අනුරගෙ විප්ලවීය කාර්‍යභාරය සිද්ද වෙන්නෙ ජවිපෙ ඇතුලෙ. ඒක අවුරුදු හැටක් මේ රටට විශාලතම සාපයක් වුනු පක්ෂයකින් රට ගලවා ගැනීමක් වෙනවා. ජාතිවාදී, සමාජවාදී, අන්තවාදී ජවිපෙ ලිබරල් මාලිමාව බවට පරිවර්තනය කරන්නෙ අනුර. රනිල්ගෙ ආර්තික ප්‍රතිපත්ති බාධාවකින් තොරව කරගෙන යන්න පුළුවන් ජවිපෙයක් නිර්මාණය කරන්නෙ අනුර. සෑම ප්‍රගතිශීලී පියවරකටම විරුද්ධ වන ලංකාවෙ පසුගාමී වාමාංශික මානසිකත්වය අහෝසි කිරීම අනුර කරපු විප්ලවීය කාර්‍යය වෙනවා. මගේ තක්සේරුවට අනුව ඒක ජේආර් විවෘත ආර්තිකය හඳුන්වා දුන්නු තරම්ම විප්ලවීයයි.
අපි හැමතිස්සෙම හිතන්න පුරුදු වෙලා තියෙනවා අලුතෙන් යමක් හදුන්වාදීම තමයි විශේෂ වෙන්නෙ කියල. නමුත් කලින් පැවති සාධනීය යමක් නිරහංකාරව පවත්වාගෙන යාමත් සුවිශේෂී දෙයක්. ඒක ගොඩක් අයට නැති දෙයක්.
අනුර කියන්නෙ වෙනස් හැඩයක්. ඒකෙ හොඳ නරක දෙකම තියෙනවා. අනුරට හම්බුනේ රොමාන්තික බවක් රෝගයක් තරම් උඩුදුවපු ජනතා අභිලාෂයක්. ඒක කොහෙත්ම කළමනාකරණය කරන්න පුළුවන් එකක් නෙමෙයි. ඒ වගේම අනුරට ඉන්නෙ නුපුහුනු නුපුරුදු ලෙඩ්ඩු ගොඩක්. ආණ්ඩුවක් කිව්වට ඉන්නෙ අනුර විතරයි. ඒකම ඓතිහාසිකයි.
මේ අතුරෙ අනුර යන එකම වැඩක්. එයා අසමත් වෙන්න ගොඩක් ඉඩ තියෙනවා. ඒත් පසුගාමී සාපයක් වුනු වාමාංශයක් පරිවර්තනය කිරීම කියන සුවිසල් මෙහෙවරේදි අනුර යෝධයෙක්.
සුබ උපන්දිනයක් මචං. උපහාස අපහාස කරන්නෙ අමාරුවෙ තරම නොදැන නෙමෙයි. පුළුවන් තරමෙන් උපරිම වැඩක් කරමු. ජය!
(සටහන | චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
vyadhadeva@gmail.com
(උපුටා ගැනීම -Chinthana Dharmadasa ෆේස්බුක් පිටුවෙන්..)
