ඔහුගේ රාවය සගරාවේ පළමු කළාපයේ සිටම කියවූ කෙනෙක් මම. "රටට මොකක්ද වෙන්නේ" කියල කවරයේ කථාවක් එක්ක රාවය සගරාව මුළින්ම ආවේ. අයිවන් 71 එකේ කැරැල්ලේ මහ නඩුවේ 7 වෙනි විත්තිකරු.
ඔහු හිර ගෙදරින් ආවේ 'විප්ලවය' අත හැරල 'ප්‍රතිසංස්කරණ' හරහා රට වෙනස් කරන්න හිත හදාගෙන. ඒ කියන්නේ Revolution අත හැරල Reform ව්‍යාපෘතියක් වෙනුවෙන් ඔහු පෙනී හිටියේ. ඒ වැඩේ කරන්න පක්ෂ යාන්ත්‍රණය හරහා උත්සාහ කරල එය කළ නොහැකි වුනාම ඒ වැඩේට තමන්ගෙම 'භාෂාවක්' හදා ගන්න ඔහු සමත් වුනා.
රාවය කියන්නේ ඒ අලුත් භාෂාව.
ස්තුතියි සිදු කළ මැදිහත්වීමට. ශාස්ත්‍රීය සමාජයටවත් බැරි තරම් සාරවත් කෘති රචනා කළාට. අපේ කාලයේ දේශපාලනය ගැන කැමති අයට 'ගාන්ධිවාදය' ගැන විශ්වාසය ගොඩනැගුවාට .
සුභ ගමන් අතුල අයියා!
(සටහන | මහාචාර්ය චරිත හේරත්)
charith9@yahoo.com