1200 x 80 DMirror

 
 


උතුරේ දෙමළ ජනයාට අයත් පෞද්ගලික ඉඩම් බලහත්කාරයෙන් අත්පත් කරගන්නට ජනාධිපතිවරයා යටතේ පවතින ආරක්ෂක අංශ දරන උත්සාහයන් තව දුරටත් ඉදිරියට ගෙන යෑමට අගමැතිවරයා යටතේ පවතින

අධිකාරියක් ද එක්කාසු වී තිබේ.

පළාත් බද වාර්තාකරුවන් පවසන්නේ කීරිමලේ, කන්කසන්තුරේ පිහිටි දෙමළ පුද්ගලයන් 21 දෙනකුට අයත් අක්කර 30 ට වැඩි භුමි ප්‍රමාණයක් නාගරික සංවර්ධන අධිකාරියට පවරා ගැනීම සදහා මිනින්දෝරු දෙපාර්තමේන්තුව දැරූ උත්සාහයක් ව්‍යවර්ථ කිරීම‌ට ප්‍රදේශවාසී ජනයා සමත් වු බවයි.

මෙම භුමි භාගය පිහිටා ඇත්තේ මහින්ද රාජපක්ෂ ජනාධිපතිව සිටි 2010 දී ඉදි කරන ලද අධි ආරක්‍ෂිත ප්‍රභූ නිවාඩු නිකේතනයකට යාබදවය.




නාගරික සංවර්ධන අධිකාරිය මිනින්දෝරු දෙපාර්තමේන්තුවේ සහායෙන් ඉඩම් මැනීමේ කටයුතු සිදු කිරීමට උත්සාහය ගෙන ඇත්තේ ශ්‍රී ලංකාවේ චීන තානාපති කී සෙන් හොං අද තුන්වැනි දිනටත් උතුරු පළාතේ නිරීක්ෂණ චාරිකාවක නිරත වෙමින් සිටියදීය.




දෙමළ ජනතා  නියෝජිතයන් සමග එක්වු ඉඩම් හිමියන්ගේ විරෝධතාවය නිසා ඉඩම් මැනිමේ කටයුතු සිදු නොකරම ආපසු යෑමට මිනින්දෝරු දෙපාර්තමේන්තුවේ නිලධාරීන්ටත්, නාගරික සංවර්ධන අධිකාරියේ නිලධාරීන්ටත් සිදුවිය.

පුද්ගලික් ඉඩම් ආණ්ඩුවට පවරා ගැනීමේ මෙයාකාර වෑයම් උතුරේ ජනතාව සිසින් දෙමාසයක් තුල පසුබස්වන ලද හැරවනි වතාව මෙයයි.

විරෝධතාවයට සහාය පළ කිරීම සදහා පැමිණ සිටි දෙමළ ජාතික සන්ධානයේ හිටපු පාර්ලිමේන්තු මන්ත්‍රී එම්.කේ සිවාජිලිංගම් සිංහල බසින් උතුරේ  මාධ්‍යවේදීන්ට  කියා සිටියේ යුද්ධය නිමා වී වසර 13 ක් ගෙවුන පසුවත් දෙමළ ජනතාවගේ පෞද්ගලික ඉඩම් අක්කර දහස් ගණනක් අත්පත්කරගැනීමේ උත්සාහයන් තවමත් ක්‍රියාත්මක බවයි.

එසේ ඉඩම් අත්පත්කරගෙන චීනයට විකිනීමේ සුදානමක් පවතිනවාදැයි හිටපු මන්ත්‍රීවරයා එහිදී ප්‍රශ්න කළේය.

''දැන් ආණ්ඩුව මේක කපටියට ආයේ රජයේ ඉඩම වාගේ කරලා ඊට පස්සේ නගර සංවර්ධන අධිකාරියට දීලා‌ ඊට පස්සේ වෙන මොනවා හරි පිටරට කොම්පැනිලට දෙන්න බලන්නේ,'' යි එම්. කේ සිවාජිලිංගම් වැඩි දුරටත් සදහන් කළේය.


දෙමළ ජනයාගේ ඉඩම් නාගරික සංවර්ධන අධිකාරියට පවරා ගැනීමට දැරු උත්සාහයට විරෝධය පෑම සදහා දෙමළ  ජාතික ජනතා පෙරමුණේ නායක, පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම්, එම පක්ෂයේ පාර්ලිමේන්තු මන්ත්‍රී සෙල්වරාජා ගජේන්ද්‍රන් සහ තමිල් අරසු කච්චි නායක මාවෙයි සේනාධිරාජා ද එක්ව තිබුනි.



උතුරේ දෙමළ ජනයාට අයත් පෞද්ගලික ඉඩම්  නාවික හමුදා කඳවුරු පුළුල් කිරීම සදහා බලහත්කාරයෙන් අත්පත් කරගැනීමට දින දෙකක් තුලදී  දැරූ උත්සාහයත් තුනක්  විරෝධතා පවත්වා පසු බැස්සවීමට  පසුගිය නොවැම්බර් මාසයේදී ප්‍රදේශවාසී ජනයා සමත්ව තිබේ.

නාවික හමුදාව එසේ උත්සාහ දරා තිබුනේ යාපනයේ, මාදගල් නැගෙනහිර හා බටහිර ප්‍රදේශයන්හි පිහිටි දෙමළ ජනයාට අයත් පෞද්ගලික ඉඩම් අත්පත්කරගන්නට බව දෙමළ බසින් පළවන මාධ්‍ය  වලට අමතරව දකුණේ සිංහල බසින් පළවන පුවත් වෙබ් අඩවි කිහිපයක්ද වාර්තා කර තිබුනි.

 උතුරේ  වාර්තාකරුවන් අවධාරණය කරන්නේ දෙමළ ජනයාට අයත් පෞද්ගලික ඉඩම් නාවික හමුදා කදවුරු පුළුල් කර ගැනිම සදහා බලහත්කාරයෙන් අත්පත්කරගැනීමේ උත්සාහයන් රැසක්ම පසුගිය සමයේ ක්‍රියාත්මක වු බවයි.

 

J P 2021.12.17 1

Leader Whats app

 

 
 
බැසිල් ගියේ ජනපතිටත් නොකියා!! | The Leader TV | Gossip

 
අගමැතිකම අසා අප්පච්චි සිහිනැතිවෙලා! | මොණරවිලගේ ලියමන
 
 
  
 

නාන සාර නිසා නාන සර් ! | "ස" ගේ දැනගැනීම පිණිසයි

 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්