අප ගැන
Theleader.lk යනු ශ්රී ලංකාව තුළ ක්රියාත්මක වන ප්රවෘත්ති සහ විශේෂාංග පළ වන වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරන Theleader.lk හා, දේශීය මෙන්ම ජාත්යන්තර පාඨක පිරිසක් සිටී.
සමීක්ෂණයන්ගෙන් පෙනී යන කරුණක් වන්නේ, ශ්රී ලංකාවේ දේශපාලනය, ආගම, සමාජය, ආර්ථිකය, ව්යාපාර, සංස්කෘතිය, ක්රීඩා, පරිසරය යනාදී සියළුම අංශයන් නියෝජනය කරමින් විශ්වසනීය තොරතුරු ලබා ගැනීම සඳහා ලොව පුරා ශ්රී ලාංකිකයින් Theleader.lk භාවිතා කරන බවයි.
ශ්රී ලංකාවේ නන් දෙස සිටින වාර්තාකරුවන් සහ නිදහස් ලේඛකයින් විසින් ලබා දෙන පුවත් සහ තොරතුරු, Theleader.lk වෙතින් ප්රවෘත්ති වාර්තාවන්, විශේෂාංග ලිපි සහ වීඩියෝ විශේෂාංග ලෙසින් පළ ඉදිරිපත් කෙරේ.
Theleader.lk යනු, ජාත්යන්තර සහ දේශීය මාධ්ය මාර්ගෝපදේශයන් සහ මාධ්ය ආචාර ධර්මයන්ට අනුකූල පුවත් වෙබ් පර්යන්තයක් වේ. ඒ අනුව, Theleader.lk වෙබ් අඩවියේ පළ වන ඕනෑම පුවතකින් හෝ අන්තර්ගතයකින් ඔබට හෝ ඔබේ සංවිධානයට යම් හානියක් හෝ අගතියක් සිදුවන්නේ නම්, ඒ සඳහා ප්රතිචාර දැක්වීමට ඔබට ඇති අයිතිය ද Theleader.lk පිළි ගනී.
ලීඩර් කාර්ය මණ්ඩලය
සංස්කාරක
තුෂාරා සෙව්වන්දි විතාරණ
විශේෂාංග කර්තෘ
අභිෂේකා වාසලබණ්ඩාර
ප්රවෘත්ති කර්තෘ
ජයසිරි අලවත්ත
ක්රිඩා කර්තෘ
වර්නර් ගුණසේකර
පිටු සැකසුම
මධුෂිකා නෙත්මිණි
Email
Email
+94 76 666 4547
ලීඩර් නිදහස් ලේඛක - ලේඛිකාවන්
ප්රවීන සාහිත්යවේදී හා දේශපාලන විචාරක
ගාමිණී වියන්ගොඩ
දේශපාලන හා සමාජ ක්රියාකාරික
මහාචාර්ය රොහාන් සමරජීව
ප්රවීන දේශපාලන විචාරක හා ජ්යෙෂ්ඨ මාධ්යවේදී
කුසල් පෙරේරා
නිදහස් ලේඛක
ජයසිරි අලවත්ත
පි සමරසිරි
හිටපු නියෝජ්ය අධිපති, ශ්රී ලංකා මහ බැංකුව
ආර්ථික විද්යාව බී.ඒ. ගෞරව(කොළඹ විශ්ව විද්යාලය) සහ එම්.ඒ.(කැන්සස් විශ්ව විද්යාලය)
ආචාර්ය ප්රදීප් එන්. වීරසිංහ
ජ්යෙෂ්ඨ කථිකාචාර්ය,
කොළඹ විශ්වවිද්යාලය.
මහාචාර්ය චරිත හේරත් - පා.ම.
(ජනමාධ්ය අමාත්යංශයේ ලේකම්වරයකු ලෙස කටයුතු කර ඇති මහාචාර්ය චරිත හේරත්, පේරාදෙනිය විශ්වවිද්යාලයේ දර්ශන අධ්යයන අංශයේ මහාචාර්ය වරයකු ලෙසත් පාර්ලිමේන්තුවේ කෝප් කමිටුවේ සභාපති ලෙසත් කටයුතු කළේය.)
ජ්යේෂ්ඨ කථිකාචාර්ය, ධම්ම දිසානායක
කොළඹ විශ්වවිද්යාලයේ දේශපාලන විද්යාව සහ රාජ්ය ප්රතිපත්ති අධ්යයන අංශය
රංජිත් කීර්ති තෙන්නකෝන්
ජනාධිපති අධ්යක්ෂ ජනරාල් (ප්රජා කටයුතු)
ආචාර්ය නදී දිසානායක
Founder/Secretary - CUP
Senior Commissioner
Inland Revenue, Sri Lanka
නිදහස් මාධ්යවේදී
විමලනාත් වීරරත්න
දේශපාලන හා සමාජ විශ්ලේෂක
චින්තන ධර්මදාස
අධ්යක්ෂ - facultyofsex
නිදහස් ලේඛක
නීතිඥ චන්ද්රසිරි සෙනෙවිරත්න
සමාජ හා දේශපාලන ක්රියාකාරික
රංජිත් හේනායක ආරච්චි
චන්දිමා ජයසේන
Social Work Educator and Social Worker
කාන්ති කාරියවසම්
සමාජ හා දේශපාලන විශ්ලේෂක
ආචාර්ය මහේෂ් හපුගොඩ
සමාජ හා දේශපාලන විශ්ලේෂක
ආචාර්ය උදන් ප්රනාන්දු
සමබිම පක්ෂයේ නායක
දීප්ති කුමාර ගුණරත්න
කොළඹ විශ්ව විද්යාලයේ ආර්ථික විද්යා අංශය
ආචාර්ය (නීතිඥ) ශානුක සෙනරත්
සමාජ - ඉතිහාස විශ්ලේෂක
විශේෂඥ වෛද්ය අජිත් අමරසිංහ
සම සම්බන්ධීකාරක
ආචාර්ය සුජාතා ගමගේ
ශ්රී ලංකා අධ්යාපන සංසදය
නිදහස් ලේඛක
චන්දන ප්රසන්න
ප්රවීන දේශපාලන විචාරක හා ජ්යෙෂ්ඨ මාධ්යවේදී
සුනන්ද දේශප්රිය
නිදහස් ලේඛක
ඥානසිරි කොත්තිගොඩ
BBC සිංහල සේවයේ හිටපු මාධ්යවේදී
නිදහස් මාධ්යවේදී
නිලන්ත ඉලංගමුව
ජයශ්රී ප්රියලාල්
යුනී ගෝලීය වෘත්තීය සමිති ජාලයේ ආසියා හා ශාන්තිකර කලාපයේ මූල්ය සහ වෘත්තීය කළමණාකරුවන්ගේ සේවාවන් අංශයේ කලාපීය අධ්යක්ෂකවරයා වන අතර, ඔහු ලිපි රචකයෙක් හා පර්යේෂකයෙක් ලෙසද කටයුතු කරනු ලබයි.
සමාජ ව්යවසායක සහ කර්තෘ
එරන්ද ගිනිගේ
හිටපු ජනාධිපති උපදේශක
ටෙලිනාට්ය නිෂ්පාදක
අසංක දොඩන්තැන්නේ
ප්රවීණ සාහිත්යවේදී
කපිල කුමාර කාලිංග
ප්රවීණ සාහිත්යවේදී හා මාධ්යවේදී
මංජුල වෙඩිවර්ධන
ඉතිහාසඥ/ සාහිත්යවේදී
සුජිත් අක්කරවත්ත
නිදහස් ලේඛිකා
සුභාෂිණි චතුරිකා
නිදහස් ලේඛක
නීතිඥ රසාංග හරිශ්චන්ද්ර
සමාජ හා දේශපාලන විශ්ලේශක
රන්ජන සේනානායක
(අධ්යයන කවය)
" 89- සහෝදරත්වය"
නිදහස් මාධ්යවේදී
ජයසිරි ජයසේකර
සමාජ හා දේශපාලන විශ්ලේෂක
ආචාර්ය ලයනල් බෝපගේ
(ජවිපෙ හිටපු ලේකම්වරයෙකි)
ගවේශනාත්මක මාධ්යවේදී
තිලක් සේනාසිංහ
සමාජ හා දේශපාලන ක්රියාකාරික
සුදත් චන්ද්රසේකර
ජනාධිපති වික්රමසිංහගේ හිටපු පෞද්ගලික ලේකම්
ශ්රී ලංකා ජාතික සාම මණ්ඩලයේ විශ්ලේෂක
ආචාර්ය ජෙහාන් පෙරේරා
ලේඛිකා, පරිවර්තිකා
ගයාත්රී නදීශානි තන්තිරිවත්ත
ලීඩර් පබ්ලිකේෂන් පුද්ගලික සමාගම
ලීඩර් පබ්ලිකේෂන් පුද්ගලික සමාගම යනු, සමාජ ප්රජාතන්ත්රවාදී වටිනාකම් මත පදනම්ව ජනතාව දැනුවත් කිරීම සහ තොරතුරු වලින් පෝෂණය කිරීම අරමුණු කොට ගත්, සිවිල් හරයාත්මක පදනමකින් යුත්, සමාජ මාධ්ය හා වෙබ් පර්යන්තයන් අයත් වූ සමාගමකි. ලීඩර් පබ්ලිකේෂන් අපි, ජාතිවාදය, ආගමික අන්තවාදය, බහුතරවාදය, මෙන්ම, ස්ත්රී පුරුෂ භාවය සහ/හෝ ලිංගිකත්වය පාදක කොට ගත් කොන් කිරීම් වලට සහ අනෙකුත් සියලු ආකාරයේ අගතීන්ට එරෙහිව නැගී සිටින්නෙමු.
ඕනෑම පුද්ගලයෙකුගේ පෞද්ගලිකත්වයට ඇති අයිතිය අපි තහවුරු කරන අතරම, ශ්රී ලංකාවේ පවතින ව්යවස්ථාපිත මාධ්ය රෙගුලාසි, මාධ්ය ආචාර ධර්ම, විකාශන නීති මෙන්ම, සමාජ මාධ්ය සඳහා වන ප්රජා මාර්ගෝපදේශවයන්ට ද අපි අනුකූලව කටයුතු කරන්නෙමු.
අපි සෑම විටකම අපක්ෂපාතීත්වය පවත්වා ගැනීමට වෑයම් කරන අතරම, ඒ අනුව කිසිදු දේශපාලන පක්ෂයක් සමඟ කටයුතු කිරීම හෝ පෙළ ගැසීම නොකරමු. සමාජයට ප්රතිලාභයක් ලැබෙන ආකාරයේ සඵලදායී විවේචනයක් ඉදිරිපත් කිරීමට අපි උත්සාහ කරමු. එසේම, අප විසින් අපගේ වාර්තාකරණය සම්පූර්ණ විනිවිදභාවයකින් පවත්වා ගන්නා අතරම, කිසි විටෙකත් රහසිගතව කරුණු එක් රැස් කොට ඉදිරිපත් කරන හෝ වෙනත් රහස්ය වාර්තාකරණයන් හි නිරත නොවෙමු.
අපගේ දැක්ම
සාමය සහ සමගිය නඟා සිටුවන ආකාරයෙන්, සමාජ අභිවෘද්ධිය සඳහා, සෑම විටම සත්ය බවට තහවුරු කර ගත්, සාක්ෂි සාධක මත පදනම් වූ තොරතුරු සපයමු.
අපගේ මෙහෙවර
සියලුම පුද්ගලයින්ට පුද්ගලික අවකාශය (පෞද්ගලිකත්වය) සඳහා ඇති අයිතිය සහතික කරමින්, සදාචාරාත්මකව, සමාජය දැනුවත් කිරීම සහ තොරතුරු සැපයීම අපගේ මෙහෙවරයි. මේ සඳහා, අදාළ ක්ෂේත්රයන්හි විශේෂඥ හා ප්රවීණ දැනුම ඇත්තන් ඇතුළු විශ්වසනීය මූලාශ්ර ඔස්සේ සත්යාපනය කර ගනිමින්, සත්ය බවට තහවුරු කොට ගත්, ප්රවෘත්ති පමණක් ඉදිරිපත් කිරීමත්, එලෙසින්ම, අප විසින් ඉදිරිපත් කරන ප්රවෘත්ති හරහා, අවාසි සහගත තත්වයන් අත්විඳිය හැකි හෝ වින්දිත විය හැකි පුද්ගලයින්/කණ්ඩායම් සඳහා, එම අදාළ පුවත් වලට ප්රතිවිරුද්ධ අදහස් හෝ මත ඉදිරිපත් කිරීම සඳහා අවකාශයක් නිර්මාණය කිරීම ද ඇතුළත් වේ.
අපගේ අරමුණු
- වගකීම් සහගත, කාලෝචිත සහ ආචාර ධාර්මික වාර්තාකරණය
- ජාතිවාදය, ආගමික අන්තවාදය, බහුතරවාදය, ස්ත්රී පුරුෂ භාවය සහ/හෝ ලිංගිකත්වය පදනම් කරගත් කොන් කිරීම්වලට එරෙහිව කටයුතු කිරීම
- සියලුම ශ්රී ලාංකික පුරවැසියන්ගේ සිවිල් අයිතිවාසිකම් ප්රවර්ධනය කිරීම
- සමාජ ප්රජාතන්ත්රවාදී වටිනාකම් ආරක්ෂා කිරීම
- ‘සුළුතර’ ගැටළු පිළිබඳ අවධානය සඳහා පර්යන්තයක් සැපයීම
- රාජ්ය ප්රතිපත්ති සහ ප්රතිපත්ති සම්පාදනය පිළිබඳ කතිකාවක් ප්රවර්ධනය කිරීම
- නීතිමය සහ ව්යවස්ථාදායක ගැටළු පිළිබඳව සොයා බැලීම
- ව්යාපාර සහ ආයතනික අංශයන්ට අදාළ ගැටළු සමඟ කටයුතු කිරීම
- භූ දේශපාලනික ගැටළු විවාදයට පාත්ර කිරීම
- ඉතා අවදානමට ලක්විය හැකි මට්ටමේ සිටින පුද්ගලයින්ගේ ගැටළු ඉස්මතු කිරීම
- තොරතුරු බෙදා හැරීමේදී, ආචාර ධාර්මික සමාජ මාධ්ය භාවිතය සඳහා ආදර්ශයක් සැපයීම
- ආචාර ධාර්මික සමාජ මාධ්ය භාවිතය පිළිබඳ තරුණ ප්රජාවට පුහුණුව ලබා දීම
‘ද ලීඩර් - මීඩියා ආයතනික ප්රතිපත්ති සහ ඒකාබද්ධ මාධ්ය ආචාරධර්ම ප්රකාශනය
(The Leader Media Corporate Policy and Integrated Media Guidelines)’
1. ආයතනික අනන්යතාවය සහ ඩිජිටල් පැවැත්ම (Corporate Identity & Digital Presence)
'' ද ලීඩර් - මීඩියා '' (The Leader Media) යනු, සමාජ ප්රජාතන්ත්රවාදී වටිනාකම් මත පදනම්ව ජනතාව දැනුවත් කිරීම, තොරතුරුවලින් පෝෂණය කිරීම සහ මහජන සතුට (Public Happiness) ප්රවර්ධනය කිරීම අරමුණු කොට ගත්, සිවිල් හරයාත්මක පදනමකින් යුත් නූතන ඩිජිටල් මාධ්ය සමාගමකි.
අපගේ සේවාවන් වෙබ් අඩවි, ජංගම යෙදවුම් (Apps), සමාජ මාධ්ය ජාල (YouTube, Facebook, TikTok, Instagram, Threads) සහ ඩිජිටල් ප්රවාහන මාධ්ය (Streaming/OTT Platforms) ඔස්සේ සමස්ත ඩිජිටල් අවකාශය පුරාම එක හා සමානව, සක්රීයව ක්රියාත්මක වේ.
අප කිසිදු දේශපාලන පක්ෂයක්, ජාතියක් හෝ ආගමික සංවිධානයකට පක්ෂපාතීව කටයුතු කිරීම හෝ පෙළගැසීම නොකරන අතර, සෑම විටම ඩිජිටල් මාධ්යකරණයේ අපක්ෂපාතීත්වය (Impartiality) උපරිමයෙන් පවත්වා ගැනීමට වෑයම් කරමු.
අංක එක වීමේ තරඟයෙන් බැහැර වීම (Moving Beyond the "No. 1" Rat Race): අප සාම්ප්රදායික මාධ්ය ක්ෂේත්රයේ පවතින "අපි තමයි අංක එක" කියන පටු, වාණිජ්යමය තේමාවෙන් සහ තරඟකාරීත්වයෙන් මුළුමනින්ම බැහැර වන්නෙමු. අපගේ ඉලක්කය ජනප්රියත්වයේ අංක ශ්රේණිගත කිරීම් (Ratings) නොව, ප්රේක්ෂකයාගේ ජීවිතයට එකතු කරන ගුණාත්මක වටිනාකමයි.
2. අපගේ දැක්ම සහ මෙහෙවර (Vision & Mission)
අපගේ දැක්ම / Our Vision
"සාමය, සමගිය සහ ප්රජා සතුට (Community Happiness) නඟාසිටුවන ආකාරයෙන්, සමාජ අභිවෘද්ධිය උදෙසා, ඩිජිටල් මාධ්ය පර්යන්තයන් ඔස්සේ සෑම විටම සත්ය බවට තහවුරු කරගත්, සාක්ෂි සාධක මත පදනම් වූ තොරතුරු, බුද්ධිමය සංවාද සහ හරවත් අන්තර්ගතයන් සැපයීම."
අපගේ මෙහෙවර / Our Mission
මනසට ආමන්ත්රණය කිරීම (Appealing to the Intellect, Not the Emotions): මිනිසුන්ව ආවේගශීලී හෝ අන්ධ භක්තිකයින් කරන "හදවතට ආමන්ත්රණය කිරීමේ" ලාභදායී මාධ්ය ක්රමවේදයෙන් බැහැරව, ප්රේක්ෂකයාගේ විචාරශීලී ඥානය අවදි කරන "මනසට ආමන්ත්රණය කිරීමේ" තාර්කික මාධ්ය කලාවක් පවත්වාගෙන යාම.
යහපත් අදහස් ප්රවර්ධනය (Cultivating Positive Ideas):
දේශපාලන, ආර්ථික, සාමාජීය සහ සංස්කෘතික යන සෑම ක්ෂේත්රයකම සමාජයේ ප්රගතියට හේතුවන "යහපත් සහ ප්රගතිශීලී අදහස්" (Progressive & Constructive Discourse) සඳහා පමණක් ප්රමුඛතාවය දීම.
සියලුම පුරවැසියන්ගේ සහ ඩිජිටල් පරිශීලකයන්ගේ පෞද්ගලිකත්වයට ඇති අයිතිය (Right to Privacy & Data Protection) සහතික කරමින්, සදාචාරාත්මකව සමාජය දැනුවත් කිරීම, තොරතුරු සැපයීම සහ මානසික සුවතාවය (Well-being) නැංවීම.
ඩිජිටල් අවකාශයේ වේගයෙන් පැතිරෙන ව්යාජ පුවත් (Fake News) සහ නොමඟ යවන සුළු තොරතුරු (Misinformation) සපුරා බැහැර කරමින්, විශ්වසනීය මූලාශ්ර ඔස්සේ සත්යාපනය කරගත් ප්රවෘත්ති පමණක් සියලුම තිර (Screens) වෙත මුදාහැරීම.
අපගේ වාර්තාකරණය හෝ සබැඳි සටහන් (Digital Posts/Comments) හරහා යම් අවාසි සහගත තත්ත්වයකට පත්විය හැකි පුද්ගලයන්/කණ්ඩායම් වෙත, එම පුවත්වලට ප්රතිවිරුද්ධ අදහස් ඉදිරිපත් කිරීම සඳහා ඩිජිටල් මාධ්ය අවකාශයෙන් සමාන ඉඩක් (Digital Right of Reply) ලබාදීම.
3. සෘජු නියෝග සහ දැඩි තහනම් (Strict Directives & Prohibitions)
'' ද ලීඩර් - මීඩියා '' ඩිජිටල් අවකාශයේ සේවය කරන සියලුම අංශ ප්රධානීන්, මාධ්යවේදීන්, නිෂ්පාදකයන් සහ කන්ටෙන්ට් ක්රියේටර්වරුන් (Content Creators) පහත සඳහන් නියෝග ව්යංගාර්ථයෙන් තොරව, සෘජුව සහ අනිවාර්යයෙන්ම පිළිපැදිය යුතුය. මේවා උල්ලංඝනය කිරීම සේවය අත්හිටුවීමට බලපාන බරපතළ වරදකි:
දුක සහ කඳුළ විකිණීම සපුරා තහනම් කිරීම (Prohibition of Exploiting Pain & Sadness):
ලාභ හෝ Ratings ඉලක්ක කරගනිමින් මිනිසුන්ගේ දුක, කඳුළ, වේදනාව, අසරණකම හෝ පෞද්ගලික ඛේදවාචක "විකිණීම" (Sensationalism/Exploitation) සපුරා තහනම් වේ. අපගේ අන්තර්ගතයන් තුළින් කිසිවිටෙකත් සමාජය තුළ බලාපොරොත්තු සුන්වීම (Hopelessness) හෝ අසුබවාදය වැපිරීම නොකළ යුතුය.
වැඩසටහන්කරණයේ සතුට මුල් කර ගැනීම (Happiness Over Cheap Entertainment):
සියලුම වැඩසටහන් සහ ඩිජිටල් අන්තර්ගතයන් සැලසුම් කළ යුත්තේ ලාභදායී විනෝදාස්වාදය (Cheap Entertainment) සඳහා නොව, ප්රේක්ෂකයාගේ මනස සැහැල්ලු කරන, ජීවිතයට ධනාත්මක බලාපොරොත්තුවක් දෙන "සතුට" (Genuine Happiness & Positivity) තේමාව කරගනිමිනි.
ජාතික හා ආගමික සංහිඳියාව (National & Religious Harmony):
අප කිසිදු විටෙක ජාතීන් අතර හෝ ආගම් අතර පවතින සංහිඳියාවට බාධා කෙරෙන ආකාරයේ, හෝ ජාතිවාදය ඇවිස්සෙන ආකාරයේ කිසිදු ප්රකාශයක්, දෘශ්ය පටයක් (Videos), උපහාසාත්මක නිර්මාණයක් (Memes/Humor) සෘජුව හෝ වක්රාකාරයෙන් (Directly or Indirectly) නිර්මාණය කිරීම, විකාශය කිරීම හෝ සමාජ මාධ්ය හරහා බෙදා හැရීම (Share) නොකරන්නෙමු.
පෞද්ගලිකත්වයට ගරු කිරීම (Zero Undercover/Hidden Reporting):
කිසිදු පුද්ගලයෙකුගේ පෞද්ගලික ජීවිතයට හෝ රහස්යභාවයට හානි වන අයුරින්, ඔවුන්ගේ පූර්ව අවසරයකින් තොරව රහසිගත කැමරා (Hidden Cameras), රහසිගත හඬ පටිගත කිරීම් (Voice Recorders) හෝ වංචනික උපක්රම මඟින් තොරතුරු රැස් කිරීම සපුරා තහනම් වේ. සියලුම තොරතුරු ලබාගත යුත්තේ වෘත්තීයමය සහ විනිවිදභාවයකින් යුත් මාධ්ය සම්ප්රදායන්ට අනුකූලව පමණි.
ලිංගික අනන්යතාවන්ට ගරු කිරීම (Strict Anti-Harassment Policy):
කිසිදු වැඩසටහනකදී, ප්රවෘත්ති වාර්තාකරණයකදී හෝ ඩිජිටල් සටහනකදී (Posts/Captions) යම් පුද්ගලයෙකුගේ ස්ත්රී/පුරුෂ භාවය, ලිංගික අනන්යතාවය (LGBTQ+ ප්රජාව ඇතුළුව) හෝ ශාරීරික ස්වභාවය (Body Shaming) උපහාසයට, අපහාසයට හෝ කොන් කිරීමට ලක්කරන කිසිදු වචනයක්, ස්වරයක් (Tone) හෝ සංකේතයක් භාවිත කිරීම සපුරා තහනම් වේ.
ව්යාජ සහ සාවද්ය පුවත් තහනම (Zero Tolerance for Fake News):
ඩිජිටල් අවකාශයේ වැඩි ප්රවේශයන් (Views/Likes/Clicks) ලබාගැනීමේ පටු අරමුණින්, තහවුරු නොකළ, නොමඟ යවන සුළු සිරස්තල (Clickbait Titles) හෝ සාවද්ය පුවත් නිර්මාණය කිරීම සපුරා තහනම් වේ. සෑම ඩිජිටල් පෝස්ටුවක්ම සහ වීඩියෝවක්ම මුදාහැරීමට පෙර නිසි පරිදි සත්යාපනය (Fact-check) කර තිබීම අනිවාර්ය වේ.
ළමා හා වින්දිතයන්ගේ ආරක්ෂාව (Protection of Minors & Victims):
කිසිදු අපරාධයකට, ලිංගික හිංසනයකට හෝ අනතුරකට ලක්වූ වින්දිතයන්ගේ (Victims) හෝ වයස අවුරුදු 18ට අඩු දරුවන්ගේ අනන්යතාවය, මුහුණ, පාසල හෝ පෞද්ගලික තොරතුරු ඔවුන්ගේ සහ භාරකරුවන්ගේ නිල නීතිමය අවසරයකින් තොරව සෘජුව හෝ වක්රව (බ්ලර් කිරීමකින් තොරව හෝ වක්ර ඉඟි මඟින්) අනාවරණය කිරීම සපුරා තහනම් වේ.
ඩිජිටල් හිංසනය වැළැක්වීම (Anti-Cyberbullying & Trolling): '
' ද ලීඩර් - මීඩියා '' නිල ඩිජිටල් පිටු සහ ගිණුම් පරිපාලනය කිරීමේදී (Page Moderation), බාහිර පුද්ගලයන් ඉලක්ක කරගනිමින් සිදුවන සයිබර් හිංසනයන් (Cyberbullying), වෛරී ප්රකාශ (Hate Speech) සහ ද්වේෂසහගත විවේචන (Trolling) අඩංගු ප්රතිචාර (Comments) වහාම ඉවත් කිරීමට ඩිජිටල් අංශය ක්රියා කළ යුතුය.
4. නීතිමය සහ ප්රජා මාර්ගෝපදේශ අනුකූලතාවය (Regulatory Compliance)
ශ්රී ලංකාවේ පවතින ව්යවස්ථාපිත මාධ්ය රෙගුලාසි, ශ්රී ලංකා පුවත්පත් පැමිණිලි කොමිෂන් සභාවේ ආචාරධර්ම සහ අදාළ විකාශන නීතිවලට අපි පූර්ණ වසයෙන් බැඳී සිටින්නෙමු.
ජාත්යන්තර සමාජ මාධ්ය ජාලයන්හි පවතින ප්රජා මාර්ගෝපදේශයන් (Social Media Community Guidelines), බුද්ධිමය දේපළ හිමිකම් නීති (Copyright Laws) සහ මුදල් ඉපැයීමේ ප්රතිපත්ති (Monetization Policies) කිසිදු ලෙසකින් උල්ලංඝනය නොවන පරිදි ඩිජිටල් අන්තර්ගතයන් නිර්මාණය කිරීමට වගබලා ගන්නෙමු.
5. අපගේ ප්රධාන උපායමාර්ගික අරමුණු (Our Strategic Goals)
A. බුද්ධිමය සහ ආචාරධාර්මික ඒකාබද්ධ මාධ්යකරණය (Intellectual & Ethical Hybrid Journalism)
ඩිජිටල් පුවත් ද්වාරයන් (Digital News Portals) හරහා වගකීම් සහගත, කාලෝචිත සහ ධනාත්මක සන්නිවේදනයක් (Constructive/Positive Journalism) සහිත, මනසට ආමන්ත්රණය කරන වාර්තාකරණයක නිරත වීම.
තොරතුරු බෙදා හැරීමේදී සහ ප්රේක්ෂක ප්රතිචාර (Engagement) කළමනාකරණය කිරීමේදී, ආචාරධාර්මික සමාජ මාධ්ය භාවිතය සඳහා ලංකාවේ ප්රමුඛතම ආදර්ශය සැපයීම.
ආචාරධාර්මික සමාජ මාධ්ය භාවිතය, ඩිජිටල් ආරක්ෂාව (Digital Safety) සහ සයිබර් අවකාශය තුළ මානසික සුවතාවය (Digital Wellbeing) පවත්වා ගනිමින් බුද්ධිමත් ලෙස සතුටින් ජීවත්වන ආකාරය පිළිබඳව මෙරට තරුණ ප්රජාව සහ පාසල් දරුවන් පුහුණු කිරීම (Red Circle ආයතනික CSR ව්යාපෘතියට සමගාමීව).
B. මානව හිමිකම්, සිවිල් අයිතීන් සහ ඩිජිටල් අයිතීන් (Civil & Digital Rights)
සියලුම ශ්රී ලාංකික පුරවැසියන්ගේ සිවිල් අයිතිවාසිකම් මෙන්ම ඔවුන්ගේ ඩිජිටල් අයිතිවාසිකම් (Digital Rights & Internet Freedom) ප්රවර්ධනය කිරීම.
සමාජය තුළ වඩාත් අවදානමට ලක්විය හැකි මට්ටමේ සිටින පීඩිත පුද්ගලයන්ගේ ගැටලු, ඔවුන් තවදුරටත් වින්දිතයන් නොකරන (Non-exploitative) ආකාරයෙන් සහ ඔවුන්ගේ මනසට ධනාත්මක බලාපොරොත්තුවක් දෙන කෝණයෙන් ඩිජිටල් මාධ්ය ව්යාපෘති (Digital Documentaries, Podcasts, Reels) හරහා ලෝකය හමුවට රැගෙන යාම.
'සුළුතර' ප්රජාවන් මුහුණ දෙන ගැටලු සහ ඔවුන්ගේ සංස්කෘතික අනන්යතාවයන් වෙනුවෙන් පෙනී සිටීමට විවෘත ඩිජිටල් මාධ්ය පර්යන්තයක් (Digital Platform) සැපයීම.
C. රාජ්ය ප්රතිපත්ති, නීතිය සහ භූ-දේශපාලනය (Governance & Geopolitics)
රාජ්ය ප්රතිපත්ති, ජාතික ප්රතිපත්ති සම්පාදනය සහ ව්යවස්ථාදායක ගැටලු පිළිබඳව ඩිජිටල් අවකාශය තුළ බුද්ධිමත් මහජන කතිකාවන් සහ සජීවී විවාද (Live Digital Forums) ප්රවර්ධනය කිරීම.
කලාපීය සහ ගෝලීය භූ-දේශපාලනික ගැටලු (Geopolitical Issues) පිළිබඳව දත්ත සහ සාක්ෂි මත පදනම් වූ විද්යාත්මක විශ්ලේෂණ ඩිජිටල් ප්රේක්ෂකයාගේ තර්කනයට ගැලපෙන කෙටි සහ ආකර්ෂණීය ආකෘතිවලින් (Infographics/Short Videos) වෛරී හෝ ආවේගශීලී නොවන ස්වරූපයෙන් ඉදිරිපත් කිරීම.
D. ආර්ථික සහ ආයතනික සංවර්ධනය (Corporate & Tech Discourse)
දේශීය ව්යාපාර, ඩිජිටල් ව්යවසායකත්වය (E-commerce / Startups) සහ ආයතනික අංශයන්ට අදාළ ගැටලු, ප්රවණතා සහ නවෝත්පාදනයන් සමඟ සක්රීයව කටයුතු කිරීම.
අනුමත කළේ:
අධ්යක්ෂ මණ්ඩලය / ප්රධාන විධායක නිලධාරී
'' ද ලීඩර් '' පුද්ගලික සමාගම
දිනය: 30/ 06 / 2026