ඓතිහාසික රුහුණට අභිමානයක් කැන්දවූ සමනළයා, නික්ම ගොසින් සිතැඟි පරිදි පීජී දූපත් වල 
පෙන්ගුයින් සත්වයින් නරඹමින් ලංකීය දූපත් වැසියන් වෙනුවෙන් සුසුම් හෙළන අයුරු දන්නෝ දනිති……
මදුවිත බඳුන අතරැඳි මංගල අද සිටියානම්…
ජීවිතය යනු විඳිය යුත්තක් බවත්, බෞද්ධ දර්ශනය අනුව එකී දර්ශනය තමා තුළින් තමාව ප්‍රහීණය කරගෙන යථාර්ථවත්ව සමාජයේ සැරිසරිය යුතු බව පසක් කොට ගත් මංගල අද සිටියානම් හුදී ජනයා මෙපමණක් කම්කටොලු දුක් දෝමනස්සයන් වලට මුහුණ නොපානු ඇත…
වසර සීයක් ජීවත් නොවෙන බව දත් මංගල සියළු මිනිසුන්ට තම හෘදය සාක්ෂිය අනුව සැහැල්ලුවෙන් ජීවිතය සොයන මගක් සොයමින් එය ප්‍රත්‍යක්ෂ කොට සමාජයට දායාද කරන්නට නිතැතින්ම උත්සාහ ගත් සැබෑ මිනිසෙකි……
සැබෑ දේශප්‍රේමීන් සෙවීමම මංගලට අවමංගල උනාවත්ද..?
දශක තුනකට පමණ ආසන්න දේශපාලන අත්දැකීම් සම්භාරයක් මෙන්ම, සමනළයා කියමින් හංවඩු ගසද්දීත් දකුණේ අභීතම පෘශ්ඨවංශික මිනිසා ලෙස මංගල තම දේශපාලනික අරමුණු අව්‍යාජව හඹාගියද කිසිදා තනතුරු හඹා නොගිය කෘතහස්ත දේශපාලකයෙකු විය.
අත්දැකීම් සමගින්ම ශ්‍රී ලාංකේය දේශපාලනයේ කුණුවෙමින් ගරාවැටෙනා අනාගතය කල්තියා දුටු මංගල, හිඟන්නාගේ තුවාලය කරගත් ශ්‍රී ලාංකේය දේශපාලනයට නව හැඩයක්, අලංකරණයක් මෙන්ම හැරවුම් ලක්ෂයක් ඉදිරිපත් කරණුයේ " සැබෑ දේශප්‍රේමීන්ගේ රැඩිකල් මැද මාවත " තුළින් ය.
එය මෙතුවක් ශ්‍රී ලාංකික පංන්චස් කන්ධයෙන් රුහිරු උරා බී වැඩුනු "හිරුඩෙනියා" නම් උපවර්ගයට අයත් කූඩැල්ලන්ටත් අන්තව ශ්‍රී ලාංකික මව සමූළ දුෂණයට ලක්කිරීමට එදිරිව තැබූ ඉතිහාසගත අභියෝගාත්මක මූලාරම්භය සනිටුහන් කරමිනි.
ලියුම්කරුට අනුව එකී ආරම්භයම මංගල පින්සිරි සමරවීර නම් නිර්මාණශීලී ආදරණීය සමනළයාට නිමකරන්නට බොහෝ සමාජවගකීම් තිබුණද තවදුරටත් ශ්‍රී ලාංකේය ජඩදේශපාලනය විසින් ඒ මහා වගකීම වගවීම ඉටුකරවාගැනීම,වෙනුවට ඔහු පීජී දූපතේ පෙන්ගුවින් නැරඹීමේ සැඳෑසමයේ සිහිනය වෙත පිටත් කොට හැරුණි…
එය අදටත් අභිරහසකි…….. ඊට තර්කානුකූල කරුණුද රාශියකි…
වරද නිවැරදි කරමින් ඇත්ත මංගල දකිමු…
දිගින් දිගටම ඍජු සමාජ දේශපාලන මත දැරීම නිසාම මංගල සමරවීර ශ්‍රී ලාංකික ග්‍රෝත්‍රික සංස්කෘතිය තුළ දැඩි දෝෂ දර්ශනයට ලක්විය……
පරම්පරාවෙන්ම සැබෑ සැදැහැවත් බෞද්ධ දර්ශනයේ අනුගාමිකයෙක් වූ මංගලට අවසානයේ පන්සල් පවා තහනම් වූ සමයක මාතර වල්පොල සිරිමංගල විහාරස්තානය පමණක් විවෘත වුනි.
එදා මෙදා තුර මංගල සමරවීර විසින් සිදුකළ ප්‍රකාශ නාඩි වාක්‍ය මෙන් එකින් එක සිදුවෙමින් පවතී…
විටක මංගල මෙසේ පවසයි.. "අපි මේවන තුරුම අපේ රටට අම්මට වගේ සැලකුවෙ.. ඒක විහිළුවක්..මදිපුංචි කමක්.. අම්මලට දරුවො හරියට සළකන්නෙ නෑ…….මදර්ස් ඩේ එකට ෆේස්බුක් එකේ කවි ලියන පුතාල අම්මට සළකණ පුතාල දූල ඇත්තටම අම්මට සළකණ විදිය අපි දන්නව.. රෑට බීගෙන ඇවිත් අම්මට තඩිබාන තාත්තල ඉස්සර පුතාල දූලගෙ හැසිරීම අපි දන්නව .. මේ සියල්ල ඉවසමින් අපමණ දුක් විඳිමින් දරුවට හදවතින්ම ආදරේ කරණ අම්මල ඉන්න රටේ, අපි අපේ රටට දරුවට වගේ සළකන්න කියන ආකල්පමය වෙනස සමඟ සංකල්පමය වෙනසක් සමාජගත කළ මංගලගේ ඉදිරි පිම්මේ දිග, පළල, දුර දිග වටහා ගත් ජඩ දේශපාලකයන් මංගලට හරස් වූ බව නැවතත් ලියුම්කරු විසින් අවධාරණය කරමි.
කෙසේ නමුත් ඉන්ධන මිළ සූත්‍රයේ සිට මංගල විසින් මෑත ඉතිහාසයේ යෝජනා කළ අදහස් අදවන විට යතාර්ථයක් වී අවසන්‍ ය…
එසේ නම් අදට යෙදෙන හිටපු අමාත්‍ය මංගල පින්සිරි සසමරවීරයන් ගේ නාමයෙන්, අපි අද සිට කෙතරම් අවාසි සහගත උවත් ඇත්ත වෙනුවෙන් පමණක් පෙනී සිටිමි.
හැකි සෑම විටම අවංකව තම වෘත්තියේ නියැලෙමු…
අපි අපේ රටට අම්මට මෙන් නොව දරුවට මෙන් සළකමු..
අභියෝග හමුවේ නොසැලෙමු, රට වෙනුවෙන් මානව වර්ගයා වෙනුවෙන් ඇපකැප වෙමු..
ජිවිතය විඳවන්නක් නොව විඳින්නට ඇති දෙයක් බව පසක් කරගමු…
කිසිවිටෙක නිශ්චිත මොහොතේ කළ යුතු දේ කල්නොදමා ඒ මොහොතේම ඉටු කරමු…
මාළුවෙක් වෙනුවට බිලීපිත්තක්,පිරිනමණ තත්වයට අපි එකිනෙකා අතර අන්නෝන්‍ය බැඳියාව වර්ධනය කරගමු..
එහෙනම් මංගල ඉන්න තැනක සතුටින් ඉන්න කියල කියන්න අවශ්‍ය නැති තරමටම ඉන්න කාළෙ සියළුම සමාජ ස්ථර ආදරයෙන් ස්පර්ශ කරාට ස්තුතියි අහිංසක සමනළයාණෙනි…
(සුමුදු මද්දුමආරච්චි)
මිලානෝ, ඉතාලිය.
lyricsdsl7@gmail.com
