1200 x 80 DMirror

 
 

ශ්‍රී ලංකාවේ සිදුවන මානව හිමිකම් උල්ලංඝන සම්බන්ධයෙන් ජාත්‍යන්තර මැදිහත්වීමක් ඉල්ලන එක්සත් ජාතීන්ගේ යෝජනාව

ගෙන ඒමට මුල්වූ රටවල සංචාරයක යෙදෙන දෙමළ ජාතික සන්ධාන මන්ත්‍රීවරුන් බ්‍රිතාන්‍යයේ අමාත්‍යවරුන් මුණ ගැසෙමින් සිටියදී, පාලක කොන්සර්වේටිව් පක්ෂ මන්ත්‍රීවරුන් මෙරට හමුදා ප්‍රධානියාට විරුද්ධව තහංචි පනවන ලෙස එරට විදේශ අමාත්‍යාංශයෙන් ඉල්ලා තිබේ.

දෙමළ ඩයස්පෝරා සංවිධාන හා එක්ව ඇමරිකා එක්සත් ජනපදයේ හා කැනඩාවේ රාජ්‍ය තාන්ත්‍රිකයන් මුණ ගැසීමෙන් අනතුරුව එම් ඒ සුමන්දිරන් හා ශානක්‍යන් රාසමානිකම් TNA මන්ත්‍රීවරුන් බ්‍රිතාන්‍යයට ගොඩබැස තිබේ.

Sumanthiran 1
ලන්ඩනයේදී ඔවුන් දකුණු ආසියාව, එක්සත් ජාතීන්ගේ කටයුතු හා මානව හිමිකම් කටයුතු භාර  රාජ්‍ය අමාත්‍යවරයා මුණගැසී තිබුණි.

“මානව හිමිකම් නගා සිටුවීම, පශ්චාත් යුද වගවීම සහ සංහිඳියාව මෙන්ම, සියලුම සුළු ජාතීන්ගේ අයිතිවාසිකම්වලට ගරු කිරීමේ වැදගත් කමද අපි සාකච්ඡා කළෙමු,” යි රාජ්‍ය අමාත්‍ය තරීක් අහ්මඩ් සාමිවරයා ට්විටර් මගින් කියා සිටියේය.

rtertrt

dfgdfgr

ඒ දිනයේම බ්‍රිතාන්‍යයේ ආණ්ඩු පක්ෂ මන්ත්‍රීවරුන් එරට විදේශ අමාත්‍යාංශයෙන් ඉල්ලා තිබුනේ එක්සත් ජනපදය අනුව යමින් ශ්‍රී ලංකාවේ හමුදාපතිවරයාට තහංචි පනවන ලෙසයි.

“ශ්‍රී ලංකාවේ සිවිල් යුද්ධයේ අවසාන කාලයේ යුද අපරාධ සම්බන්ධයෙන් සිල්වාට එරෙහිව විශ්වසනීය චෝදනා නැගී තිබේ. මෙය එක්සත් ජනපදයේ අපේ මිතුරන් හා සගයන් මේ වනවිටත් කර ඇති දෙයකි. ඉතින් අපි විදේශ ලේකම්වරයා උනන්දු කරවන්නේ එම පිළිවෙතම අනුගමනය කරන ලෙසයි,” යනුවෙන් කාශාල්ටන් සහ වොලින්ටන් මන්ත්‍රී එලියට් කෝබර්න් ඉල්ලා තිබුණි.

“එක්සත් ජනපදය ඔහුට එරෙහිව තහංචි පනවමින් සංචාර තහනමක් ක්‍රියාවේ යොදවා තිබේ. එලෙසම කරමින් මානව හිමිකම් කෙලෙසීම අප විසින් අනුමත නොකරන බව පෙන්වීමට බ්‍රිතාන්‍ය ආණ්ඩුවට කාලය එළැඹ තිබේ,” යි චිපින් බානට් මන්ත්‍රිනී තෙරේසා විලියර්ස් ද පණිවිඩයක් නිකුත් කර තිබුණාය.

ආණ්ඩු පක්ෂ මන්ත්‍රීවරුන් විසින් එම ඉල්ලීම කරද්දී දෙමළ මහවිරු සතිය නිමිත්තෙන් බ්‍රිතාන්‍ය පාර්ලිමේන්තුව අබියස දෙමළ ජාතික පුෂ්පය ලෙස නම් කර ඇති නියඟලා මලින් යුත් සමරු ස්ථාපනයක් ඉදිකර තිබිණි.

ආණ්ඩු පක්ෂයේත් විපක්ෂයේත් මන්ත්‍රීවරුන් එතැනට පැමිණ තම බුහුමන් දක්වන ආකාරය දැක්වෙන ඡායාරූප ලන්ඩනයෙන් පලකෙරෙන ජනමාධ්‍ය සහ සමාජ මාධ්‍ය විසින් පළකර තිබිණි.



ggtt

rrtrබ්‍රිතාන්‍ය පාර්ලිමේන්තුව අබියස දෙමළ ජාතික පුෂ්පය ලෙස නම් කර ඇති නියඟලා මලින් යුත් සමරු ස්ථාපනයක්..

බ්‍රිතාන්‍යයට පැමිණීමට පෙර මඩකලපු දිස්ත්‍රික් මන්ත්‍රී ශානක්‍යන් රාසමානික්කම්ද කැටුව නොවැම්බර් 23 දා කැනඩා පාර්ලිමේන්තුවට ගොස් තිබුණු දෙමළ ජාතික සන්ධාන මන්ත්‍රීවරුන් කියා තිබුනේ ශ්‍රී ලංකාවේ ආර්ථිකය නගා සිටුවීම සම්බන්ධයෙන්ද එහිදී සාකච්ඡා කළ බවයි.

“මානව හිමිකම්, දේශපාලන විසඳුමක අවශ්‍යතාව සහ වර්තමාන ආර්ථිකය ගොඩ නගන්නේ කෙසේද යන්නට අදාළ කාරනා සම්බන්ධයෙන් අපි සාකච්ඡා කළෙමු,” යයි ඇම් ඒ සුමන්දිරන් මන්ත්‍රීවරයා ඉන් අනතුරුව ට්විට් කර තිබුණි.

කෙසේ වෙතත්, සුමන්දිරන් මන්ත්‍රීවරයා දෙමළ අභිලාශය නියෝජනය නොකරන බවට චෝදනා කරමින් ටොරොන්ටෝහිදී විරෝධතා පැවැත්වූ දෙමළ ඩයස්පෝරා ක්‍රියාධාරීන් නිසා ගෝලීය දෙමළ සංසදය (GTF) හා එක්ව TNA විසින් පවත්වන්නට යෙදුනු රැස්වීමක් අතරමගදී නතර කර දමන්නට සිදුවිය.

 

 


 

THE  LEADER  TV

 

බීප්... බීප්... ජාතකය ! | මොණරවිලගේ ලියමන
 

 
 
 
 
කුම්බලාවෝ කෑවානම් විඳවාපං බළලෝ... මෛත්‍රී ‌ස'ගේ තුනෙන් දෙක පෙන්නයි !! | Gossip
 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්