සුරා බඩු කොමසාරිස් - කිං බානට්

කිංබානට්තුමා සුරා බඩු කොමසාරිස්ව හම්බවෙන්න ගියා.

 

 

" අපි හිතුවේ මේ ආණ්ඩුව ජනහිතකාමී නෑ කියලයි.."

කිංබානට්තුමා කතාව පටන් ගත්තා.

 

 

" සම්පූර්ණයෙන්ම වැරදි අදහසක් නෙ... ආණ්ඩුව ජනතාව ගැන දිවා රෑ හිතනවා...."

සුරා බඩු කොමසාරිස් පැහැදිලි කෙරුවා.

 

 

" ඒක  ඇත්ත ...මිනිස්සු බොරුවට කෑගැහුවා තෙල් මිල වැඩි කළා කියලා .... දැන් බලනකොට තෙල් ටික ඔන්ලයින් ගෙදරටම ගේන්න කටයුතු සූදානම් කරලනෙ...."

 

 

" අන්න මිස්ටර්ට තේරුම් ගියා..."

සුරා බඩු කොමසාරිස් කිව්වා. 

 

 

" අර ජී. ඇල්. ට  ඔන්ලයින් අධ්‍යාපනය හරියටම කරගන්න බැරි වුණාට මට හොඳටම ෂුවර් මේක නං හරියටම කරනවා...."

 

 

" දැන් බලන්න මිස්ටර් මේ රටේ මිනිස්සු හාල් නැග්ගත් චුරු චුරුව.... පරිප්පු නැග්ගත් චුරු චුරුව....සීනි නැග්ගත් චුරු චුරුව.....පිටි නැග්ගත් චුරු චුරුව....ඒත් අරක්කු නැග්ගට කවදාවත් එක වචනයක් කියනවද...අන්න ඒ නොසැලෙන ගුණයට  අපි සලකන්න ඕන...."

 

සුරා බඩු කොමසාරිස් දිගටම කියාගෙන ගියා.

 

 

" දැන් කොහොමද අපි ඔන්ලයින් බඩු ඕඩර් කරන්නේ ...? "

කිංබානට්තුමා ඇහුවා. 

 

" හරිම ලේසියි ...ෆොරින් බඩු නං  ඉස්සෙල්ලා F ගහන්න ඕන ...

 

විස්කි නම් F හිස් තැනක් 1 ද, 

බ්‍රැන්ඩි නම් F හිස් තැනක් 2 ද, 

වොඩ්කා නම් F හිස් තැනක් 3 ද ගහලා 

SMS කරන්න තියෙන්නේ ...හරි සිම්පල් ...."

 

 

" ෂා මරු...! එතකොට ලෝකල් බඩු ගන්නවා නං...? "

 

 

" ලෝකල් බඩු ඕන  නං ඉස්සෙල්ලාම L ගහන්න ඕන ....

ගල් නම්  නම් L හිස් තැනක් 1ද, 

පොල් නම් L හිස් තැනක් 2 ද,

බියර් නම් L හිස් තැනක් 3 ද ගහලා  

SMS කරන්න ...පැයෙන් බඩු ගෙදරට ...."

සුරා බඩු කොමසාරිස් සිස්ටම් එක විස්තර කෙරුවා.

 

 

" එතකොට කසිප්පු ඕඩර් කරනවා නං...? "

කිංබානට්තුමා වැදගත් ප්‍රශ්නයක් දැම්මා.

 

 

" මෙහෙමයි මිස්ටර් දැනට අපි සිස්ටම් එකට කසිප්පු අප්ලෝඩ් කරලා නෑ...මොකද ගං වතුර හින්දා සප්ලයි ප්‍රොබ්ලම් එකක් තියෙනවා ... යථා කාලෙදි ඒ ගැනත් සලකා බලනවා...."

 

 

" තව අපේ වැලිව් ඇඩඩ් සර්විස් එකක් තියෙනවා ... 

 

වයිෆ් ඇහැරිලා  නං # ගහලා ☠️ සංකේතය එවන්න ...

 එතකොට අපි පාර ළඟට බඩු ගෙනැල්ලා කෝල් කරනවා....

 

වයිෆ් බුදි නං # ගහලා සංකේතය එවන්න ....දොරකඩටම බඩු ගේනවා...."

සුරා බඩු කොමසාරිස් තිතට විස්තරේ දුන්නා.

 

 

" එතකොට බයිට් එහෙම ඕන නං...? "

අන්තිමට කිංබානට්තුමා ඇහුවා. 

 

 

" සිම්පල් ...බයිට් එකට බයියෙක් ඕන නං B ගහන්න ... 

ටොයියෙක් ඕන නං T ගහන්න ... 

ජෙප්පෙක් ඕන නං J ගහන්න ...! "