ශ්රී ලංකා ජාතික වෙඩිතැබීමේ ක්රීඩා සම්මේලනය (NSSF) මෙහෙයවූ Trap විවෘත ශූරතාවලියේදී වැඩි දස්කම් පෑමට මීගමුව රයිෆල්
වෙඩිතැබීමේ සමාජය (NRC) සහ කොළඹ Clay Target වෙඩිතැබීමේ සමාජයේ (CTSCC) ඉලක්කයට වෙඩිතැබීමේ ක්රීඩකයන් සමත් වුනා.
පයාගල CTSCC වෙඩිතැබීමේ පිටියේ පැවති මේ තරගාවලියේ සමස්ත ශූරයා බවට පත්වුනේ මීගමුව රයිෆල් වෙඩිතැබීමේ සමාජයේ කෞශාන් සමරනායක.
තරගාවලියේ ප්රධාන ඉසව්වේදී රන් පදක්කම දිනා ගැනීමට ඔහු සමත් වූ අතර ජොහාන් ප්රනාන්දු හා ජෙරමි ප්රනාන්දු යන CTSCC ක්රීඩකයන් පිළිවෙලින් රිදී හා ලෝකඩ පදක්කම් හිමිකර ගත්තා.
කෙසේ වෙතත්, විවෘත අංශයේ රන් පදක්කම දිනා ගත්තේ ජොහාන්. ඔහුගේ කණ්ඩායම් සගයා වන ජෙරමි රිදී පදක්කම හිමිකර ගත් අතර මේ අංශයේ ලෝකඩ පදක්කමෙන් සෑහීමට පත්වීමට කෞශාන් ට සිදුවුනා.
මාස්ටර්ස් අංශයේදී නැවත වතාවක් ආධිපත්ය පිහිටුවූයේ මීගමුව රයිෆල් වෙඩිතැබීමේ සමාජය යි. එහිදී අම්බ්රිත් සමරනායක ශූරයා වුනා. ඔහුගේ කණ්ඩායමේ ෂියාම් ඩයස් රිදී පදක්කම්ලාභියා වූ අතර CTSCC කණ්ඩායමේ ඩිලන්ජන් ජයසූරිය ට ලෝකඩ පදක්කම හිමිවුනා.
කණිෂ්ඨ අංශයේදී, NRC කණ්ඩායමේ ඩිමිත්රි ලිවේරා කණිෂ්ඨ ක්රීඩක රන් පදක්කම දිනා ගැනීමට සමත් වුනා. ඔහුගේ කණ්ඩායම් සගයා දෙව්දුන් තිසේරා රිදී පදක්කම හිමිකර ගත්තා.
කණිෂ්ඨ ක්රීඩිකා රන් පදක්කම දිනා ගත්තේ CTSCC හි ඇනිට්රා ධර්මරත්න.
NRC Alpha කණ්ඩායම් මේ ශූරතාවලියේ කණ්ඩායම් රන් පදක්කම දිනා ගත් අතර එම කණ්ඩායම කෞශාන් සමරනායක, අම්බ්රිත් සමරනායක හා ෂියාම් ඩයස්ගෙන් සමන්විත වුනා.
ඉලක්කයට වෙඩිතැබීමේ ක්රීඩක ක්රීඩිකාවන් 50කට වැඩි පිරිසක් මේ තරගාවලියට සහභාගි වූයේ කොළඹ, මීගමුව, පුත්තලම, කඳුරට හා වයම පළාතෙන්. ඉදිරි ජාත්යන්තර තරග සඳහා වන ජාතික සංචිතය යාවත්කාලීන කිරීමේ පෙරහුරු තරගාවලියක් ලෙස ද මේ ශූරතාවලිය සැලකුනා.
සටහන :
(වර්නන් ගුණසේකර)
ජ්යෙෂ්ඨ මාධ්යවේදී