ක්‍රීඩා ඇමැතිවරයා විසින් ක්‍රිකට් ඇතුළු ක්‍රීඩාවන් සම්බන්ධයෙන් නිකුත් කර ඇති රෙගුලාසි මාලාව අඩංගු ගැසට් නිවේදනය
ක්‍රියාත්මක කිරීම වළක්වාලමින් අභියාචනාධිකරණය අතුරු තහනම් නියෝගයක් නිකුත් කළේය.
මෙම අතුරු තහනම් නියෝගය, මීට සම්බන්ධ පෙත්සම විභාගයට ගෙන අවසන් වනතුරු බලපැවැත්වෙන පරිදි නිකුත් කර ඇත.
මෙම අතුරු නියෝගය නිකුත් කරනු ලැබුවේ ක්‍රීඩා අමාත්‍යවරයා නිකුත් කර ඇති රෙගුලාසි, ක්‍රීඩා නීතියට පටහැනි බව සඳහන් කරමින්, ශ්‍රී ලංකා ක්‍රිකට් ආයතනය ඇතුළු පිරිසක් ගොනුකර ඇති රිට් පෙත්සම සළකා බැලූ අවස්ථාවේදීය.
මෙම රිට් පෙත්සම, නිශ්ශංක බන්දුල කරුණාරත්න සහ ඒ.එස්.ආර්. මරික්කාර් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් හමුවේ සලකා බලන ලදි.
දෙසැම්බර් 14 වන දින ක්‍රීඩා අමාත්‍යවරයා නිකුත් කළ ගැසට් නිවේදනය ක්‍රීඩා නීතියට පටහැනි බව සඳහන් කරමින් එම ගැසට් නිවේදනය අවලංගු කරන රිට් ආඥාවක් නිකුත් කරන ලෙස ඉල්ලා මෙම පෙත්සම ගොනුකරනු ලැබ ඇත.
පෙත්සම්කරු වෙනුවෙන් ජනාධිපති නීතිඥවරුන් වන චන්දන අබේසුන්දර සහ රොමේෂ් ද සිල්වා මහත්වරු පෙනී සිටියහ.
ගොනුකර තිබු පෙත්සම
ක්‍රීඩා ඇමතිවරයා විසින් ප්‍රකාශයට පත්කර ඇති ගැසට් නිවේදන පහතින්
ගැසට් නිවේදන 2310/26
ගැසට් නිවේදන 2310/27
ගැසට් නිවේදන 2310/28
සබැඳි පුවත් :
ක්‍රීඩා ඇමතිවරයාගේ ගැසට්ටුවෙන් ක්‍රීඩා සංගම් ලොක්කෝ රැසක් දොට්ට !
ක්‍රීඩා පනත සංශෝධනය කෙරේ : ක්‍රීඩා සංගම්වලට තහංචි පැනවේ!
ක්‍රීඩා ඇමති ගේමට බසී - ක්‍රීඩා සම්මේලන තනතුරු වලට සිමා පනවයි !
