තම රැකියාවට ඉන්ද්‍රානි මොන තරම් ආදරය කළාදැයි කිවහොත් ඇය තරම් වේගයෙන් දළු කඩන කෙනෙකු එම වතුයායේ කොහේවත් සිටියේ නැත.තම රැකියාවට ඉන්ද්‍රානි මොන තරම් ආදරය කළාදැයි කිවහොත් ඇය තරම් වේගයෙන් දළු කඩන කෙනෙකු එම වතුයායේ කොහේවත් සිටියේ නැත. දියණියන් දෙදෙනෙකු සහ එක් පුතෙකු ලැබූ ඉන්ද්‍රානි සිය දරුවන් සහ සැමියා සමඟ වාසය කළේ එම වත්තේ ලයිම් කාමරයක ය. එය එක් දිගට කාමර පහක් හයක් පවතින ලැයිම් පේළියක් නොවේ. ඉන්ද්‍රානිට ලැබී තිබුණේ ද්විත්ව ගෘහ (dual cottage ) ලෙසින් හඳුන්වන මැදින් බිත්තියකින් වෙන් කර දෙපැත්තේ කාමර දෙකක් ලෙසින් තනන ලද ලැයිම් ගෙයක එක් පැත්තක කාමරයක් ය. අනෙක් පැත්තේ කාමරයේ තවත් කම්කරු යුවළක් විසූහ.
බොහෝ වෙහෙස මහන්සි වී වැඩ කළ ඉන්ද්‍රානි ට සෑහෙන මුදලක් උපයා ගැනීමට හැකියාව ලැබිණි. බොහෝ වෙහෙස මහන්සි වී වැඩ කළ ඉන්ද්‍රානි ට සෑහෙන මුදලක් උපයා ගැනීමට හැකියාව ලැබිණි. සකසුරුවම් කමින් ජීවත් වූ ඇය දරුවන්ද පාසල් යවන අතරේ වත්තේ කාන්තාවන් සමඟ සීට්ටු දමන්නට පටන් ගත්තාය. එයින් සෑහෙන මුදලක් ඉතිරි කර ගැනීමට ඉන්ද්‍රානි ට හැකි විය. ඇය සේවය කරන වතුයාය වැවිලි සංස්ථාව මගින් පාළනය වන සමාගමක් මගින් බද්දට ලබාගත් අර්ධ රාජ්‍ය වතුයායකි. එවැනි සමහර වතුවල සේවකයන්ට තමන්ගේ ලයිම් කාමරවල අයිතිය ලබාගත හැකි අතර ඒවා කැමති පරිදි සකස් කර ගන්නටද හිමිකම ලැබේ. දරුවන්ට උගන්වන අතරේ ඉන්ද්‍රානි ඔවුන් වාසය කරන ලැයිම් කාමරය කඩා එය කුඩා දෙමහල් නිවසක් ලෙස ගොඩ නඟා ගත්තාය. ඒ, දරුවන් ඉගෙනගෙන ලොකු මහත් වන විට ඔවුන්ට ලැජ්ජාවක් නැතිව ඉන්නට හිටින්නට හොඳ ගෙයක් තිබිය යුතු යැයි ඇය විශ්වාස කළ නිසා ය. සමහර කම්කරු කාන්තාවන් මෙන් ඉන්ද්‍රානි මත්පැන් පානය කළේ නැත. සැමියා මත්පැන් පානය කළත් ඔහුට ඊට ඇබ්බැහි නොවීම ඉන්ද්‍රානි ට තිබූ ලොකුම සහනයයි.
කිට්ටුව තිබූ ගමේ පාසලෙන් උගත් ඉන්ද්‍රානි ගේ දරුවෝ සාමාන්‍ය පෙළ සමත් වූහ. ඉන්ද්‍රානි තමන් පැතූ ලෝකය දිනා ගත්තාය. නමුත් ඇය දළු කැඩීම අතහැරියේ නැත. ජීවිතය දිනා ගැනීමට සවියක් වූ රැකියාවට ඇය ආදරය කරන්නීය. ඇහිපිල්ලම් ගසනවාටත් වඩා වේගයෙන් දළු කඩන ඉන්ද්‍රානිගේ දෑඟිලි තේ දළු අතර එහා මෙහා යන අයුරු සැබවින්ම විශ්මයජනක ය. මේ නිසාම වතුයායේ සේවක සේවිකාවන් උදෙසා වාර්ෂිකව පවත්වනු ලබන සම්මාන ප්‍රදානෝත්සවයේදී වතුයායේ අදාළ කොටසේ (division) දක්ෂතම සේවිකාවගේ සම්මානය, මුළු වතුයායේම දක්ෂතම සේවිකාවගේ සම්මානය වශයෙන් පිට පිටම වසර ගණනාවක් තිස්සේ එම සම්මාන දිනා ගනිමින් සිටින්නේ ඉන්ද්‍රානි ය. ඒ වෙනුවෙන් ඇයට සම්මානවලට අමතරව මුදල් තිළිණ ද හිමිවෙයි. ඒ හැරුණු විට එම සමාගමට අයත් සියලු වතුයායන්හි හොඳම සේවිකාවගේ සම්මානයත් ඉන්ද්‍රානි දිනා ගත්තාය.
තම පරම්පරාවේ අවසානම කුලී කම්කරුවා තමන් විය යුතු බවට විශ්වාස කරමින් දරුවන් කුලී රස්සාවෙන් මුදවා නගරයේ හොඳ රැකියා කරනු දකින්නට ඔවුහු ප්‍රාර්ථනා කරති. 
සබැඳි ලිපි :
නොරට සිට ආ මුතුන් මිත්තෝ (19) : වත්තේ වැඩට වඩා "ගොඩේ" වැඩ අතට මිටට හොඳයි ? - (ඉන්දු පෙරේරා)
නොරට සිට ආ මුතුන් මිත්තෝ (18) : සිලෝන් ටීවලට කුමක් වෙයි ද? - (ඉන්දු පෙරේරා)
නොරට සිට ආ මුතුන් මිත්තෝ (17) : තුන් වේලට කෑම වෙනුවට බීම (ඉන්දු පෙරේරා)
නොරට සිට ආ මුතුන් මිත්තෝ (16) : "දරුවන් වෙනුවෙන් හීන දුටු වල්ලි අම්මා (ඉන්දු පෙරේරා)
නොරට සිට ආ මුතුන් මිත්තෝ (15) : "සාරායන් ටිකක් නොගහ මේකි එක්ක දීග කෑම නම් බොරු" (ඉන්දු පෙරේරා)
නොරට සිට ආ මුතුන් මිත්තෝ (14) : ඔය මිනිස්සුන්ට මොකටද කරන්ට් එක ? (ඉන්දු පෙරේරා)
නොරට සිට ආ මුතුන් මිත්තෝ (13) : රුපියල් අසූවක දුම්රිය ප්‍රවේශ පත්‍රයකින් ඉන්දියාවට (ඉන්දු පෙරේරා)
නොරට සිට ආ මුතුන් මිත්තෝ (12) : උපන් බිමට හිමිකම් නොලද උපන් බිමේ අසරණයෝ (ඉන්දු පෙරේරා)
නොරට සිට ආ මුතුන් මිත්තෝ (10) : වතුකර දෙමළ ජනතාව ඉන්දියාවට භාර ගැනීමට කැමැත්ත - (ඉන්දු පෙරේරා)
නොරට සිට ආ මුතුන් මිත්තෝ (9) : දෙමළ බෙදුම්වාදයට පාර කැපෙයි - (ඉන්දු පෙරේරා)
නොරට සිට ආ මුතුන් මිත්තෝ (8) : වතු දෙමළ ජනතාවගෙන් ලක්ෂ 8කට පුරවැසිභාවය අහිමියි - (ඉන්දු පෙරේරා)
නොරට සිට ආ මුතුන් මිත්තෝ (7) : දකුණු ඉන්දීය ශ්‍රමිකයන්ට ඩී. එස්. ගෙන් කෙනෙහිලි - (ඉන්දු පෙරේරා)
නොරට සිට ආ මුතුන් මිත්තෝ (6) : අපෙන් බදු මුදල් ! සුද්දන්ගෙන් පාරවල් !! - (ඉන්දු පෙරේරා)
නොරට සිට ආ මුතුන් මිත්තෝ (5) : මාතලේ කුලදෙවියන් පිදූ තැන දේවතාවියක් - (ඉන්දු පෙරේරා)
නොරට සිට ආ මුතුන් මිත්තෝ (4) : සිලෝන් ටී වෙනුවෙන් ඔවුහු දිවි පිදූහ - (ඉන්දු පෙරේරා)
නොරට සිට ආ මුතුන් මිත්තෝ (2): සිංහලයන්ට කටඋත්තර නැති කළ සුද්දෝ (ඉන්දු පෙරේරා)
නොරට සිට ආ මුතුන්මිත්තෝ : ලංකාවට කම්කරුවන් සොයා ඉන්දියාවේ පෝස්ටර් (ඉන්දු පෙරේරා)