1200 x 80 DMirror

 
 

ත්‍රස්ත විමර්ශන නිලධාරීන් විසින් වන්නියේ දේශපාලනඥයකුගේ ලේකම්වරයකු විසින් සිදුකරන ලබන මානව හිමිකම් කටයුතු ඇතුළු දේශපාලන

ක්‍රියාකාරකම් ගැන ප්‍රශ්න කොට තිබේ.

එසේ ප්‍රශ්න කොට ඇත්තේ එක්සත් ජාතීන්ගේ සහකාර මහ ලේකම් සහ සංවර්ධන අරමුදලේ ආසියා - ශාන්තිකර කලාපීය අධ්‍යක්ෂිකා කන්නි විග්නරාජා ශ්‍රී ලංකාවේ පස් දින නිල සංචාරයක නිරත වී සිටියදීය.

 

ඊළාම් ජනතා විප්ලවකාරී විමුක්ති පෙරමුණේ ප්‍රධාන ලේකම්, හිටපු පාර්ලිමේන්තු මන්ත්‍රී ශිවශක්ති ආනන්දන්ගේ පෞද්ගලික ලේකම්වරයා වන කනගලිංගම් ශ්‍රී මදන් දෙසැම්බර් 15 වැනිදා සවස 6.30 ට පමණ වවුනියාව කුඩිඉරිප්පු ප්‍රදේශයේ සිය නිවෙසට යමින් සිටිය දී මග හරස් කොට ප්‍රශ්න කළ බව ප්‍රදේශයේ වාර්තාකරුවෝ පවසති.

 

සිවිල් ඇඳුමින් සැරසුණු ත්‍රස්ත විමර්ශන පොලිස් නිලධාරින් ඔවුන් හඳුන්වා දෙමින් පැයකට ආසන්න කාලයක් ප්‍රශ්න කර ඇත්තේ EPRLF ප්‍රධාන ලේකම් ශිවශක්ති ආනන්දන්ගේ දේශපාලන හා අනෙකුත් සමාජ ක්‍රියාකාරකම් ගැනය.

ඊට අමතරව විශේෂයෙන් ප්‍රශ්න කොට ඇත්තේ දෙසැම්බර් 10 වැනිදා මානව හිමිකම් දිනය සමරා පැවති අතුරුදහන් කළවුන්ගේ උද්ඝෝෂණය සංවිධානය කළේ කවුද යන්නත්,ඊට සහභාගිවීමට ඇරයුම් කළේ කවුද යන්නත් පිලිබඳව තොරතුරු ලබා ගත් පසු ත්‍රස්ත විමර්ශන නිලධාරින් විසින් ශ්‍රී මදන් මුදා හැර තිබේ.

මේ අයුරින්ම  2018 වසරේදී ත් ත්‍රස්ත විමර්ශන පොලිස් නිලධාරින් විසින් ශ්‍රී මදන්ගෙන් ප්‍රශ්න කොට ඇත්තේ  උතුරු පළාත් සභා මන්ත්‍රී ඉන්ද්‍රරාජා ගේ ලේකම්වරයා ලෙස සිටියදීය.

අතුරුදහන් කළවුන්ගේ ඥාතීන් විසින් ජගත් මානව හිමිකම් දිනයේ වව්නියාවේදී පැවැත්වූ උද්ඝෝෂණයට එක් වෙමින් ශිවශක්ති ආනන්දන් කියා සිටියේ බලහත්කාරයෙන් අතුරුදහන් කළවුන් ජිවතුන් අතර නොමැති නම් ඒ ගැන ආණ්ඩුව ප්‍රසිද්ධියේ සමාව ගත යුතු බවය.



Leader Whats app

 

 
 
බැසිල් ගියේ ජනපතිටත් නොකියා!! | The Leader TV | Gossip

 
අගමැතිකම අසා අප්පච්චි සිහිනැතිවෙලා! | මොණරවිලගේ ලියමන
 
 
  
 

නාන සාර නිසා නාන සර් ! | "ස" ගේ දැනගැනීම පිණිසයි

 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්