අටවන ජනාධිපතිගේ සතියේ ඩයරිය : 'දැන් හරිනිගෙ ගමන අත්හදා බලනවා වගේ'

පැලවත්තේ මහදැන මුත්තා කියන්නේ ටිල්වින්  උන්නැහේටය. උන්දෑ මුලදී එළියට පහලියට බැස්සේම නැත. දැන් ටික ටික නායකයන් ගැවසෙන තැන්වල උන්දෑගේ මූණ දැක ගන්නට ලැබේ. මේ විපර්යාසය මොකක්දැයි විපක්ෂ කණ්ඩායම් අතරත් කසුකුසුවක් පැන නැගී තිබේ.

විධායක ජනාධිපති ක්‍රමය අහෝසි කර අනුර අගමැති ධුරයට පත් වී ටිල්වින්  විධායක නොවන ජනපති ලෙස පත් කෙරෙනු ඇතැයි එලෙස පැතිරී ගිය එක් රාවයකි. ටිල්වින් මේ හොර ගල් අහුලන්නේ ඒකට තෝතැන්නක් හදාගන්නටය. එහෙම නැතුව වල් සතා වගේ ගුහා ගත වී සිට එකපාරටම කළ එළි බසින්නට හැකියාවක් නැත. රනිල්ගේ පවුලේ පන්සලක් ලෙස හැඳින්වෙන ගංගාරාමයටද ටිල්වින් උන්නැහේ ලඟදී ගොස් වන්දනාමාන කරගෙන තිබේ.

කොහොම වුනත් මිනිස්සු නම් කියන්නේ මේ උදවිය කාල් මාස්ටත් පොල්ල තැබූ වගකි.

එදා කියපු කතාවට හාත්පසින්ම වෙනස් වූ කතාවක්...

ජනාධිපති නිදහස් දින කතාව කරමින් රනිල් එදා අර්බුදයෙන් රට ගොඩනගන සමයේ කළ ඉල්ලීමක් නැවත ඉල්ලා සිටියේය.

එනම් රට ගොඩනැගීමට සියලුම දෙනාට එක්වන ලෙස ඉල්ලා සිටියේය. නමුත් ඔවුන් බලය ගන්නට පෙර කීවේ කිසිම කෙනෙකුගේ සහාය නොගෙන ඔවුන්ගේම පිරිසිදු මිනිසුන්ගේ සහයෙන් ආණ්ඩුව කරන බවයි. ඔවුන්ගෙන් වියුක්ත වූ සෙසු බලවේග දූෂිතයන් බවද අනුරලා එදා කීවේය.

නමුත් දැන් මේ කියන්නේ ඊට හාත්පසින්ම වෙනස් වූ කතාවකි.

" එකතු වෙන යෝජනා කරන්න කලින් එයාගේ හොඳ හිත පෙන්නන්න කියන්න. අනෙක අපි දැන් දන්නවා එයාට මේක කරගන්න බෑ කියලා. IMF  එක්ක ගියත් දැන් රට හිරවෙලා තියෙන්නේ. ඉස්සෙල්ලා ව්‍යාපාරිකයන් දාලා රට ගොඩ ගන්නවා කිව්වා. දැන් මාස දෙකක් ගිහින්. ව්‍යාපාරිකයොත් නෑ. ගොඩගන්න එකත් නෑ. ව්‍යාපාරිකයොත් මහවැලි වතුර වගේ හේදීගෙන ගිහින්"

 

 

සෙනසුරාදා ලංකාවට අලුත් ක්‍රීඩාවක් හඳුන්වා දුන්නේය.ඒ කික් බොක්සින් ක්‍රීඩාවයි. ඒ අවස්ථාවට දේශපාලනඥයෝ හතර දෙනෙක් සහභාගී වූහ. ඒ රනිල්, හරීන්, එජාප භාණ්ඩාගාරික ෆිරෝ සහ උප සභාපති තියඩෝර්ය.

UNP  එකත් දැන් ඩිජිටල්කරණය වී අලුත්  කික් බොක්සින් ක්‍රීඩකයෙක් බවට පත්වෙමින් සිටින බව දේශපාලන විචාරකයන්ගේ මතයයි.

එජාපය ඩිජිටල් කරන උත්සවය නිදහස් දවසේ හවස නායක රනිල්ගේ ප්‍රධානත්වයෙන් සිරිකොත මූස්ථානයේදී මහා ඉහළින් පැවැත්විණි. එජාප නායකයෝ සියල්ලෝම ඊට සහභාගී වූහ.

මෙහිදී  ශ්‍රී ලංකාව පුරා සියලුම මැතිවරණ කොට්ඨාස ආවරණය වන පරිදි ඩිජිටල් පාලක සම්බන්ධීකාරකවරුන් (Digital Ward Coordinators) පත් කිරීම නිල වශයෙන් ඇරැඹුණු අතර මූලිකව පාලක සම්බන්ධීකරණ නිලධාරීන් දහසක් පත් කෙරිණි.

ඊට අමතරව, එක්සත් ජාතික පක්ෂයේ නව යු.එන්.පී ජංගම යෙදුම (UNP App) ඉදිරියේදී නිල වශයෙන් හඳුන්වා දීමට නියමිතව තිබේ. මෙම යෙදුම මගින් පක්ෂ සාමාජිකයන්ට, සංවිධායකයන්ට සහ ජනතාවට තොරතුරු හුවමාරු, දැනුවත් කිරීම සහ සම්බන්ධතා වර්ධනය කිරීම සඳහා නව ඩිජිටල් වේදිකාවක් සැපයීම අරමුණු කරයි.

මෙම ඩිජිටල් දියත් කිරීමේ තවත් වැදගත් අංගයක් ලෙස, සිරිකොත පක්ෂ මුලස්ථානයේ ස්ටාර් ලින්ක් අධිවේගී අන්තර්ජාල පහසුකම නිල වශයෙන් ආරම්භ කිරීමද සිදු කෙරිණි.

අනාගතයේදී නව පරම්පරාවේ තරුණයින්ට පක්ෂය සහ රට භාර දිය යුතුයි...