ඊශ්‍රායල හමුදාව අද (13) දකුණු ගාසා තීරයේ මානුෂීය ආරක්ෂිත කලාපයකට ගොඩබිමින්, මුහුදෙන් සහ ගුවනින් දැඩි ප්‍රහාර එල්ල කළේය. 


පලස්තීන ජාතිකයින් සඳහා ආරක්ෂිත කලාපයක් ලෙස, ඊශ්‍රායලය විසින් කලින් නම් කරන ලද, රෆා හි බටහිර වෙරළබඩ නගරයක් වන අල්-මවාසි වෙත, අද අලුයම මෙම ප්‍රහාරය දියත් කර තිබේ.    

සරණාගතයින් විශාල පිරිසක් සහිත එම ආරක්‍ෂිත කලාපය වෙත, ඊශ්‍රායල ගුවන් හා නාවික හමුදා විසින් බෝම්බ සහ බර මැෂින් තුවක්කු  ප්‍රහාර එල්ල කළ බව පලස්තීන නිල පුවත් ඒජන්සිය, වෆා (WAFA) තහවුරු කරයි.  

දකුණු ගාසා තීරයේ ඊශ්‍රායල හමුදා මෙහෙයුම්, තවදුරටත් පුළුල් කර ඇති පසුබිමෙක, නැගෙනහිර රෆාහි වෙසෙන පලස්තීන ජාතිකයින්ට, “පුළුල්  මානුෂීය කලාපය” වෙත වහා පලා යන ලෙස ඊශ්‍රායලය මීට පෙර නියෝග  කළේය. ඒ අනුව, මිලියන භාගයකට වැඩි පලස්තීන සරණාගත පිරිසක් අල්-මවාසි වෙත පලාවිත් ඇතැයි වාර්තා වේ. 

බටහිර රෆාහි තවදුරටත් සටන් ක්‍රියාත්මක බවට ඊශ්‍රායල බලධාරීහු  ප්‍රකාශ කරති. 

මෙම ප්‍රහාරයත් සමග එක්සත් ජනපද සහයද ඇතිව, දෙපාර්ශවය අතර සටන් විරාමයක් සහ ප්‍රාණ ඇපකරුවන් මුදා ගැනීම සඳහා එළැඹි ගිවිසුම් ද ඇණහිට ඇතැයි වාර්තා වේ.  

(සටහන: හර්ෂ උදයකාන්ත)


මුලාශ්‍ර පුවත :
Devastation in Gaza as Israel wages war on Hamas

worky sin

Follow Us

Image
Image
Image
Image
Image
Image

නවතම පුවත්