වේයන්ගොඩ ප්‍රදේශයේ පදිංචි හරින්ද්‍රරත්න බානගල සහ පන්නිපිටිය ප්‍රදේශයේ පදිංචි ප්‍රේමසිරි විජේසේකර යන අය විසින් මෙම පෙත්සම් ඉදිරිපත් කර ඇති බව වාර්තා වේ.
එහි වග උත්තරකරු ලෙස නීතිපතිවරයා නම් කර තිබේ.
පෙත්සම්කරුවන් කියා සිටින්නේ යෝජිත පනත් කෙටුම්පතේ 01 සිට 04 දක්වා වගන්තිවලින් ආණ්ඩුක්‍රම ව්‍යවස්ථාව මගින් සහතික කර තිබෙන බලය බෙදීමේ සිද්ධාන්තය උල්ලංඝනය වීමක් සිදුවන බවයි.
ඊට අමතරව අදාළ පනත් කෙටුම්පතේ අන්තර්ගත වගන්ති එකකින් වූ කීපයකින් රටේ ආණ්ඩුක්‍රම ව්‍යවස්ථාව මගින් සහතික කර ඇති ස්වෛරීභාවය සහ ජනතා පරමාධිපත්‍යය උල්ලංඝනය කිරීමක් සිදුවන බවත් පෙත්සමෙන් චෝදනා කර ඇත.
සමස්තයක් වශයෙන් ගත් කළ යෝජිත පනත් කෙටුම්පතේ වගන්තිවලින් සමස්ථ ආණ්ඩුක්‍රම ව්‍යවස්ථාවේ සඳහන් මූලික හරයන් උල්ලංඝනය වීමක් සිදුවන බව සඳහන් කළ පෙත්සම්කරුවන් ඒ තුළින් ආණ්ඩුක්‍රම ව්‍යවස්ථාව මගින් සහතික කර තිබෙන 1, 3, 4 වන ව්‍යවස්ථාවන් සහ 12(1) ව්‍යවස්ථාවේ සඳහන් මූලික මිනිස් අයිතිවාසිකම් උල්ලංඝනය වන බවත් සඳහන් කර තිබේ.
ඒ අනුව අදාළ පනත් කෙටුම්පතේ ප්‍රශ්නගත වගන්ති සම්මත කිරීමට නම් පාර්ලිමේන්තුවේ තුනෙන් දෙකක විශේෂ බහුතර ඡන්දයකින් අනුමත වී එය ජනමත විචාරණයකින්ද අනුමත විය යුතු බවට නියෝගයක් නිකුත් කරන ලෙසත් පෙත්සම්කරුවන් ශ්‍රේෂ්ඨාධිකරණයෙන් ඉල්ලා ඇත.
අදාළ පනත් කෙටුම්පත අභියෝගයට ලක් කරමින් ශ්‍රී ලංකා පොදුජන පෙරමුණේ පාලක ලේකම් රේණුක පෙරේරා විසින් ද ඉකුත් දා පෙත්සමක් ගොනු කළේය.
බලපෑම හේමා ප්‍රේමදාසට පමණයි !
මේ අතර අනිද්දා පුවත්පතේ නියෝජ්‍ය කර්තෘ ලසන්ත රුහුණගේ පවසන්නේ, හිටපු ජනාධිපතිවරුන් ගේ විශ්‍රාම වැටුප ඉවත් කළ නොහැකි බවයි.
ඔහු එබව පැවසුයේ, Anidda Newspaper youtube නාලිකාව තුළ කළ අදහස් දැක්වීමක දී ය.
එම කරුණ තව දුරටත් පැහැදිලි කළ ලසන්ත රුහුණගේ පැවසුවේ හිටපු ජනාධිපතිවරුන් ගේ විශ්‍රාම වැටුප අනුමත කර තිබෙන්නේ ආණ්ඩු ක්‍රම ව්‍යවස්ථාව මගින් බවයි. එසේ වුව ද හිටපු ජනාධිපතිවරුන්ගේ බිරින්දැවරු එම විශ්‍රාම වැටුප ලබාගැනීම වළක්වා ලිය හැකි යැයි ද ඔහු අවධාරණය කළේ ය.
ඒ අනුව මේ වන විට එලෙස අහෝසි කළ හැකිවන්නේ හිටපු ජනාධිපති ආර්. ප්‍රේමදාස ගේ බිරිඳ වන හේමා ප්‍රේමදාසගේ විශ්‍රාම වැටුප පමණක් යැයි ද ඔහු පැහැදිලි කළේ ය.
මතු පළවන්නේ ඔහු ඉදිරිපත් කළ සම්පූර්ණ කරුණු අන්තර්ගත වීඩියෝව යි.
