මියයන විට ඔහු 89 වැනි වියේ පසුවිය.
සෞඛ්‍ය ගැටලු හේතුවෙන් ධර්මේන්ද්‍ර මීට පෙර රෝහල් ගත කර තිබූ අතර, අද(24) ඔහු අභාවප්‍රාප්ත වී ඇත.
ඉන්දියානු සිනමාවේ වඩාත්ම කඩවසම් හා දක්ෂ නළුවෙකු ලෙස සැලකෙන ඔහු බොලිවුඩයේ ‘හී-මෑන්’ (He-Man) ලෙස ආදරයෙන් හැඳින්වේ.
ඉන්දීය සිනමාවේ ශ්‍රේෂ්ඨතම නළුවන්ගෙන් කෙනෙකු ලෙස සැලකෙන ධර්මේන්ද්‍ර, සිය වෘත්තීය ජීවිතය ආරම්භ කළේ 1960 දී තිරගත වූ ‘Dil Bhi Tera Hum Bhi Tere’ චිත්‍රපටයෙනි.
ඔහු රංගනයෙන් දායක වූ ‘Yaadon Ki Baarat’, ‘Mera Gaon Mera Desh’, ‘Naukar Biwi Ka’, ‘Phool Aur Patthar’, ‘Betaab’, සහ ‘Ghayal’ ඇතුළු චිත්‍රපට රැසක් සම්මානයට පාත්‍ර විය.
2012 වසරේදී, ඉන්දීය රජය විසින් ඔහුට ඉන්දියාවේ තෙවන ඉහළම සිවිල් ගෞරවය වන පද්ම භූෂණ (Padma Bhushan) සම්මානය පිරිනැමීය.
ඔහු අවසන් වරට තිරයේ පෙනී සිටීමට නියමිත චිත්‍රපටය වන්නේ දෙසැම්බර් 25 වැනිදා තිරගත වීමට නියමිත ‘Ikkis’ චිත්‍රපටයයි.
පන්ජාබයේ ලුධියානා ගම්මානයක ධර්මේන්ද්‍ර කේවාල් ක්‍රිෂාන් ඩියෝල් (Dharmendra Kewal Krishan Deol) ලෙස උපත ලැබූ ඔහු, සිනමාවට පිවිසීමට පෙර, එනම් 1954 දී ප්‍රකාශ් කෝර් සමග විවාහ විය.
පසුව, ඔහු ප්‍රවීණ නිළි හේමා මාලිනී සමග ප්‍රේම සම්බන්ධයක් ඇති කරගෙන ඇය සමග විවාහ විය.
ඔහුගේ දරුවන් හය දෙනා වන නළු නිළියන් වන සනී ඩියෝල්, බොබී ඩියෝල්, ඊෂා ඩියෝල්, ආහනා ඩියෝල්, අජීතා සහ විජේතා වේ.
