හැරී ස්ටැසන් ජයවර්ධන : හදවතේ නොමැකෙන 'සලකුණ'! | ක්‍රිශාන්ත ප්‍රසාද් කුරේ

ඉක්ම ගිය වසර වසර ගණනාවක් තිස්සේ, අගෝස්තු 17 වන දින මම අවදි වූ වහාම කරන පළමු දෙය නම් මගේ ආදරණීය මිතුරා වන නැසීගිය හැරී ස්ටැසන් ජයවර්ධනට කතා කිරීමයි.

සෑම අවස්ථාවකම එය ආරම්භ වූයේ, "සුභ උපන්දිනයක්, ලොක්කා" යනුවෙනි. ඔහු වහාම පෙරළා පිළිතුරු දුන්නේ, "ස්තූතියි, ලොක්කා" යනුවෙනි. අපි දෙදෙනාම එකිනෙකාට 'ලොක්කා' යන නම තැබූ ආකාරය අපේ ලෙංගතුකම වෙනුවෙන්ම යොදාගත් “හැදින්වීමක්” මෙනි. ඒ අමුතු අන්වර්ථ නාමය අපගේ කුඩා සම්ප්‍රදාය බවට පත් වූ අතර, එය සැමවිටම අප දෙදෙන අතර  කිසියම් හාස්‍යජනක සිනහවකට හේතුවක් විය.

අද, එනම් 2025 අගෝස්තු 17, එය වෙනස් ය. මට ඇමතුමක් ලබා දිය හැකිය. එලෙස අමතා කිව යුතු දේ මම දනිමි. 

 

නමුත් “ලොක්කා” තවදුරටත් නැත.!

දවස අවසානයේදී, ඇත්තටම හැරී බැලුවහොත්, ජීවිතය යනු පවුල සහ හොඳ මිතුරන් ය. බොහෝ දෙනෙකුට, හැරී ජයවර්ධන යනු ව්‍යවසායකයෙක් සහ අති සාර්ථක ව්‍යාපාරිකයෙකි. මට නම්, ඔහු කලාතුරකින් මුණගැසෙන ආකාරයේ මිතුරෙකු වූ අතර ඔහුගේ හිතේශීවන්තකමට සීමාවන් නොතිබුණි. එවැනි අය යන විට යන්නේ , විශාල හිස් පරතරයක් සහ වේදනාත්මක මතකයක් ඉතිරි කරමිනි.

මාස පහකට පෙර මගේ පියා අහිමි වූ නිසා එය මට වඩාත් දුෂ්කර විය. ඔවුන් දෙදෙනාම මට 'ලොක්කා'ලා වුණ අතර, එක් කෙනෙක් පියෙකි, අනෙකා පියෙකු වැනි චරිතයකි. ඒ වගේම දෙදෙනාම මගේ ළඟම ආදරණීය මිතුරන් ය. ඔවුන්ගේ වියෝව මට අනිත්‍යතාවය සහ බැඳීමේ හිස්බව පිළිබඳ සදාකාලික පාඩම ඉගැන්වීය. අහෝ, එය අපේ මනුෂ්‍යත්වයේ නොවැළැක්විය හැකි ප්‍රතිවිපාකයකි.

 

 

ලෝකයම මට විරුද්ධ වූ විටෙක වුවද හැරී මා අසල සිටියේ පර්වතයක් මෙන් ය. ඒක මට කිසිදාක අමතක නොවන්නකි.

හැරී ස්ටැසන් ජයවර්ධන කිසි විටෙකත් අභියෝගවලින් පසුබට වූයේ නැති අතර ඔහු කිසි විටෙකත් කිසිවෙකුට බිය වූයේද නැත. යමෙක් ඔහුගේ විශ්වාසය දිනා ගත් පසු, සියල්ල එපමණය. ඔහුගේ විශ්වාසය දිනාගත් අයෙකු වෙනුවෙන් ඔහු පෙනී සිටින්නේ එහි ප්‍රතිවිපාක නොසලකා හරිමින්ය. මම ඒ බව බොහෝ වාරයක් අත්විඳ ඇත්තෙමි. එසේම, ඔහුගේ විශ්වාසය දිනාගත් අයෙකුට, ඔහු හොදින් දන්නා හඳුනන අයෙකුගෙන් වරදක් වුවහොත් ඔහුගේ විශ්වාසය දිනූ තැනැත්තා වෙනුවෙන්, ඔහුට එරෙහි වන්නට ඒ දැනහැදුනුම්කම අදාල නැත. කිසිදු හේතුවකට කිසිවිටෙකත් ඔහුගේ විශ්වාසනීයත්වය සහ බැඳිම බිඳ දැමිය නොහැකි විය.

 

හැරී සබඳතාවල වටිනාකම තේරුම් ගත්තේය. ජයග්‍රාහී කාලවලදී හෝ ශෝකජනක අවස්ථාවන්හිදී, සැමවිටම මා වෙනුවෙන් මුලින්ම සිටියේ ඔහුය.

“ලොක්කා, මට ඔබව ගොඩක් මග හැරී තිබෙනවා. ඔබේ දුරකථන ඇමතුම්, ඔබේ උපදෙස්, ඔබේ විහිළු සහ ඔබ මා කෙරෙහි තැබූ විශ්වාසය මට මග හැරී තිබෙනවා. සියල්ලටම වඩා, අපි එකට ගත කළ ඒ සුවදායක, අති විශේෂ අවස්ථා, බාර්වල, අවන්හල්වල, ගමන් බිමන්වල, මගේ නිවසේ සහ රෝහල්වල පවා මට මග හැරී තිබෙනවා.

මට තව එක වතාවක් දුරකතනය අරන් ඔයාගේ අමතක නොවන කටහඬ අහන්න පුළුවන් නම් කියලා මම ප්‍රාර්ථනා කරනවා.

 "සුභ උපන්දිනයක් වේවා ලොක්කා,"කියන්න මට බැහැ. "ස්තූතියි ලොක්කා, ඔයාගේ මිත්‍රත්වයට, මට ඔයාව ගොඩක් මතක් වෙනවා" කියලා මට කියන්න බැහැ. ඔයා දැන් අප අතර නැති වුණත්, ඔයාගේ උරුමය සහ අපි බෙදාගත්ත මතකයන් හැමදාම ඉතුරු වෙලා තියෙනවා. ජීවිතේ සෑම හැල හැප්පීමදීමත්, ඔබෙන් ලද අත්දැකීම් සහ ආශිර්වාදය මට ඉදිරියට යන්න ශක්තියක් වී තිබෙනවා.

අපි ආයෙමත් හමුවෙනකම් සුභ උපන්දිනයක් ලොක්කා!!!

(සටහන | ක්‍රිශාන්ත ප්‍රසාද් කුරේ)
දේශපාලන හා සමාජ විශ්ලේෂක සහ ක්‍රියාකාරික