1200 x 80 DMirror

 
 

සේවය කරන වත්තේ අවුරුදු ගණනක් පදිංචිවී සිටි වාසස්ථානය අහිමි වීමේ අවදානමක් මතු කරමින් උසාවිය දුන් තීන්දුවකට එරෙහිව වතු කම්කරුවන් පිරිසක් විරෝධතාවයක් දියත් කර තිබේ.



දෙසැම්බර් 23 වැනි බ්‍රහස්පතින්දා එම විරෝධතාවය දියත් කර ඇත්තේ නාවලපිටිය බොහිල් වතු යායේ පදිංචිව සිටින තේ වතු කම්කරුවන් පිරිසකි.

පළාත් බද වාර්තාකරුවන් පවසන පරිදි නාවලපිටිය බොහිල් වතු යායේ අක්කර සියයකට අයිතිවාසිකම් කියන පුද්ගලයකුගේ ඉඩම් නඩුවක් වසර 12 ක් තිස්සේ විභාග වෙමින් පැවතුණි.

දෙසැම්බර් 22 වැනිදා නඩුවේ තීන්දුව ප්‍රකාශයට පත් කරමින් අධිකරණය නියෝග කර ඇත්තේ එම නැතැන්තාට අක්කර 100 කින් යුත් එම ඉඩමේ හිමිකාරිත්වය පවතින බවයි.

මහාධිකරණයේ එම තීන්දුව ක්‍රියාත්මක කිරිමට නාවලපිටිය මහෙස්ත්‍රාත් අධිකරණයේ රෙජිස්ටාර්වරයා ඇතුළු නිලධාරින් ඉඩමට යන අවස්ථාවේ වතු කම්කරුවන් විරෝධතාවය දැක්වීම නිසා එම නිලධාරින්ට යළි හැරී යෑමට සිදුවු බව ජනමාධ්‍ය වාර්තා කර තිබේ.

මහාධිකරණ නියෝගය ක්‍රියාත්මක කිරිමට එම වතු යායට නාවලපිටිය මහෙස්ත්‍රාත් අධිකරණයේ රෙජිස්ටාර්වරයා සහ නිලධාරින් පිරිසක් පැමිණෙන බවට වතු කම්කරුවන් දැන ගැනීමෙන් පසුව ඔවුහු නාවලපිටිය තලවකැලේ ප්‍රධාන මාර්ගයේ නාවලපිටිය බොහිල් වතු යාය අසලින් හරස් කර උද්ඝෝෂණය දියත් කර ඇත.

"අපි වත්තේ සේවකයෝ. අපිට වෙන යන්න තැනක් නෑ," යන්න  විරෝධතාකරුවන්ගේ  එක් සටන් පාඨයකි.

පළාත් බද වාර්තාකරුවන් පවසන්නේ ඉඩම් හිමියා හෝ අධිකරණය විසින් එම කම්කරුවන්ට එම භුමියෙන් ඉවත් වන ලෙස මේ තාක් කිසිදු දැනුම් දීමක් කර නොමැති බවයි.

විරෝධතාකරුවන්ගේ ඉල්ලීම  සම්බන්ධයෙන් අධිකරණයට කරුණු වාර්තා කරන බවට රෙජිස්ට්‍රාර්වරයා පොලිසියට හා ජනතාවට දැනුම් දීමෙන් පසු විරෝධතාවය අවසන් වු බව පළාත් බද වාර්තාකරුවෝ වැඩි දුරටත් පවසති.

 sdfdf

dffgv

 

 

 
 

Leader Whats app

 
 
 
ඇත්තටම The Leader
 
 
 

 

අගමැති හදිසියේම තිරුපති ගියේ ඇයි ? | The Leader TV | Gossipa

 

බැසිල් රට ගිය රහස හෙළිවෙයි! | මොණරවිලගේ ලියමන

 

subscribeYT

subscribeYT

WhatsApp Image 2021 09 13 at 13.49.58

නවතම පුවත්