දෙමළ මුස්ලිම් අයිතිවාසිකම් වෙනුවෙන් පැවති විරෝධතා පා ගමනකට සහභාගි වීමට එරෙහිව මාස 10 කට පසු අධිකරණයෙන් සිතාසි නිකුත් කර තිබේ.
මෙසේ සිතාසි නිකුත් කර ඇත්තේ පසුගිය පෙබරවාරි 04 වැනිදා පොතුවිල් සිට පොලිකන්ඩි දක්වා පැවති P2P යනුවෙන් ප්‍රකට විරෝධතා පාගමනට සහභාගීවීම නිසා පොතුවිල් උසාවියේ නඩු දෙකක් ගොනු කර ඇති පී.අරියනේන්ද්‍රන් හිටපු පාර්ලිමේන්තු මන්ත්‍රීවරයාට එරෙහිවය.
එලඹෙන 17 වැනිදා පොතුවිල් උසාවියට වාර්තා කර මෙන් පොතුවිල් හා කොක්අඩිචෝලේ පොලිසිවලින් ඉකුත් දා ඔහුගේ නිවෙසට පැමිණ මෙම සිතාසි බාර දුන් බව ප්‍රදේශයේ වාර්තාකරුවෝ පවසති.
පොතුවිල් සිට පොලිකන්ඩි දක්වා වූ විරෝධතා පා ගමනට එරෙහිව මහේස්ත්‍රාත් උසාවියේ නඩු පැවරිය නොහැකි බවට නියෝග කෙරුනේ ජනාධිපති නීතිඥ එම්.ඒ සුමන්තිරන් විසින් කොළඹ අභියාචනාධිකරණයේ ගොනු කළ නඩුවේ තීන්දුවට අනුවය.
මෙම විරෝධතා පා ගමනට එරෙහිවපසුගිය අප්‍රියෙල් මාසයේදී කල්මුනේ උසාවියේ පවරා තිබු තවත් නඩුවකට සහභාගී වෙමින් ජනාධිපති නීතිඥ සුමන්තිරන් විසින් අභියාචනාධිකරණයේ තීන්දුව ගැන දැනුම් දීමෙන් අනතුරුව කල්මුනේ මහේස්ත්‍රාත්වරයා විසින් නඩුව තාවකාලිකව අත්හිටුවා තිබේ.
පොතුවිල් සිට පොලිකන්ඩි දක්වා වූ විරෝධතා පා ගමනට සහභාගිවූ උද්ඝෝෂකයන් කෝවිඩ් 19 ට අදාළ සෞඛ්‍ය රෙගුලාසි නොපිලිපැදීමට එරෙහිව පොලිසිය ගොනු කර ඇති නඩුව නොවැම්බර් 06 වැනිදා කැඳවූ අවස්ථාවේදී කල්මුනේ මහේස්ත්‍රාත් අයි.එන්.රිස්වාන් කියා සිටියේ දැනට කොළඹ අභියාචනාධිකරණ අතුරු තහනමක් පවතින හෙයින් නඩුව දිගටම පවත්වා ගෙන යන්නේ ද යන්න ගැන ලබන 18 වැනිදා ප්‍රකාශ කරන බවය.
මහේස්ත්‍රාත් විසින් නඩුව ඉල්ලා අස්කර කරගන්නේද යන්න පැමිණිලි පාර්ශවයෙන් විමසු විට, ඒ ගැන උසස් නිලධාරීන්ගෙන් ඇසිය යුතු බව පොලිස් නිලධාරින් පවසා තිබේ.
P2P පාද යාත්‍රාව ආරම්භ කිරීමට පළමු තහනම් නියෝග ලබා ගනිමින් ඊට බාධා කරන්නට පොලිසිය දැරූ වෑයම අසාර්ථක කරමින් දහස් සංඛ්‍යාත දෙමළ හා මුස්ලිම් ජන සමූහයක් විරෝධතාවට එක්ව සිටියහ.
සබැඳි පුවත් :
P2P දෙමළ මුස්ලිම් පාද යාත්‍රාවේ නායකයකුගෙන් පොලිසි අටක් ප්‍රශ්න කරයි
P2P පාද යාත්‍රාවේ අරමුණ “දෙමළ වර්ග සංහාරය ගැන අවධානය දිනා ගැනීමයි”
P2P පාදයාත්‍රාවේ නායකයන්ට එරෙහිව ආණ්ඩුව පොලිස් පොල්ල ගනී
ජනාධිපතිගෙන් බන්දුලට කණේ පාරක්!
ජනමතය බල්ලට තීන්දු අපේ කැමැත්තට! | මොණරවිලගේ ලියමන
