ඩේවිස් කුසලාන ආසියා/ඕෂනියා සිවුවැනි කොටසේ සිට තෙවැනි කොටස දක්වා උසස් වීමේ බලාපොරොත්තුවෙන් ශ්‍රී ලංකා ටෙනිස් කණ්ඩායම දැන් කාම්බෝජියාවට ගොස් සිටිනවා.
Davis Cup Asia/Oceania ටෙනිස් සිවුවැනි කොටසේ තරගාවලිය අද (8) සිට ලබන 14 දක්වා කාම්බෝජියාවේ Phnom Penh අගනුවර පිහිටි Morodok Techo ජාතික ක්‍රීඩා සංකීර්ණයේදී පැවැත්වෙනවා.
ශ්‍රී ලංකාව ට අමතරව ඉරාකය, කුවේට්, කිර්ගිස්තානය, එක්සත් අරාබි එමීර් රාජ්‍යය, මියන්මාරය, කටාර් හා කාම්බෝජියාව යන රටවල ක්‍රීඩකයන් ද මේ තරගාවලියට සහභාගි වීමට නියමිතයි.
මේ තරගාවලියේ ශ්‍රී ලංකාව නියෝජනය කරන කණ්ඩායම තෝරා ගැනීමේ තරග මේ වසරේ අප්‍රේල් 30 සිට ජූනි 10 දක්වා ශ්‍රී ලංකා ටෙනිස් සංගම් - SLTA - පිටියේදී පැවැත්වුනා.
එම තරගවලින් පසුව තෝරා ගැනුනු ශ්‍රී ලංකා කණ්ඩායමේ නායකත්වය පැවරී තිබෙන්නේ හර්ෂන දිනුක ගොඩමාන්න ට. අශේන් මිනෝජ් ජුලාන් සිල්වා, අප්නා ලිනිත් පෙරේරා, තෙහාන් සන්ජය විජේමාන්න හා කනික ජයතිලකණ්ඩායමේ සෙසු ක්‍රීඩකයන්.
පුහුණුකරු ලෙස සන්ඛ අතුකෝරළ ද, කළමනාකරු වශයෙන් රුක්මාල් කුරේ ද කටයුතු කරනවා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
