මේ හේතුවෙන් කොළඹ, කළුතර, ගාල්ල සහ මාතර ඇතුළු දිස්ත්‍රික්ක වල පහත් බිම් ආශ්‍රිතව මේ වන විටත් ගංවතුර තත්ත්වය පවතින බව වාරිමාර්ග දෙපාර්තමේන්තුව නිවේදනය කර සිටියි.
ගංවතුර තත්ත්වයක් පවතින අවස්ථාවකදී මහජනතාව සිදු නොකළ යුතු දෑ මොනවාදැයි බීබීසී සිංහල සේවය ආපදා කළමනාකරණ මධ්‍යස්ථානයේ අධ්‍යක්ෂක ප්‍රදීප් කොඩිප්පිලි ගෙන විමසීමක් කළේය.
ඔහු සඳහන් කළේ මේවන විටත් ගංවතුර ඇති ස්ථාන නැරඹීමට යාමෙන් සහ ඒ ආශ්‍රිත ක්‍රියාකාරකම් හේතුවෙන් පුද්ගල මරණ 10ක් වාර්තා වී ඇති බව ය.
සිදුව ඇති ආපදා මොනවා ද?
අධික වැසි සහිත කාලගුණය හේතුවෙන් ජුනි මස පළමු වෙනිදා සිට අද (ජුනි මස 04 වෙනිදා) උදෑසන 6.00වන විට පුද්ගලයින් 17 දෙනෙකු ජීවිතක්ෂයට පත්ව තවත් අයෙක් අතුරුදන්ව ඇති බව ආපදා කළමනාකරණ මධ්‍යස්ථාන සඳහන් කළේය.
රත්නපුර දිස්ත්‍රික්කයේ මරණ 05ක්, කොළඹ දිස්ත්‍රික්කයේ මරණ 03ක්, මාතර දිස්ත්‍රිකයේ මරණ 06ක්, ගාල්ල දිස්ත්‍රික්කයේ මරණ 02ක් සහ ගම්පහ දිස්ත්‍රික්කයේ එක් මරණයක් වාර්තා වී ඇති බව ආපදා කළමනාකරණ මධ්‍යස්ථානය නිවේදනයේ දැක්වේ.
අධික වැසි සහිත කාලගුණය හේතුවෙන් පවුල් 40,728 කට අයත් පුද්ගලයින් 159,991ක් දෙනෙකු බලපෑමට ලක්ව ඇති බව ද ආපදා කළමනාකරණ මධ්‍යස්ථානය විසින් නිකුත් කළ නිවේදනයේ සඳහන් වේ.
1. ආපදා තත්ත්වයන් ගැන ලබා දෙන නිවේදන නොසලකා හැරීමෙන් වළකින්න
ගංවතුර තත්ත්වයන් සම්බන්ධව නිකුත් කරන නිවේදන ගැන ඇතැම් පුද්ගලයින් නොසලකා හැරීම බලවත් වැරැද්දක් බව ආපදා කළමනාකරණ මධ්‍යස්ථානයේ අධ්‍යක්ෂක ප්‍රදීප් කොඩිප්පිලි කියා සිටියේය.
ජනතාව එම නිවේදන වලට අවනත වීම ඉතා වැදගත් බව ද ඔහු පැවසීය.
ගංවතුර තත්ත්වයන් සම්බන්ධව නිකුත් කරන නිවේදන ගැන ඇතැම් පුද්ගලයින් නොසලකා හැරීම බලවත් වැරැද්දක් බව ආපදා කළමනාකරණ මධ්‍යස්ථානයේ අධ්‍යක්ෂක ප්‍රදීප් කොඩිප්පිලි කියා සිටියේය.
2. ගංවතුර පවතින ස්ථාන නැරඹීමට යෑම සහ විනෝද වීම
ගංවතුර තත්ත්වයන් ඇතිවූ විට ඒවා නැරඹීමට යාම සහ එම ස්ථානවල විනෝද වීම නොකරන්න.
සෑම විටම අනතුරුදායක මට්ටමින් ඈත්ව කටයුතු කිරීමට පියවර ගන්න.
ගංවතුරට බැසීමෙන් වලකින්න. නොසැලකිලිමත් ලෙස කටයුතු කිරීමෙන් විවිධ බැක්ටීරියා වර්ග ආසාදනය වීමට ඇති හැකියාව ඉහළ බව සෞඛ්‍ය අංශ පවසයි.
ගංවතුර තත්ත්වයන් ඇතිවූ විට ඒවා නැරඹීමට යාම සහ එම ස්ථානවල විනෝද වීම නොකරන්න
ගංවතුර තත්ත්වයන් ඇතිවූ විට ඒවා නැරඹීමට යාම සහ එම ස්ථානවල විනෝද වීම නොකළ යුතුය
03. ගංවතුරේ පිහිනීම සහ ඔරු පැදීමෙන් වළකින්න
ගංවතුර ඇතිවූ විට ඔරු, පාරු සහ කෙසෙල් කඳන් සහ බැරල් ආදිය යොදා ගනිමින් ඔරු පැදීම මෙන්ම ගංවතුරේ පිහිනීමට යෑම අතිශය භයානක විය හැකිය.
ගංවතුරේ පිහිනීමට යෑම අතිශය භයානක විය හැකිය.
ගංවතුරේ පිහිනීමට යෑම අතිශය භයානක විය හැකිය
04. විදුලි රැහැන් ඇල්ලීමෙන් වළකින්න
ගංවතුර තත්ත්වය සමග ජලයෙන් යටවී ඇති ප්‍රදේශවල ඇති විදුලි රැහැන් ආදිය ඇල්ලීමෙන් වලකින්න.
05. වාහන ධාවනය හැකිතාක් සීමා කරන්න
ගංවතුර තත්ත්වය සමග බොහෝ පුද්ගලයින් ඒ හරහා වාහන, බස් ආදිය ධාවනය කරන අයුරු දක්නට ලැබේ.
කෙසේ වුවත් අදාළ මාර්ගවල තත්ත්වය සහ ජල මට්ටම ගැන අවබෝධයක් නොමැති වීම හේතුවෙන් ගංවතුර පවතින අවස්ථාවල එලෙස වාහන ධාවනය අනතුරුදායක විය හැකිය.
ගංවතුර පවතින අවස්ථාවල එලෙස වාහන ධාවනය අනතුරුදායක විය හැකිය.
ගංවතුර පවතින අවස්ථාවල එලෙස වාහන ධාවනය අනතුරුදායක විය හැකිය
06. පානීය ජලය සහ ආහාර
ගංවතුර ඇති අවස්ථාවල ළිං ඇතුළු ජල සැපයුම් මාර්ග අපිරිසිදු විමට ඉඩ ඇති හෙයින් ඒ පිළිබඳව අවධානය යොමු කොට උණුකර නිවාගත් පිරිසිදු ජලය හෝ බෝතල් කළ ජලය පමණක් භාවිත කරන්න.
ආහාර පිසීමට සහ වෙනත් අවශ්‍යතා සපුරා ගැනීමට ගංවතුර භාවිත නොකරන්න.
ගංවතුරට නිරාවරණය වූ ද්‍රව්‍ය ආහාරයට ගැනීමෙන් වලකින්න.
නොසැලකිලිමත් ලෙස කටයුතු කිරීමෙන් විවිධ බැක්ටීරියා වර්ග ආසාදනය වීමට ඇති හැකියාව ඉහළ බව සෞඛ්‍ය අංශ පවසයි.
නොසැලකිලිමත් ලෙස කටයුතු කිරීමෙන් විවිධ බැක්ටීරියා වර්ග ආසාදනය වීමට ඇති හැකියාව ඉහළ බව සෞඛ්‍ය අංශ පවසයි
හදිසි ආපදා අවස්ථාවකදී කුමක් ද කළ යුත්තේ ?
* ආපදා මල්ලක් සූදානම්ව තබා ගැනීම
* ජංගම දුරකතනය චාජ්කර තබා ගැනීම
* හදිසි අවස්ථාවක් නම් ආපදා කළමනාකරණ මධ්‍යස්ථානයේ 117 දුරකතන අංකය අමතන්න
(BBC සිංහල සේවය)