පලාලි නැගෙනහිර ප්‍රදේශයේ ඉඩම් යළි ජනතාවට ලැබෙයි ද...? - (වීඩියෝ)

එමතු නොව ආර්ථික මධ්‍යස්ථාන සහ විවිධාකාරයේ ගොඩනැගිලි ද විනාශ විය. 

ඒ, එක් පාර්ශ්වයක ක්‍රියාදාම හේතුවෙන් නොව දෙපාර්ශ්වයේ ම ක්‍රියාදාම හේතුවෙනි. ඒ සියල්ල අපිට දකින්නට අසන්නට ලැබිණ. නමුදු අපිට අසන්නට හෝ දකින්නට: නොලැබුණ, නොලැබෙන ඛේදවාචකයක් ද මේ පසුපස පවතී.

මතු පළවන දෙබස ඊට සාක්ෂි සපයයි.

‘‘2013 වසර වන විට අධි ආරක්ෂිත කලාප තුළ ඉඩම් අක්කර 6376ක් ගැසට් කර තිබුණා. එම සිමාවේ තිබුණු සියලු: නිවාස, ආගමික සිද්ධස්ථාන සහ ගොඩනැගිලි හමුදාව විසින් විනාශ කරනු ලැබ තිබුණා.’’

මෙලෙස පවසන්නේ වලි උතුරු ප්‍රාදේශිය සභාවේ හිටපු ගරු සභාපති සෝමසුන්දරම් සුකිර්තන් ය.

මේ ආකාරයට සිය ඉඩකඩම් අහිමි වූ උතුරු නැගෙනහිර වැසියෝ අනන්ත ය; අප්‍රමාණය. මතු පළවන විඩියෝවෙන් ඉදිරිපත් කෙරෙන්නේ ඔවුන්ගේ ඛේදජනක කතාව ය.