පැන්ඩෝරා පේපර්ස්වලින් කර ඇති හෙළිදරව් ගැන මොනවා හරි ලියන්නේ නැත්තේ මොකද කියලා බොහෝ දෙනා අහනවා. පළමු කරුණ ඒ ගැන දැනට ටක්කෙටම දෙයක් කියන්න බැරිකම.
කොහොම වුණත් ලංකාවේ මිනිස්සුන්ට ඔය වගේ ලොකු මිනිස්සු කරන ලොකු හොරකම් දැනෙන්නේ නැහැ. ගනන් ගන්නෙත් නැහැ. වැඩකුත් නැහැ. ඒ ලොකු හොරු කවදාවත් වැරදිකරුවන් වී දඬුවම් නොලබන බවත් මිනිස්සු දන්නවා. හැබැයි දේශපාලකයොම යම් හොරකමක් ගැන පොඩි මිනිස්සු අතරට හරියටම ගෙන ගියහොත් දැනෙනවා. (මහ බැංකු බැඳුම්කර සිද්ධිය වගේ)
එහෙම නැත්නම් ලංකාවේ මිනිස්සුන්ට දැනෙන්නේ යම් කෙනෙක් අල්ලපු වත්තෙන් කොස් ගෙඩියක් කඩා ගත්ත එක, කවුරු හෝ පන්සලේ පිං කැටේ කඩපු එක, සිල්ලර බඩු කඩේකට ගොස් සැමන් ටින් එකක් රෙද්ද අස්සේ ගහගෙන එන එක, සාප්පුවකින් බඩුවක් උස්සන හැටි CCTV කැමරාවකට හසුවී තිබුණු හැටි වගේ දේවල්.
පස්සේ දවසේ කාර්යාලයේ, කඩමණ්ඩියේ වගේම ලංකාවේ ප්‍රධාන මාධ්‍යවලත් ජාතික ප්‍රශ්නය හැටියට ඔය පොඩි සොරකම් ගැන සාකච්ඡා කෙරෙනවා. එම වැරදි කළවුන් උල තිබිය යුතු බවට ගෝරනාඩු කරනවා.
එසේ නොමැතිව වරාය හා අධිවේගී මාර්ග ගනුදෙනු, භූත මැණික් මල්ල, ක්‍රිෂ් වරදාන, මල්වානේ නිවස, බැඳුම්කර වංචා, සීනි වංචා, සුදු ළූණු වංචා ආදී දඩාර ඒවා එතරම් වැදගත් මාතෘකා බවට පත්වන්නේ නැහැ. ඒවා කළ අය හොරුත් නොවෙයි. මහත්වරු. ඒ නිසා මහජනතාව ඔවුන් ඡන්දෙදි රටේ උත්තරීතරම තැන ගිහිල්ලා හිඳුවනවා.
හම්බන්තොට රාජපක්ෂලා, මහනුවර අළුත්ගමගේලා, කළුතර අබේගුණවර්ධනලා, කුරුණෑගල ප්‍රනාන්දුලා වගේ අය දිස්ත්‍රික්කයේ අංක එකට තෝරා එවීමෙන් මේක ඔප්පු වෙනවා. (කොළඹ කරුණානායකලා, ගාල්ලේ අබේවර්ධනලා මෙවර නම් දේශපාලන කුනාටුවක් නිසා අතරමං වුණා.)
මොවුන්ට මහත් ධනස්කන්ධයක් තිබුණත් හතර මහා නිධානයක් පහළ නොවූ බව මිනිස්සු සක් සුදක් සේ දන්නවා. එහෙත් "අපේ හොරා අපිට හොඳා. අපේ දේවල් මේපාර තවත් වැඩියෙන් හොරා කන්න" යැයි ආශිර්වාද කරමින් ඔවුන් යළි පාර්ලිමේන්තුවට එවනවා.
මොවුන්ට මහත් ධනස්කන්ධයක් තිබුණත් හතර මහා නිධානයක් පහළ නොවූ බව මිනිස්සු සක් සුදක් සේ දන්නවා. එහෙත් "අපේ හොරා අපිට හොඳා. අපේ දේවල් මේපාර තවත් වැඩියෙන් හොරා කන්න" යැයි ආශිර්වාද කරමින් ඔවුන් යළි පාර්ලිමේන්තුවට එවනවා.
ආණ්ඩුවත් ඔවුන්ටම ලොකුම කැබිනට් ඇමතිකම් දෙන පුදුම රටක් මේක. මේ අය රැස්කර ගෙන ඇති ධනස්කන්ධය ගැන කාට හරි ප්‍රශ්නයක් තියෙනවද? නැහැ. විපක්ෂයේ ඉන්න අය විපක්ෂයේ වීම නිසා පමණක් ප්‍රශ්න නගනවා.
මහා වංචා, දූෂණ ගැන නැගෙන හඬට ප්‍රතිචාර ලෙස රටේ නායකයා හැමදාමත් බොරු පරීක්ෂණ සඳහා නියෝග දෙනවා. ලංකාවේ කොමිෂන් සභා පත්කිරීම්, අල්ලස් කොමිසමට භාරදීම නොව නඩු දැමීම පවා වැඩක් ඇති දේවල් නොවෙයි.
මහා වංචා, දූෂණ ගැන නැගෙන හඬට ප්‍රතිචාර ලෙස රටේ නායකයා හැමදාමත් බොරු පරීක්ෂණ සඳහා නියෝග දෙනවා. ලංකාවේ කොමිෂන් සභා පත්කිරීම්, අල්ලස් කොමිසමට භාරදීම නොව නඩු දැමීම පවා වැඩක් ඇති දේවල් නොවෙයි.
මෙතෙක් කර ඇති දඩාර හොරකම්වලට දඬුවම් ලැබූ කී දෙනෙක් ඉන්නවද? මේවා, කලින් සිදුවීම්/සොරකම් අමතක කර දැමීමට උපස්ථම්භක වන කාලෙන් කාලෙට අපට දෙන "ආතල්" කිව්වට වැරදි නෑ.
දැන් පැන්ඩෝරා පේපර්වලින් එළියට ආව අයගේ ගනුදෙනු ගැනත් ජනාධිපතිවරයා පරීක්ෂණ වාර්තාවක් ඉල්ලා තිබෙනවා. මීට අදාළව ඕනෑම කෙනෙකුට සාධාරණ සැකයක් උපදවා ගත හැකි තොරතුරු ප්‍රකාශයට පත්ව තිබීම පරීක්ෂණවලට පහසුවක් වනු ඇති.
එහෙත් රටේ නායකයාට හා ආණ්ඩුවට දේශපාලන පක්ෂපාතීත්වයක්, ලැදියාවක් ඇති ආයතනවලින් හා නිලධාරීන්ගෙන් කවර නම් ස්වාධීන පරීක්ෂණද? හොරාගේ අම්මාගෙන් පේන අහන, නඩුත් හාමුදුරුවන්ගේ බඩුත් හාමුදුරුවන්ගේ රටක් මේක..!
වර්තමානයේ ආණ්ඩු පක්ෂයේම මන්ත්‍රීවරයෙකු වන මෛත්‍රීපාල සිරිසේන මහතා ජනාධිපති සමයේ "ගිං නිල්වලා ව්‍යාපෘතිය" ගැන කතා කළා. ඔහු කීවේ ජනාධිපතිවරණයට දින දෙක තුනකට කලින් අදාළ ව්‍යාපෘතිය වෙනුවෙන් මහා භාණ්ඩාගාරය නිකුත් කළ රුපියල් මිලියන 3000 ක චෙක්පත කොහේ ගියේ දැයි නොදන්නා බවයි. එකී කොන්ත්‍රාත්තුව මේ පැන්ඩෝරා ලයිස්තුවේ සිටින තිරු නඩේසන්ට සම්බන්ධතාවක් ඇති බව එකලද කියවුණා. ජවිපෙ අනුර කුමාර දිසානායකද ඉකුත්දා පාර්ලිමේන්තුවේදි පෙන්වා දුන්නේ ගිං නිල්වලා ව්‍යාප්තිය වෙනුවෙන් මහජන මුදල් මිලියන 4000 ක් ගෙවා ඇති බවයි.
කවුරුන් හෝ තිරු නඩේසන් ප්‍රශ්නයක් කරගන්නා විට ඔහුට තම ව්‍යාපාරික ලේබලය යටතේම සැඟවීමට අවස්ථාවක්ද තිබෙනවා. එමෙන්ම ලංකාවේ දේශපාලකයෙකුට සිය මුදල් හෝ වත්කම් හංගන්න විදෙස් බැංකු වගේම සමීප ඥාති ව්‍යාපාරිකයෙකු සිටීමත් ඉතාම ප්‍රයෝජනවත් බව නඩේසන් හා බැඳී ඇති දේශපාලන ඥාති සබඳතා මනාව පසක් කරනවා.
"නෙළුම් කුළුණ" ඉදිකිරීම සඳහා අත්තිකාරම් ලෙස 2012 වසරේ ලබා දී තිබූ මිලියන 2000 ක මුදලක්ද ආගිය අතක් නොමැති බව එය විවෘත කරන අවස්ථාවේ හිටපු ජනාධිපති මෛත්‍රීපාල සිරිසේන මහතා කියූ බව මතකයි. ඊට ප්‍රතිඋත්තර බැඳුනද ලංකාවේ ලොකු ලොකු ටෙන්ඩර්, කොන්ත්‍රාත්වල කිසිදු විනිවිදභාවයක් නොමැති බවට මෙවැනි ගනුදෙනු සාක්ෂි දරනවා.
මෑත ඉතිහාසයට අදාළව ගත්තම පැන්ඩෝරාවලින් මෙහා ශ්‍රී ලංකාවේ කොතරම් නම් හොරුන්ට දඬුවම් කළ හැකිද? වෙනස් පාරක යනවා යැයි කියූ ගෝඨාභය රාජපක්ෂ ජනාධිපතිවරයාට ඕනෑකමක් තිබේ නම් එය කළ හැකි දෙයක්. අදත් ඔහු කියූ පරිදි වැඩ අතපසු වී ඇත්නම් හොරුන් ඇමති මණ්ඩලයෙන් ඉවත් කිරීමේ සිට බොහෝ වැඩ ඔහුට ඉතා පහසුවෙන් කළ හැකි දේවල්.
මෑත ඉතිහාසයට අදාළව ගත්තම පැන්ඩෝරාවලින් මෙහා ශ්‍රී ලංකාවේ කොතරම් නම් හොරුන්ට දඬුවම් කළ හැකිද? වෙනස් පාරක යනවා යැයි කියූ ගෝඨාභය රාජපක්ෂ ජනාධිපතිවරයාට ඕනෑකමක් තිබේ නම් එය කළ හැකි දෙයක්. අදත් ඔහු කියූ පරිදි වැඩ අතපසු වී ඇත්නම් හොරුන් ඇමති මණ්ඩලයෙන් ඉවත් කිරීමේ සිට බොහෝ වැඩ ඔහුට ඉතා පහසුවෙන් කළ හැකි දේවල්.
2010 - 2015 කාලය තුළ සිදුවූ මහා පරිමාණ වංචා විමර්ශනය සඳහා එවක ජනාධිපති මෛත්‍රීපාල සිරිසේන මහතා විසින් "බරපතල වංචා සහ දුෂණ චෝදනා විමර්ශන ජනාධිපති පරීක්ෂණ කොමිසම සභාව" පත්කෙරුනා. එම වාර්තාව අදත් ජනාධිපති මන්දිරයේ ඇති. ගෝඨාභය ජනාධිපතිවරයාට අවශ්‍ය නම් මේ වැඩේ එතනින් පටන් ගන්නත් පුළුවන්.
පිටු දහසකින් පමණ සමන්විත වාර්තාව අතට ගත්තත් මෛත්‍රීපාල සිරිසේන ජනාධිපතිවරයා නම් මොනවත් කළේ නෑ. බැඳුම්කර කොමිෂන් සභා වාර්තාව නම් දේශපාලන එදිරිවාදිකම් නිසාම එළියට දැම්මා.
මෛත්‍රීපාල සිරිසේන - රනිල් වික්‍රමසිංහ පාලනයෙන් මිනිස්සු ඉල්ලුවේ පෙර පැවති ආණ්ඩුවේ ජඩ වැඩ සහ හොරකම්, වංචා දූෂණ කළවුන්ට දඬුවම් කරන ලෙසයි. මිනිස්සු කන්න බොන්න හෝ රැකී රක්ෂා ඉල්ලුවේ නැහැ. එහෙත් ඔවුන් ඒ සඳහා ක්‍රියාමාර්ග ගනු ලැබුවේ "එපා වාහෙට හොදි බෙදන්නා වාගේ" ලීලාවෙන්. වසර හතරක අවසානයේ "නටපු තොවිලයකුත් නැහැ. බෙරේ පලුවකුත් නැහැ."
මෛත්‍රීපාල සිරිසේන - රනිල් වික්‍රමසිංහ පාලනයෙන් මිනිස්සු ඉල්ලුවේ පෙර පැවති ආණ්ඩුවේ ජඩ වැඩ සහ හොරකම්, වංචා දූෂණ කළවුන්ට දඬුවම් කරන ලෙසයි. මිනිස්සු කන්න බොන්න හෝ රැකී රක්ෂා ඉල්ලුවේ නැහැ. එහෙත් ඔවුන් ඒ සඳහා ක්‍රියාමාර්ග ගනු ලැබුවේ "එපා වාහෙට හොදි බෙදන්නා වාගේ" ලීලාවෙන්. වසර හතරක අවසානයේ "නටපු තොවිලයකුත් නැහැ. බෙරේ පලුවකුත් නැහැ."
චන්ද්‍රිකා කුමාරතුංග ජනාධිපති පදවියට පැමිණියේ හොරු අල්ලා රැගෙනවිත් ගෝල්ෆේස් පිටියේදී කස පහර දෙන බව කියමින්. මහින්ද රාජපක්ෂ මහතා ජනපති සමයේ තමන්ගේ ෆයිල් ගැන කතා නොකළද තමන් යටතේ සිටි ඇමතින්ගේ ෆයිල් ළඟ ඇති බව කියා සිටියා මතකයි.
මෛත්‍රීපාල සිරිසේන මහතා පැවසුවේ තමන් ජනාධිපතිවරණය ජයගන්නා දිනම රාත්‍රී ගුවන් තොටු පොළ වසා හොරු අල්ලන බවයි. පසුව ඔහුම ඉඟි කළ එකී හොරුන්ට දින 52 ක ආයුෂ තිබූ ආණ්ඩුවක්ද පිහිටුවා දුන්නා. දැනුදු හිටපු ජනපතිවරයා, ඔහුම අනාවරණ කළ "හොරු සමග හෙළුවෙන්" සිටිනවා.
ලෝකයේ බොහෝ රටවල නායකයන් වංචා දූෂණ, මහජන දේපළ අයථා පරිහරණය පිටුදැකීම සඳහා නීතිය නිසි ලෙස ක්‍රියාත්මක කිරීමට පියවර ගන්නවා. එනිසාම එම රටවල එවැනි ක්‍රියාවල නිරත සාමාන්‍ය පුද්ගලයාගේ සිට නායකයන් දක්වා දඬුවම් ලබනවා. මේ උදාහරණ කිහිපයක්.
බංග්ලාදේශ හිටපු අගමැතිනි Khaleda Zia - මූල්‍ය වංචා, 2018 දී වසර 5 ක සිරදඬුවම් නියම කෙරුනා.
පාකිස්ථාන හිටපු අගමැති Asif Ali Zardari - මුදල් විශුද්ධිකරණය, 2019 සිට මේ දක්වා සිරදඬුවම්
ඊශ්‍රායල හිටපු අගමැති Ehud Olmert - අල්ලස් ලබා ගැනීම, 2015 දී වසර හයක සිරදඬුවම් නියම කෙරුනා.
මැලේසියා හිටපු අගමැති Najib Razak - වංචා දූෂණ, 2018 දී වසර 12 ක සිරදඬුවම් නියම කෙරුනා.
ඉතාලි හිටපු අගමැති Silvio Berlusconi - නීතිවිරෝධි මූල්‍ය කටයුතු, 2013 දී වසර 4 ක සිරදඬුවම් නියම කෙරුනා.
ප්‍රංශ හිටපු අගමැති François Fillon - මහජන අරමුදල් අපහරණය සහ වංචා, 2020 දී වසර පහක සිරදඬුවම් නියම කෙරුනා.
පිලිපීන හිටපු ජනාධිපති Joseph Estrada - රජයේ මුදල් සොරකම් කිරීම, 2007 වසරේදී ජීවිතාන්තය දක්වා සිරදඬුවම් නියම කෙරුනා.
එල්සැල්වදෝර් හිටපු ජනාධිපති Antonio Saca - වංචා දූෂණ, 2018 සිට මේ දක්වා සිරදඬුවම්
එල්සැල්වදෝර් හිටපු ජනාධිපති Mauricio Funes-අල්ලස් ලබා ගැනීම හා මූල්‍ය වංචා, 2017 දී අවුරුදු 10 ක සිරදඬුවම් නියම කෙරුනා.
තායිවාන් හිටපු ජනපති Chen Shui-bian-අල්ලස් ලබාගැනීම 2010 දී වසර 11 ක සිරදඬුවම් නියම කෙරුනා.
මොංගෝලියා හිටපු අගමැති Saikhanbileg Chimed-අල්ලස් හා දූෂණ, මහජන අරමුදල් තම කම්පැණිවලට බැරකර ගැනීම, 2018 සිට සිරදඬුවම්
පේරු හිටපු ජනපති Ollanta Humala - මූල්‍ය වංචා, 2017 සිට මේ දක්වා සිරදඬුවම්
අපට වඩා දියුණු යැයි සැලකෙන රටවලත් එසේ නොවන රටවලත් තරාතිරම නොබලා වංචාවට, දූෂණයට, සොරකමට දඬුවම් කෙරෙනවා.
ශ්‍රී ලංකාවේ නායකයෙකු නොව ආණ්ඩුවකට දේශපාලන ලැදියාවක් සහිතව වැඩකළ, හොරකමට උදව් කළ නිලධාරියෙකුට හෝ දඬුවම් කරයිද? මැති ඇමතිවරුන් හා අනෙක් නායකයන් ගැන කවර කතාද?
ශ්‍රී ලංකාවේ නායකයෙකු නොව ආණ්ඩුවකට දේශපාලන ලැදියාවක් සහිතව වැඩකළ, හොරකමට උදව් කළ නිලධාරියෙකුට හෝ දඬුවම් කරයිද? මැති ඇමතිවරුන් හා අනෙක් නායකයන් ගැන කවර කතාද?
ශ්‍රී ලංකාවේ නායකයෙකු නොව ආණ්ඩුවකට දේශපාලන ලැදියාවක් සහිතව වැඩකළ, හොරකමට උදව් කළ නිලධාරියෙකුට හෝ දඬුවම් කරයිද? මැති ඇමතිවරුන් හා අනෙක් නායකයන් ගැන කවර කතාද?
දැනට ජිවතුන් අතර සිටින හිටපු ජනාධිපතිවරයෙකු හෝ අගමැතිවරයෙකුට නිසි අධිකරණ ක්‍රියාමාර්ගයකින් වරදකරු වී සිරදඬුවම් නියම වූයේ යැයි උපකල්පනය කරමු. කවර දේ රටේ සිදුවෙයිද?
හොරකම් කළ බව සීයට සීයකින් තහවුරු වී තිබුණද දඬුවම් ලබන නායකයා ගැන දුක් ගී ගයන තරමට රටේ ජනතාව හුරු වී තිබෙනවා. අපේ හදවත් උණු වී කඩා හැලෙනවා.
අනෙක් අතට තම නායකයා බේරා ගැනීමට මරාගෙන මැරෙන වර්ගයේ විරෝධතා ඇරඹනවා. අධිකරණ වටලනු ඇති. සංඝ බලකායන් සිවුර දණහිසින් උඩට ඔසවා ගෙන පෙරමුණේම ඉඳීවි. (සොරකම් සිදුවන අවස්ථාවේ එකී හිමිවරු භාවනානුයෝගීව වැඩ විසූහ)
දේශපාලන නායකයෙක් අදත් වංචා දූෂණ සම්බන්ධ නඩු කටයුත්තක සැකකරුවෙකු වී අධිකරණයට ගොස් ඉන් එළියට එන අවස්ථාවේ ඔහු කෙතරම් නම් ඉහළින් පිළිගැනෙනවාද? තමන්ගෙම සල්ලි සොරකම් කළ නායකයන් මෙලෙස අදහන පාක්ෂිකයන් වෙන කිසිදු රටක නැහැ. ඉතින් අපි විචාරවත් ජාතියක්ද?
ශ්‍රී ලංකාවේ මැර හා දූෂිත ක්‍රියාවල නිරත දේශපාලන නායකයන් කියන්නේ ජනප්‍රිය කණ්ඩායමක්. එවැන්නෙක් අධිකරණයකින් වැරදිකරුවකු වුවහොත් ඔහු බේරා ගැනීමට ඇරඹෙන අරගලයම ආණ්ඩුවක් පෙරළා දැමීමට තරම් සමත් වෙනු ඇති. නව ආණ්ඩුවක් බලයට පැමිණි විගස නව නීති සම්පාදනය කිරීමෙන් හෝ ජනාධිපති සමාවකින් හෝ වැරදිකරු නිර්දෝෂී වී දඬුවම් ලැබීමෙන්ද බේරා ගැනෙනු ඇති.
නායකයන් පමණක් නොව රටේ ආයතන පද්ධතියද වංචා, දූෂණ සඳහා අවැසි ලෙස නිර්මාණය වී තිබෙනවා. රේගුවේ බඳු වංචා, ආදායම් හංගා බදු වංචා ආදිය සිදුවන්නේද එහි ප්‍රතිඵල හැටියට.
දියුණු රටවල සල්ලි හංගන්න පහසු නැහැ. කළු සල්ලි සුදු කරන්න බැහැ. එහෙත් අපේ රටේ ඒ වෙනුවෙන්ම අණපනත්ද සම්මත කර ගැනෙනවා. රටේ ලොකු පොඩි සැමගේ ඉපැයීම් වගේම වියදම් කරන ආකාරයත් මොනිටර් වෙන සිස්ටම් එකක් හදන්න කිසිදු නායකයෙක් හෝ ආණ්ඩුවක් කටයුතු කරන බවක් පේන්නේ නැහැ.
රටේ ජනතාවගෙන් බහුතරයක් ජීවන වියදම ඉහළ යාම නිසා හූල්ලමින් සිටිනවා. තමන් ඡන්දය දුන් පාලකයන් හොරා කෑම නිසාත් එකී බර තමන්ට පැටවී ඇති බවත් අප තේරුම් ගන්නේ නැහැ. රට ලෝකෙට ණය වන විට නායකයන් සාක්කුවට දාගන්නා කොටසත් එක්ක ගෙවන්න වෙන්නෙ අපිට බව තේරුම් ගන්න ඕන. එහෙත් අපි ඒ හොරු වෙනුවෙන් තවමත් පෙනී සිටිනවා.
ආණ්ඩු මාරුවෙනවා. හොරු ඇල්ලීම නම් කිසි දිනෙක සිදුවන්නේ නැහැ. හොරු මාරු වෙනවා. ආණ්ඩුව වගේම විපක්ෂයේ අයත් අපේ ආවේගවලට ආමන්ත්‍රණය කර අප රවටා සැඟව යනවා.
"එයාලා කවුරුත් සදාතනික යාළුවෝ" වන විට හාල් මැස්සන් මිස තෝරු, මෝරු කිසිවෙක් කිසිදා කිසිදු දැලකට අහුනොවෙනු ඇති.
මේ වංචා, දූෂණ, සොරකම් නතර නොවන්නේ නම් දැන් කළ යුත්තේ කවරක්ද? Mehmet Murat Ildan කියූ පහත අදහස සිතට ගැනීම පමණකි.
"දේශපාලකයන් වෙනුවට වඳුරන්ට රට පාලනය කිරීමට ඉඩ දෙන්න. අඩුම තරමින් ඔවුන් සොරකම් කරන්නේ කෙසෙල් ගෙඩි පමණි."
"දේශපාලකයන් වෙනුවට වඳුරන්ට රට පාලනය කිරීමට ඉඩ දෙන්න. අඩුම තරමින් ඔවුන් සොරකම් කරන්නේ කෙසෙල් ගෙඩි පමණි."
(ඡායාරූපය-සොරුන් පත්කර ගන්නා පුරවැසියන්)
|මහින්ද රුබසිංහ
THE LEADER TV
ජනපති - ශවේන්ද්‍ර කොටවන මෙහෙයුමක් !
ලොකු අනතුරක් අත ළග?
