ශ්‍රී ලංකා නාවික හමුදාවට චෝදනා එල්ල වී තිබෙන තරුණ ධීවරයකුගේ මරණය වෙනුවෙන් යුක්තිය ඉල්ලා යාපනයේදී විරෝධතාවයක් දියත් කර තිබේ.



31 ක් වියැති එඩ්වඩ් මරියසීලන් ධිවරයාගේ අවසන් කටයුතු සිදු කළ ජනවාරි 13 වැනිදා ඔහුගේ නිවස ඉදිරිපිට විරෝධතා දැක්වු ධීවර නායකයන් ප්‍රමුඛ ගම් වැසියන් විසින් ඉල්ලා සිටියේ තම සමීපතමයාගේ මරණය වෙනුවෙන් වගකිව යුතු අයට එරෙහිව නීතිය ක්‍රියාත්මක කරන ලෙසයි.

මරණය සම්බන්ධ අධිකරණ පරීක්ෂණය පැවැත්වෙන දා තොරතුරු ලබා දීමට ඉදිරිපත් වන ලෙස ඥාතීන් හා දෙමළ දේශපාලකයන් ප්‍රදේශවාසීන්ගෙන් ඉල්ලා සිටිති.

 

මසුන් මැරීම සදහා මුහුදු ගිය යාපනය මාදගල්  කුසුමන්තුරෙයි ප්‍රදේශයේ ධීවරයකු වූ එඩ්වඩ් මරියසීලන් මල සිරුර මාදගල් වෙරළට ගොඩ ගසා තිබියදී ජනවාරි 11 වැනිදා ප්‍රදේශවාසින් විසින් සොයා ගෙන තිබිණි.

 

ඔහු යාත්‍රා කළ බෝට්ටුව පෙරලී ඇත්තේ වෙරළේ සිට දියඹට මීටර 200 ක දුරක දීය.  

සෙසු ධීවරයන් චෝදනා කරන්නේ  නාවික  හමුදා බෝට්ටුවක් පැමිණ එඩ්වඩ් මරියසීලන්ගේ  බෝට්ටුව හා ගැටීමෙන් එය පෙරලුනු බවයි.

හානියට පත් බෝට්ටුව ධීවරයන් විසින් ගොඩට රැගෙන විත් තිබුනි.

 

එඩ්වඩ් මරියසීලන්ගේ මරණයේ වගකීම නාවික හමුදාව බාර ගත යුතු බවට මාදගල් ධීවරයන් කරන චෝදනා ප්‍රදේශයේ නාවික බලධාරීන් විසින් ප්‍රතික්ෂේප කර තිබේ.

 

තරුණ ධීවරයාගේ අවසන් කටයුතු සදහා එක්ව සිටි හිටපු පාර්ලිමේන්තු මන්ත්‍රී එම්.කේ සිවාජිලිංගම් සෙසු ධීවරයන්ගෙන් ඉල්ලා සිටියේ ධිවරයාගේ මරණය සම්බන්ධයෙන් ඔවුන් සතුව සාක්ෂි තිබේනම් මල්ලාකම් අධිකරණයේ ජනවාරි 26 වැනිදා සිදු කරන විමර්ශනයේදී සාක්ෂි ලබා දීමට පැමිණෙන ලෙසයි.

 අවසන් කටයුතු සිදු කරන අද දිනයේ කුඩා විරෝධතාවයක් පවත්වා සාමකාමීව කටයුතු කළත් ආණ්ඩුවට විරෝධතාවය පළ කිරීම සදහා ඉදිරියේදී විශාල උද්ඝෝෂණයක් දියත් කරන බවත් හිටපු මන්ත්‍රීවරයා එහිදී අවධාරණය කළේය.

protest 2





සබැඳි පුවත් :


උතුරේ ධීවරයකු ඝාතනය කළ බවට නාවික හමුදාවට චෝදනා 

 

 

Leader Whats app


 
 


ரணிலுக்குப் பிரதமர் பதவியா? தென்னிலங்கை அரசியலில் குழப்பம்! | Gossip | Tamil
 

ඉවරයි බුද්ධ සාසන හා සංස්කෘතික අරමුදල ආර්ලගේ බැංකුවට ! | The Leader TV
 

නාමල් මෛත්‍රීට කෙළින්ම කියයි! බැසිල්ටත් ටොක්කක්!!| Gossip
 

සර් ජනමත විචාරණ තියන්න ඉස්සෙල්ලා පාරේ බැහැලා යන්න පුළුවන් විදිහක් හදලා දෙන්න.
 

 

subscribeYT

WhatsApp Image 2021 09 13 at 13.49.58

නවතම පුවත්