වසර 30ක යුද්ධය වසර 3කින් අවසන් කළ මෙන් තමා ලබාදුන් පොරොන්දු සියල්ල ඉදිරි වසර 3 තුළ ඉටුකරන බව ජනාධිපති ගෝඨාභය රාජපක්ෂ
අවධාරණය කරයි.
ජනාධිපතිවරයා මේ බව පැවසුවේ මධ්යම අධිවේග මාර්ගයේ අලුතින් නිම කළ කොටස විවෘත කිරීමේ උත්සවයට ඊයේ (15) එක්වෙමිනි.
කොළඹ, නුවර යාකෙරෙන මධ්යම අධිවේග මාර්ගයේ මීරිගම සිට කුරුණෑගල දක්වා කොටස ඊයේ (15) පස්වරුවේ ජනාධිපති ගෝඨාභය රාජපක්ෂ සහ අග්රාමාත්ය මහින්ද රාජපක්ෂ ගේ ප්රධානත්වයෙන් විවෘත කෙරුණි.
කිලෝමීටර් 40.91කින් යුත් මධ්යම අධිවේග මාර්ගයේ දෙවන අදියර වන “ඇතුගල්පුර පිවිසුම” මීරිගම, නාකලගමුව, දම්බොක්ක, කුරුණෑගල හා යග්ගපිටිය යන අන්තර් හුවමාරු 05කින් සමන්විතය.
මෙහි ඉදිකිරීම් සඳහා රජය වැය කළ මුදල රුපියල් බිලියන 149කි.
සියලු ඉදිකිරීම් දේශීය ඉංජිනේරුවන් සහ කොන්ත්රාත්කරුවන් විසින් සිදුකර තිබේ.
''මං ගැන විශ්වාසය තියන්න''
ප්රධාන ජන හමුව සංවිධානය කර තිබුණේ කුරුණෑගල අන්තර් හුවමාරු පරිශ්රයේදීය.
එහිදී අදහස් දැක්වූ ජනාධිපතිවරයා සඳහන් කළේ, ගොවි පවුලකින් පැවත එන නායකයෙකු ලෙස සැමවිටම ගොවියා රැකගැනීමට ප්රමුඛතාවය ගෙන ක්රියා කරන බවය.
තමා බලයට පැමිණි අවස්ථාවේ පුරන් කුඹුරු අස්වැද්දූ තරුණයන් අමතක නොකරන බවත් ඔවුන්ට නැවතත් වගා සංග්රාමයකට එකතුවීමට ආරාධනා කරන බවත් ජනාධිපතිවරයා පැවසීය.
රුපියල් 95කට හෝ වී මිලදීගෙන ගොවියා ශක්තිමත් කිරීමට තමා කෘෂිකර්ම අමාත්යවරයාට උපදෙස් ලබාදුන් බවද ජනාධිපතිවරයා සඳහන් කළේය.
"බාධක මැද්දේ තමයි මේ මාර්ගය අවසන් කළේ. මේක හදලා ඉවර වුණාම කුරුණෑගල සිට මත්තල දක්වා යන්න පුළුවන්."
"මම අවුරුදු 5ක් තුළ කරනවා කියපු ඒ වැඩ සියල්ලම ලබන අවුරුදු 3 තුළ කරනවා කරනවාමයි."
"මගේ ඇමති මණ්ඩලය, අපිත් එක්ක ඉන්න මන්ත්රීවරුන්ගෙන්, ප්රාදේශීය සභා මන්ත්රීවරුන්ගෙන් මං ඉල්ලා සිටිනවා බොරු ප්රචාරවලට අධෛර්යමත් වෙන්නේ නැතුව අපි ජනතාවට පොරොන්දු වූ වැඩ කොටස මේ අවුරුදු තුනේ කරමු කියලා."
"අපි අවුරුදු 3කින් තමයි අවුරුදු 30ක යුද්ධය අවසාන කළේ. එහෙමනම් මේ ඉතිරි අවුරුදු තුනේදී අපි පොරොන්දුවෙන වැඩ කොටස කරන්න පුළුවන්."
"හැබැයි මාත් එක්ක එකතු වෙන්න. මං ගැන විශ්වාසය තියන්න. අපිට මේක කරන්න පුළුවන්."
"මාධ්යවලට කියන්නේ අපිත් එක්ක ගහගැනීමක් නෑ මෙතන. අපේ බලාපොරොත්තුව මේ රට හදන එක. මාධ්යවේදීන්ගෙන් මං ඉල්ලා සිටිනවා.. ඔබ මේ සංවර්ධනයේ පාර්ශ්වකරුවෙක් වෙන්න."
"අපි කවදාවත් ගොවියා අමතක කරන්නේ නෑ..නෑ.නෑ.. මම නැවතත් තරුණයන්ගෙන් ඉල්ලා සිටිනවා පුරන් කුඹුරු වගාකරන්න මගෙත් එක්ක එකතු වෙන්න කියලා."
"ඔබලා එදා යම්කිසි දෙයක් බලාපොරොත්තුවෙන් මට ඡන්දය දුන්නා නම් ඒ බලාපොරොත්තුව ඒ අයුරින්ම ඉටුකරලා දෙනවයි කියන පොරොන්දුව මත මට සහාය වෙන්න."
මගෙන් ගොඩ ගිය සහෝදරයින් මගෙ දරුවන්ට වන්දි ගෙවන්න වෙයි!| මොණරවිලගේ ලියමන
225ටම ඇමතිකම්! | වියත්කතා
ரணிலுக்குப் பிரதமர் பதவியா? தென்னிலங்கை அரசியலில் குழப்பம்! | Gossip | Tamil