ගල්ගමුව සෙනරත්ගම පුලංචිය වැව අසල ඇති ගිමන්හල උද්‍යානයේ සියඹලංගමුවේ ඇතාගේ සහ ගල්ගමුවේ දළ පුට්ටුවාගේ සජිවි පිළිරුව නිර්මාණය කරන ලද්දේ අහිංසා ශ්‍රි ලංකා සත්ත්ව සංවිධානය මගිනි.
මාර්ග අංක 57 හරහා අනුරාධපුර අටමස්ථාන වෙත ගමන් ගන්නා බැතිමතුන්ගේ අතරමැදි විවේක ලබාගැනීමට බොහෝ පිරිසක් මෙහි පැමිණෙන අතර ඔවුන්ගේ ආදර ගෞරවය මෙම ඇත් රජ වරුන් දෙපල වෙත නිතතින්ම ලැබෙන්නේ එහි සජිවි රූපකායන් ලෙස මිනිස් සිත් ආකර්ෂණය කරගෙන ඇති නිසාය.
2026.02.04 වන දින මියන්මාරයයේ සිට ලංකාවේ පාදචාරිකාවක් සදහා පැමිණි භික්ෂූන් වහන්සේලා පිරිසක් දහවල් දානය ගැනිමට මෙම ස්ථානය තෝරාගැනිම ද අතිශයින්ම වැදගත් කරුණකි. මෙයින් ජාත්‍යන්තර වශයෙන් පවා මෙම ඇත් රජුන් මෙන්ම ප්‍රදේශය ද ප්‍රසිද්ධියට සේම කීර්තියට ද පත්විම සැලකිය යුතු තත්ත්වයකි.
එහෙත් එලෙස මෙම ස්ථානය දිනෙන් දිනම ප්‍රසිද්ධියට පත්වෙන වාතාවරණයක් තුළ අතිශයින් කනගාටුදායක තත්ත්වයක්ද එම ප්‍රදේශය තුලින් පුචාරය වෙමින් පවති.එනම් ඇත් පිළිරුව පරිශ්‍රයේ සිටින කාන්තාවක් එම විදේශීය දුතපිරිසෙහි සිටි භික්ෂූන් වහන්සේලාගෙන් ආහාර හා වෙනත් දේවල් සිගමන් යදිමින් එක්රැස් කිරිමේ සිදුවිමකි. ඇය එසේ එක් රැස් කරන ලද්දේ පසු දින එම ස්ථානයේ පැවැත්වීමට නියමිත උත්සවයකට පැමිණෙන පෙර පාසැල් දරුවන්ට ලබාදිමට බව පවසමිනි. එහෙත් එසේ ලබා ගත් කිසිවක් එම දරුවන්ට ලබා දි නොමැති බවද සොයාබැලීම් වලදි වාර්තා විය.
මෙය ඇත්තෙන්ම නොවිය යුත්තකි. මෙය ප්‍රදේශයට වටිනාකමක් ගෞරවයක් ලැබිම උදෙසා නිර්මාණය කරන ලද මෙම ඇත් රජවරුන් දෙදෙනා හටද කරනු ලබන බරපතල නිගරුවකි; අගෞරවයකි. මෙම සිදුවිම කිරි කලයක් දොවා එයට ගොම බිංදුවක් දැමුවා වැනි සිදුවිමකි.මෙවැනි සිදුවිම් ඉදිරියෙදිද මෙම ස්ථානයේ සිදුවුවහොත් එය මෙම ස්ථායට, ප්‍රදේශය සහ සමස්තයක් වශයෙන් ලංකාවටම බලපාන කරුණකි.
එබැවින් ඉදිරියෙදි මෙවැනි සිදුව්ම් මෙවැනි වැදගත් ස්ථානවල සිදුනොවිමට වගබලාගැනිම සියලු පුරවැසියන්ගේ වගකිමකි. මෙය අතිශය වගකීම් සහගත ප්‍රකාශයක් වන අතර මෙම සිදුවීම සම්බන්ධ සත්‍යතාව තහවුරු කිරීමට සෙනරත්ගම ප්‍රදේශවාසීහු බොහෝ දෙනෙක් සැදී පැහැදී සිටිති.
(උපුටා ගැනීම - සෙනරත්ගම ගැමි හඞ ෆේස්බුක් පිටුවෙන්...)
