල්ලුපිටිය ප්‍රදේශයේ ඉඩමකට ඇතුළුවීම සම්බන්ධයෙන් එල්ල වන චෝදනාව පිලිබඳව මාධ්‍යවේදීන් කළ විමසුමකදී හම්බන්තොට නගරාධිපති එරාජ් ප්‍රනාන්දු පවසා ඇත්තේ, එම ඉඩමේ ආරක්ෂාව සඳහා තමන්ට අයත් පෞද්ගලික ආරක්ෂක සමාගමේ සේවකයන් කිහිපදෙනෙකු යෙදවූ බවයි.

එහෙත්, පහරදුන් බවට එල්ල වන චෝදනා ඔහු ප්‍රතික්ෂේප කළ බව ජනමාධ්‍ය වාර්තා කර තිබේ.

 


 

THE LEADER TV
 
 
ලැංවේජ් ඔෆ් දැක්කොත් සිල් නොදැක්කොත් බැසිල් ! | මොණරවිලගේ ලියමන
 

 
 
මෛත්‍රීගෙන් බැසිල්ට කිස් කන ටොක්කක් !

subscribeYT

subscribeYT

WhatsApp Image 2021 09 13 at 13.49.58