ජෝජ් ඕවල් 1945 දී ලියුව රුසියන් විප්ලවයෙන් පසු ස්ටාලින්ගේ නායකත්වයට යටත්වූ සෝවියට් රුසියානු පාලනය ගැන ලියවුනු ප්‍රහසනයක් ලෙස සැළකෙන මේ කතාව, 2024 නොවැම්බර් වලින් පසු ලංකාවෙහි ලියැවුනු කතාවක් යැයි සිතුවහොත්...... කතාවේ සංක්ෂිප්තය වෙන්නේ ඃ
සත්ව ගොවිපල පාලනය කළ මනුස්සයාට, ජෝන් මහත්තයාට එරෙහිව ගොවිපලේ සතුන් නැගී සිටිනවා. සතුන් ඉල්ලා සිටින්නේ උන්ගේ නිදහස, සමානාත්මතාව සහ පලදායිතාවය. මිනිසුන් නැති නිදහස් ලෝකයක් ගැන සිහින දැකපු වයසක, දළ සහිත පිරිමි ඌරකු වූ “මහළු මේජ” මිය ගිය පසු, සතුන් එකතුවී ජෝන් මහත්තයාව පලවා හැර, “සත්වවාදී” පාලනයක් පිහිටුවා ගන්නවා.
නැපෝලියන් සහ ස්නෝබෝල් නමැති ඌරන් දෙන්නෙක් සමග තව ඌරන් කිහිප දෙනෙක් සත්වවාදී පාලනයේ නායකත්වය ගන්නවා. වැඩි කලක් යන්න කලින් බල්ලන් කණ්ඩායමක් යොදවා ගෙන, ස්නෝබෝල්ව පලවා හැර නැපෝලියන් ඒකාධිපති පාලනයක් පිහිටුවනවා.
ඌරන් යොදා ගෙන නැපෝලියන් පැරණි ප්‍රතිපත්ති වෙනස් කර සත්වවදී පාලනය වෙනුවෙන් සත් වැදෑරුම් අලුත් ප්‍රතිපත්ති මාලාවක් හදනවා. එහි ප්‍රධානම අරමුණ වෙන්නේ ඔවුන් මනුස්ස හැසිරීමට අනුගතවීම සාධාරණය කිරීමය.
ඌරන් සුව පහසු ජීවිතයක් ගත කරද්දී, පාලනයට ලැදි, පක්ෂපාති අශ්වයෙකු වන බොක්ස සමග අනෙක් සතුන් නිෂ්පාදනය වැඩි කිරීමට අල්පේච්ඡ ජීවිතයක අරපිරිමැස්මෙන්, වැඩ කරන්න පටන් ගන්නවා.
අවසානයේ “සත්වවාදී” පාලනයෙහි ඌරන් සහ මනුස්ස පාලනය අතර වෙනසක් දකින්නට නොහැකි තරමේ වෙනසක් ඇති වෙනවා.
මෙය මේ දවස්වල අනිවාර්යෙන් කියවිය යුතු පමණක් නොව, සමාජ සාකච්ඡාවටද ගත යුතු සාහිත්‍ය කෘතියක් කියලා මං කියනවා.
ඉංග්‍රීසි කෘතිය නොමිලේ කියවන්න, මෙතැනින් බා ගන්න -
(සටහන | කුසල් පෙරේරා)
ප්‍රවීන දේශපාලන විචාරක හා ජ්‍යෙෂ්ඨ මාධ්‍යවේදී
kusal.perera@gmail.com
2026 අප්‍රේල් 15 වන දින
