එය භාර ගැනීමට එම චිත්‍රපටයේ නිෂ්පාදකවරයෙකු වූ ප්‍රහාත් රෝෂන් ඉන්දියාවට ගොස් තිබූ අතර ඔහු එම සම්මානයත් රැගෙන (14) රාත්‍රී කටුනායක ගුවන් තොටුපොළ ඔස්සේ ශ්‍රී ලංකාවට පැමිණ ඇත.
මෙම සිනමා උළෙල ලෝකයේ රටවල් 100 ක පමණ චිත්‍රපට අධ්‍යක්ෂවරුන් සහ නිෂ්පාදකවරුන්ගේ සහභාගීත්වයෙන් ඉන්දියාවේ කල්කටා නුවර ඉකුත් (06) දින සිට (13) දින දක්වා ප්‍රදර්ශනය කර තිබිණ.
එහිදී මෙම සම්මානය සමග චිත්‍රපට අධ්‍යක්ෂ ලලිත් රත්නායක වෙත ශ්‍රි ලංකා රුපියල් ලක්ෂ හැත්තෑ පහක් වටිනා මුදල් ත්‍යාගයක් ද හිමි වී තිබේ.
මෙම චිත්‍රපටයට මීට පෙර චීනයේ ෂැංහයි නුවර පැවති සිනමා උළෙලකදී ද සම්මානයක් හිමි වී තිබූ අතර ඉදිරියේදී තවත් ලෝකයේ රටවල් ගනනාවක පැවැත්වෙන සිනමා උළෙල කීපයකටම සහභාගී වීමට නියමිතය.
මෙම සම්මානය රැගත් නිෂ්පාදකවරයා ඉන්දියාවේ බැංගලෝර් නුවර සිට ඉන්ඩිගෝ ගුවන් සේවයේ 6.ඊ.- 1183 දරන ගුවන් යානයෙන් කටුනායක ගුවන් තොටුපොළ වෙත පැමිණ ඇත.
ඔහු පිළිගැනීම සදහා මෙම චිත්‍රපටයේ සම නිෂ්පාදකවරියක වූ නිමන්ති පෝරගේ, ශ්‍රි ලංකා ජාතික චිත්‍රපට සංස්ථාවේ සභාපති සුදත් මහදිවුල්වැව, සාමාන්‍යාධිකාරී රුවන් ප්‍රේමවීර ඇතුළු පිරිසක් ද කටුනායක ගුවන් තොටුපොළ වෙත පැමිණ සිටියහ.
මහේන්ද්‍ර පෙරේරා, ශ්‍යාම් ප්‍රනාන්දු, ප්‍රියන්ත සිරිකුමාර, රන්දික ගුණතිලක ඇතුළු ජනප්‍රිය රංගන ශිල්පීන් රැසක් රංගනයෙන් දායක වූ මෙම චිත්‍රපටයේ තිර පිටපත ද ලලිත් රත්නායකගේ ම වීම විශේෂයි.
( nethnews | ටී.කේ.ජී.කපිල)
